 |
| យុវជនភូមីធ្វើស្មៅ ដាំដើមឈើសាទរកម្មវិធី “ដើម្បីវៀតណាមបៃតង” |
ជាមួយពាក្យស្លោក “យុវជនម្នាក់ៗត្រូវសកម្មភាព មូលដ្ឋានសម្ព័ន្ធយុវជននីមួយៗត្រូវសកម្មភាពជាក់ស្តែងដើម្បីការពារបរិស្ថាន” សម្ព័ន្ធយុវជនឃុំភូមីបានផ្សព្វផ្សាយការងារប្រកបដោយ អត្ថន័យជាច្រើនដូចៈ កសាងស្ថាប័ន អង្គភាពភ្លឺ-បៃតង-ស្អាត កសាងនិងបើកទូលាយទម្រង់សំណង់ការងារយុវជនដើម្បីការពារបរិស្ថាន បង្កើតក្រុមយុវជនឈានមុខ ត្រៀមខ្លួនចូលរួមសកម្មភាពការពារបរិស្ថាន អនាម័យសំអាតបរិស្ថាននៅតាមភូមិប្រមូលសម្រាម។ល។ ដើម្បីលើកកម្ពស់ការយល់ដឹង រួមចំណែកបង្កើតផ្នត់រស់នៅអរិយធម៌ ស្និទស្នាលជាមួយបរិស្ថានសម្រាប់សមាជិកសម្ព័ន្ធយុវជន។ បងលីមិញញឹក សមាជិកសាខាសម្ព័ន្ធយុវជនភូមិដៃដូនអ៊ុយ ឃុំភូមីចែករំលែក៖ រាល់ពេលមានការបំផុសចលនាដាំដើមឈើ កាប់ឆ្ការ ប្រមូលសម្រាម… រួមចំណែកការពារបរិស្ថាន ខ្ញុំចូលរួមគ្រប់ពេល ព្រោះខ្ញុំយល់ឃើញថានេះជាសកម្មភាពដ៏មានអត្ថន័យ។
តាមសមមិត្តក្វាច់ប៊ឺវតឹង-លេខាសម្ព័ន្ធយុវជន ឃុំភូមី ឆ្នាំ២០២៣ សម្ព័ន្ធយុវជនឃុំភូមីបានចាត់តាំងនិងរក្សាបានសកម្មភាពដ៏មានអត្ថន័យជាច្រើនដូចជា “បរិច្ចាគឈាមដើមនិទាឃរដូវ-បង្កើនសុមង្គល”ដែលមានសមាជិកសម្ព័ន្ធយុវជនចូលរួម៦លើក “យុវជនរួមកម្លាំងកសាងជនបទថ្មី” កសាងដងផ្លូវគំរូ “ភ្លឺ-បៃតង-ស្អាត-អរិយធម៌- សុវត្ថិភាព” ដាំដើមឈើថ្មីចំនួន៤០០ដើមតាមដងផ្លូវជនបទ ដំឡើងបង្គោលភ្លើងថាមពលព្រះអាទិត្យ ថវិកា៧០លានដុង កាប់ឆ្ការ ធ្វើស្មៅតាមដងផ្លូវលេខ៨៩ នៅភូមិតាបៀន មានសមាជិកសម្ព័ន្ធយុវជន៥០រូប ចូលរួម។ អនុវត្តសំណង់ “បង្គោលទង់ជាតិមាតុភូមិ” នៅភូមិបាក់យ៉ឹង មានប្រវែង១គីឡូម៉ែត្រ ថវិកា៨លានដុង។ល។ ពិសេស សហការជាមួយសម្ព័ន្ធយុវជនស្រុកមីទូចាត់តាំងសកម្មភាព “ដូរសម្រាមជ័រយកអំណោយ” បានទាក់ទាញឪពុកម្តាយសិស្សនិងប្អូនៗនៅលើភូមិដ្ឋានអាសយជន… ក្រៅពីរក្សាសកម្មភាពដែលរួមចំណែកការពារបរិស្ថាន សម្ព័ន្ធយុវជនឃុំភូមីនៅទាំងសកម្មកៀរគរសប្បុរសជនសង់ “ផ្ទះសម្ព័ន្ធយុវជន ផ្ទះកន្សែងក្រហម” តម្លៃ៨០លានដុងនិងជូនអំណោយជាង៦០០ចំណែកដល់មាមីងក្រក្នុងភូមិភាគ ក្នុងមួយចំណែក តម្លៃ៣០០.០០០ដុង…។ សមមិត្តលេខាសម្ព័ន្ធយុវជនឃុំភូមីឱ្យដឹង៖ នាពេលខាងមុខ សម្ព័ន្ធយុវជនឃុំភូមីនឹងបង្កើនសកម្មភាពឃោសនាចលនាដើម្បីផ្គត់ផ្គង់ចំណេះដឹង ជំនាញពីការពារបរិស្ថាន គ្រប់គ្រងនិងការប្រើប្រាស់ធនធានធម្មជាតិប្រកបដោយសមហេតុផលដល់សមាជិក សម្ព័ន្ធយុវជន។ ទន្ទឹមនឹងនោះ បន្តរក្សានិងបើកទូលាយទម្រង់ការពារបរិស្ថានមានប្រសិទ្ធភាពបន្ថែមទៀត។
ជាមួយទង្វើជាក់ស្តែង អត្ថន័យរបស់សមាជិកសម្ព័ន្ធយុវជនឃុំភូមីនាពេលកន្លង បានរួមចំណែកយ៉ាងសកម្មក្នុងការការពារបរិស្ថាន សម្រេចរាល់លក្ខឋានជនបទថ្មីរបស់ភូមិភាគ។ ជឿជាក់ថា លទ្ធផលដែលសម្រេចបាននឹងជាប្រភពកម្លាំងសម្រាប់យុវជនភូមីពង្រីកបន្ថែមទៀត ដើម្បីរួមចំណែកកសាងភូមិស្រុកកាន់តែបៃតង-ស្អាត៕
ថាញ់វ៉ាង
Thông tin bạn đọc
Đóng Lưu thông tin