រសៀលទី១៥ វិច្ឆិកា រង្វាន់ប្រណាំងទូកងក្នុងក្របខ័ណ្ឌពិធីបុណ្យអកអំបុក-ប្រណាំងទូកងសុកត្រាំង តំបន់វាលរាបទន្លេគឺវឡុងលើកទី៦និងសប្តាហ៍វប្បធម៌ កីឡានិងទេសចរណ៍សុកត្រាំងលើកទី១ឆ្នាំ២០២៤ បានបិទវគ្គនិងជូនរង្វាន់ដល់បណ្តាក្រុមទូកងនៅវេទិកាប្រណាំងទូកង ទីក្រុងសុកត្រាំង (សុកត្រាំង)។
ចូលរួមពិធីបិទវគ្គ មានបណ្តាសមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្ត ស៊ើងភឿកហ្វាង-អតីតអនុរដ្ឋមន្រ្តី អតីតអនុប្រធានគណៈកម្មាធិការជនជាតិ ហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត វ៉ជីកុង-សមាជិកបម្រុងគណៈប្រតិបត្តិការមជ្ឈិមបក្ស សមាជិកគណៈអចិន្រ្តៃយ៍បក្សខេត្ត ប្រធានគណៈចាត់តាំងបក្សខេត្តបណ្តាសមមិត្តជាសមាជិកក្នុងគណៈអចិន្រ្តៃយ៍បក្សខេត្ត បណ្តាសមមិត្តអតីតសមាជិកគណៈអចិន្រ្តៃយ៍បក្សខេត្ត បណ្តាសមមិត្តជាសមាជិកគណៈប្រតិបត្តិការបក្សខេត្ត ថ្នាក់ដឹកនាំមន្ទីរ គណៈផ្នែក ព្រះឧបជ្ឈាយ៍ ព្រះតេជគុណនិងប្រជាជនចូលរួមយ៉ាងច្រើនកុះករ។
ពិធីបុណ្យអកអំបុក-ប្រណាំងទូកងសុកត្រាំង តំបន់វាលរាបទន្លេគឺវឡុងលើកទី៦និងសប្តាហ៍វប្បធម៌ កីឡានិងទេសចរណ៍សុកត្រាំងលើកទី១ឆ្នាំ២០២៤ ដែលប្រព្រឹត្តឡើងពីថ្ងៃទី៩ វិច្ឆិកាឆ្នាំ២០២៤ដល់ទី១៥វិច្ឆិកាឆ្នាំ២០២៤ បានបញ្ចប់ដោយជោគជ័យនិងបន្សល់ទុកនូវចំណាប់អារម្មណ៍យ៉ាងល្អប្រសើរក្នុងទឹកចិត្តរបស់ប្រជាជន ភ្ញៀវទេសចរ បំផុតគឺជនរួមជាតិខ្មែរទូទាំងប្រទេស។
 |
| គណៈចាត់តាំងជូនរង្វាន់ដល់ក្រុមទទួលបានពានរង្វាន់លេខ១គឺក្រុមទូកងបុរសវត្តទំនប់ទី២ (ស្រុកចូវថាញ់)។ |
នៅរង្វង់ផ្តាច់ព្រ័ត្រជាមួយការប្រកួតយ៉ាងប្តូរផ្តាច់ដោយមានការគាំទ្រលើកទឹកចិត្តពីទស្សនិកជន។ លទ្ធផលក្រុមទូកងវត្តទំនប់ទី២ (ស្រុកចូវថាញ់) ដណ្តើមបានជ័យជម្នះទទួលបានពានរង្វាន់លេខ១ក្នុងពិធីប្រណាំងទូកងខេត្តសុកត្រាំងឆ្នាំ២០២៤ ក្រុមទូកងវត្តកោះធំ (ខេត្តបាកលីវ) ទទួលបានរង្វាន់លេខ២ វត្តស្រឡូង (ស្រុកមីស្វៀង) ទទួលបានរង្វាន់លេខ៣និងវត្តមុនីស្រះកែវ (ស្រុកថាញ់ទ្រី) ទទួលបានរង្វាន់លេខ៤។
ចំណែកទូកនារី នៅរង្វង់ផ្តាច់ព្រ័ត្រប្រកួតរវាងក្រុមទូកងវត្តទំនប់ (ស្រុកចូវថាញ់) និងក្រុមទូកងវត្តព្រែកចេក(ទីរួមខេត្តង៉ាណាំ) លទ្ធផលក្រុមទូកងវត្តទំនប់(ស្រុកចូវថាញ់)ទទួលបានពានរង្វាន់លេខ១និងក្រុមទូកងវត្តព្រែកចេក (ទីរួមខេត្តង៉ាណាំ) ទទួលបានរង្វាន់លេខ២ ក្រុមទូកងវត្តកោះធំ (ខេត្តបាកលីវ) ទទួលបានរង្វាន់លេខ៣និងក្រុមទូកងវត្តក្បាលក្រពើ (ខេត្តបាកលីវ) ទទួលបានរង្វាន់លេខ៤។
 |
| រង្វាន់នារី ក្រុមទូកងវត្តទំនប់(ស្រុកចូវថាញ់) ទទួលបានរង្វាន់លេខ១។ |
ថ្លែងការណ៍ក្នុងពិធីបិទវគ្គ សមមិត្តង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្តបានសង្កត់ធ្ងន់៖ ជាមួយការចូលរួមនៃក្រុមទូកងចំនួន៦០ក្នុងនិងក្រៅខេត្ត ដោយមានកីឡាករ កីឡាការិនីចំនួន៧.០០០រូប តាមការប៉ាន់ស្មាន ក្នុងរយៈពេល២ថ្ងៃប្រកួត(ពីថ្ងៃទី១៤វិច្ឆិកា ឆ្នាំ២០២៤-ទី១៥វិច្ឆិកា ឆ្នាំ២០២៤) ទាក់ទាញទស្សនិកជនចំនួន២០០.០០០រូបដែលបានចូលរួមគាំទ្រ លើកទឹកចិត្ត។ ឆ្លងតាមបណ្តាសកម្មភាព ពិធីបុណ្យបានទាក់ទាញអ្នកតំណាងនិងភ្ញៀវទេសចរចំនួន៦២០.០០០រូប ក្នុងនោះមានភ្ញៀវទេសចរស្នាក់នៅចំនួន១.៥០០រូប ទទួលបានប្រាក់ចំណូលពីភ្ញៀវប្រហែល៨០ពាន់លានដុង។ មកដល់ពេលនេះយើងទាំងឡាយមានក្តីសប្បាយរីករាយហើយអះអាងថាពិធីបុណ្យអកអំបុក-ប្រណាំងទូកងសុកត្រាំងលើកទី១ ឆ្នាំ២០២៤ ប្រព្រឹត្តឡើងសម្រេចបានជោគជ័យ បានច្រើនមតិក្នុងនិងក្រៅខេត្តវាយតម្លៃខ្ពស់។
ខាងក្រោមនេះជារូបភាពមួយចំនួនក្នុងការប្រកួត បិទវគ្គនិងជូនរង្វាន់
 |
||||||||||
|
Thông tin bạn đọc
Đóng Lưu thông tin