 |
| ទិដ្ឋភាពសន្និបាតនៃគណៈប្រតិបត្តិការបក្ខភាគខេត្តសុកត្រាំងលើកទី៣៤។ |
ចាត់ទុកកសិកម្មជា“បង្គោលបង្អែក” នៃខឿនសេដ្ឋកិច្ចរបស់ខេត្ត ថ្នាក់ដឹកនាំមន្ទីរកសិកម្មនិងអភិវឌ្ឍជនបទបានរាយការណ៍ពីស្ថានភាពផលិតកសិកម្មនិងស្នើបណ្តាដំណោះស្រាយសម្រាប់ទិសដៅឆ្នាំ២០២៥ ខិតខំកសាងខឿនកសិកម្មតាមទិស“កសិកម្មជីវស្ថាន ជនបទទំនើបកសិករអរិយធម៌”។ កសិកម្មអភិវឌ្ឍឆាប់ លើកកម្ពស់តម្លៃផលិតផល ចីរភាព ប្រសិទ្ធភាព ធានាបរិស្ថានជីវស្ថាន សម្របជាមួយការប្រែប្រួលអាកាសធាតុ សមាហរណកម្មអន្តរជាតិ។ ជនបទអភិវឌ្ឍគ្រប់វិស័យ មានហេដ្ឋារចនាសម្ព័ន្ធសេដ្ឋកិច្ច-សង្គមព្រមៗគ្នា ទំនើប រចនាសម្ព័ន្ធសេដ្ឋកិច្ចនិងបណ្តាទម្រង់ចាត់តាំងផលិតសមស្រប។ កសិករមានជីវភាពសម្ភារៈនិងស្មារតីពីមួយថ្ងៃកាន់តែកើនឡើង ធ្វើម្ចាស់ក្នុងដំណាក់កាលអភិវឌ្ឍកសិកម្ម ជនបទ។
ថ្នាក់ដឹកនាំមន្ទីរពលកម្ម-យុទ្ធជនពិការនិងសង្គមរាយការណ៍និងស្នើបណ្តាដំណោះស្រាយផ្សព្វផ្សាយអនុវត្តការងារបំបាត់ផ្ទះបណ្តោះអាសន្ន ផ្ទះទ្រុឌទ្រោម ធានាសុខុមាលភាពសង្គម បណ្តុះបណ្តាលរបរ ដោះស្រាយការងារធ្វើ ស្ថានភាពផ្សព្វផ្សាយកម្មវិធីទិសដៅជាតិបន្ថយក្រដោយចីរភាពលើភូមិដ្ឋានខេត្ត ផែនការត្រៀមគិតអានតេតង្វៀងដាងអ៊ឹកទីឆ្នាំ២០២៥ ជូនគ្រួសារគោលនយោបាយ អ្នកមានសគុណ គ្រួសារក្រ គ្រួសារក្បែរក្រ។ល។
 |
| សមមិត្តលេត្រុងង្វៀង-សមាជិកបក្សខេត្ត-លេខាបក្សស្រុកគូឡាវយុងថ្លែងការណ៍ពិគ្រោះក្នុងសន្និបាត។ |
បណ្តាភូមិភាគស្នើខេត្តយកចិត្តទុកដាក់កសាងប្រភពកម្លាំងគុណភាពខ្ពស់ បំផុតគឺបណ្តាផ្នែក វិស័យអាទិភាព អភិវឌ្ឍវិទ្យាសាស្រ្ត-បច្ចេកវិជ្ជា ផ្លាស់ថ្មីច្នៃប្រឌិត បង្វែរឌីជីថល។ ជំនួយលើកកម្ពស់ស្រុកជនបទថ្មី កែលម្អបរិស្ថានវិនិយោគ ធ្វើអាជីវកម្ម ដោះស្រាយការលំបាកឱ្យអាជីវកម្ម បែងថ្នាក់ បែងសិទ្ធិតាមសេចក្តីកំណត់។
 |
| សមមិត្តហ្វិញធីយ៉ីមង៉ុក-សមាជិកបក្សខេត្ត-លេខាបក្សទីរួមខេត្តង៉ាណាំថ្លែងការណ៍ពិគ្រោះក្នុងសន្និបាត។ |
នៅសន្និបាត បណ្តាតំណាងបានពិគ្រោះនិងឯកភាពជាមួយ២៥បរិមាណភាគនៃសេចក្តីសម្រេចឆ្នាំ ២០២៥។ ក្នុងនោះ ប្រមូលផ្តុំផ្សព្វផ្សាយបណ្តាដំណោះស្រាយគ្រប់យ៉ាង ព្រមៗគ្នាដើម្បីបន្តស្តារនិងអភិវឌ្ឍសេដ្ឋកិច្ច-សង្គម ខិតខំសម្រេចជោគជ័យទិសដៅនៃសេចក្តីសម្រេចមហាសន្និបាត បក្ខភាគខេត្តសុកត្រាំងលើកទី១៤ អាណត្តិកាល២០២០-២០២៥។
ជម្រុញអភិវឌ្ឍសេដ្ឋកិច្ចតាមទិសលើកកម្ពស់គុណភាពកំណើនផ្សារភ្ជាប់នឹងការដោះស្រាយល្អបណ្តាបញ្ហាសង្គមនិងការពារបរិស្ថាន។ ប្រមូលផ្តុំប្រភពកម្លាំងវិនិយោគហេដ្ឋារចនាសម្ព័ន្ធ បន្តអនុវត្តរចនាសម្ព័ន្ធឡើងវិញផ្នែកកសិកម្ម កសាងជនបទថ្មី សម្របនឹងការប្រែប្រួលអាកាសធាតុនិងការពារបរិស្ថាន។ ជម្រុញអភិវឌ្ឍឧស្សាហកម្ម ពាណិជ្ជកម្ម សេវាកម្ម។
បន្តកែទម្រង់រដ្ឋបាល បង្កបរិស្ថានអាជីវកម្មងាយស្រួល រលូនបណ្តាប្រភពកម្លាំងអភិវឌ្ឍ។ យកចិត្តទុកដាក់អភិវឌ្ឍវប្បធម៌-សង្គម លើកកម្ពស់គុណភាពប្រភពកម្លាំង ដោះស្រាយការងារធ្វើ លើកកម្ពស់គុណភាពបណ្តាសេវារដ្ឋ ធានាសុខុមាលភាពសង្គម។ រក្សាស្ថេរភាពសន្តិសុខនយោបាយ សណ្តាប់ធ្នាប់សុវត្ថិភាពសង្គម។ លើកកម្ពស់ប្រសិទ្ធភាពការងារបង្ការទប់ស្កាត់ទង្វើពុករលួយ ខ្ជះខ្ជាយ អសកម្ម។ កសាងបក្ខភាគខេត្តស្អាតស្អំ រឹងមាំ។ គណៈកម្មាធិការបក្សខេត្តបានដាក់ចេញផែនការសម្រេច១០០%ទិសដៅបំបាត់ផ្ទះបណ្តោះអាសន្ន ផ្ទះទ្រុឌទ្រោមលើភូមិដ្ឋានខេត្តក្នុងឆ្នាំ២០២៥។
ថ្លែងការណ៍ក្នុងសន្និបាត លេខាបក្សខេត្តឡឹមវ៉ាំងម៉ឹងបានសង្កត់ធ្ងន់ ឆ្នាំ២០២៥ មានអត្ថន័យយ៉ាងសំខាន់ អនុស្សាវរីយ៍៩៥ឆ្នាំទិវាបង្កើតបក្ស ៥០ឆ្នាំទិវារំដោះភាគខាងត្បូងឯកភាពទឹកដី ១៣៥ឆ្នាំបុណ្យខួបកំណើតលោកប្រធានហូជីមិញ ៨០ឆ្នាំបង្កើតប្រទេសនិងជាឆ្នាំមហាសន្និបាតបក្សគ្រប់ថ្នាក់ មហាសន្និបាតបក្ខភាគខេត្តលើកទី១៥ អាណត្តិកាល២០២៥-២០៣០ ឈានដល់មហាសន្និបាតបក្សទូទាំងប្រទេសលើកទី១៤ ជាមួយយុគសម័យឈានឡើងរបស់ជនជាតិ។ បក្ខភាគខេត្តសុកត្រាំងត្រូវអនុវត្តទន្ទឹមនឹងគ្នាភារកិច្ចចំនួន៣សំខាន់ ទីមួយត្រូវ“បង្កើនល្បឿន លោតផ្លោះ” ប្រមូលផ្តុំខិតខំអនុវត្តសម្រេចជោគជ័យបណ្តាទិសដៅ បរិមាណភាគសេចក្តីសម្រេចក្នុងអាណត្តិកាល២០២០-២០២៥ ទីពីរត្រូវអនុវត្តរៀបចំអង្គការក្បាលម៉ាស៊ីន ទីបីចាត់តាំងសម្រេចជោគជ័យមហាសន្និបាតបក្ខភាគគ្រប់ថ្នាក់ មហាសន្និបាតបក្ខភាគខេត្តលើកទី១៥ អាណត្តិកាល២០២៥-២០៣០ ឈានដល់មហាសន្និបាតទូទាំងប្រទេសលើកទី១៤របស់បក្ស។ ចំពោះការងារត្រៀមមហាសន្និបាតបក្សគ្រប់ថ្នាក់អាណត្តិកាល២០២៥-២០៣០ ប្រញាប់ផ្សព្វផ្សាយបណ្តាខ្លឹមសារការងារត្រៀមបម្រុងសម្រាប់មហាសន្និបាតបក្ខភាគខេត្តលើកទី១៥ ធានាតាមការកំណត់។ ទន្ទឹមនឹងការត្រៀមយ៉ាងម៉ត់ចត់ពីការងារបេក្ខជន គប្បីបន្តពង្រីកបញ្ញា ឆាប់សម្រេចបណ្តាឯកសារសម្រាប់បម្រើមហាសន្និបាត បំផុតគឺរបាយការណ៍នយោបាយលើកជូនមហាសន្និបាតត្រូវមានចំណុចផ្លាស់ថ្មី លោតផ្លោះដើម្បីសុកត្រាំងអភិវឌ្ឍកម្រិតខ្ពស់ជាង គប់វាល់ ច្នៃប្រឌិតក្នុងយុគសម័យថ្មី-យុគសម័យឈានឡើងរបស់ជនជាតិវៀតណាម៕
ជីបាវ-សុផល
Thông tin bạn đọc
Đóng Lưu thông tin