 |
| ដងផ្លូវជនបទនៅឃុំវៀងអាង ស្រុកត្រឹងដេ (សុកត្រាំង) មានការគប់វាល់យ៉ាងសកម្មរបស់ជនរួមជាតិខ្មែរនៅភូមិភាគ។ |
កម្មវិធីទិសដៅជាតិកសាងជនបទថ្មីបានក្លាយជាការចលនាទូលំទូលាយ ទាក់ទាញប្រជាជនចូលរួម ក្នុងនោះ មានជនរួមជាតិខ្មែរ។ តាមសមមិត្តង្វៀងវ៉ាំងម៉ាវ-អនុប្រធានគណៈកម្មាធិការប្រជាជនឃុំវៀងអាងឱ្យដឹង៖ រយៈពេលកន្លង ជនរួមជាតិខ្មែរឃុំវៀងអាងតែងសកម្មចូលរួមការចលនាកសាងជនបទថ្មីដោយទង្វើជាក់ស្តែង មានអត្ថន័យដូច គប់វាល់ថវិកា កម្លាំងពលកម្មដើម្បីកសាងបណ្តាសំណង់ គម្រោងនានានៅភូមិភាគជួយឱ្យមាមីងដឹកជញ្ជូនកសិផល ធ្វើដំណើរទៅមកបានងាយស្រួល រួមចំណែកក្នុងការអភិវឌ្ឍរបស់ឃុំវៀងអាងនិយាយរួមនិងខេត្តសុកត្រាំងនិយាយដោយឡែក។ ជាគ្រួសារឆ្នើមក្នុងការចលនាកសាងជនបទថ្មីនៅភូមិទីបញឹក ឃុំវៀងអាង លោកស៊ើងសិនបានឱ្យដឹង៖ ដើម្បីរួមជាមួយរដ្ឋអំណាចភូមិភាគកសាងជនបទថ្មី ខ្ញុំបានចលនាប្រជាជនគប់វាល់ថវិកាជាង១០០លានដុងនិងកម្លាំងពលកម្មរាប់ពាន់ថ្ងៃដើម្បីជួសជុលផ្លូវដានក្នុងភូមិ កសាងនិងជួសជុលស្ពានជនបទចំនួន៤ ចលនាមាមីងដាំផ្កា ធ្វើស្មៅតាមដងផ្លូវគំរូ។ ក្រៅពីគំរូរបស់លោកស៊ើងសិន នៅមានគ្រួសារជនរួមជាតិខ្មែរជាច្រើននៅលើភូមិដ្ឋានឃុំវៀងអាងសកម្មផ្សព្វផ្សាយចលនាប្រជាជនគប់វាល់ថវិកាកសាងបណ្តាសំណង់ គម្រោងនានានៅភូមិភាគគំរូដូច បងលីហ៊ឺវទ្រី នៅភូមិទីបញឹក សំណេះសំណាលជាមួយយើងខ្ញុំបងហ៊ឺវទ្រីបានឱ្យដឹង៖ ដើម្បីចូលរួមការចលនាកសាងជនបទថ្មី រយៈពេលកន្លងខ្ញុំបានចលនាប្រជាជនគប់វាល់ថវិកាបានចំនួន៤ពាន់លានដុងដើម្បីដាក់បង្គោលភ្លើងអគ្គិសនីចំនួន៧៦ដើមសម្រាប់អុជបំភ្លឺដងផ្លូវជនបទ កសាងស្ពានជនបទចំនួន១និងជួសជុលដងផ្លូវជនបទដោយមានប្រវែង៩គីឡូម៉ែត្រ ស្តារប្រឡាយធារាសាស្រ្តដោយមានប្រវែង១,៨គីឡូម៉ែត្រ កាប់ឆ្ការស្មៅ និងដាំផ្កាតាមដងផ្លូវជនបទដោយមានប្រវែង ៦គីឡូម៉ែត្រ។ល។ សមមិត្តង្វៀងវ៉ាំងម៉ាវ-អនុប្រធានគណៈកម្មាធិការប្រជាជនឃុំវៀងអាងបានឱ្យដឹងបន្ថែម៖ ទង្វើជាក់ស្តែងរបស់ជនរួមជាតិខ្មែរ ពិសេសគឺគ្រួសារបងស៊ើងសិននិងបងលីហ៊ឺវទ្រីរយៈពេលកន្លងរួមចំណែកយ៉ាងសកម្មជាមួយគណៈកម្មាធិការបក្ស រដ្ឋអំណាចក្នុងការអនុវត្តសម្រេចបណ្តាលក្ខឋានជនបទថ្មីរបស់ភូមិភាគ។
ទិដ្ឋភាពភូមិស្រុកមិនបង្អង់អភិវឌ្ឍ ហេដ្ឋារចនាសម្ព័ន្ធជនបទបានវិនិយោគកសាងបានរឹងមាំ ស្អាតបាត ជីវភាពសម្ភារៈនិងស្មារតីរបស់ប្រជាជនមិនបង្អង់លើកកម្ពស់។ នេះជាលទ្ធផលនៃការព្រួតដៃ ស្របមតិរបស់រដ្ឋអំណាចភូមិភាគនិងប្រជាជនក្នុងការកសាងជនបទថ្មី។ សង្ឃឹមថា បណ្តាលទ្ធផលដែលសម្រេចបានគឺជាជំហានដើម្បីភូមិភាគបន្តសម្រេចបណ្តាទិសដៅក្នុងការកសាងជនបទថ្មីរបស់ភូមិភាគ៕
ថាញ់វ៉ាង
Thông tin bạn đọc
Đóng Lưu thông tin