 |
| ស្ពាននិងដងផ្លូវតភ្ជាប់ពីភូមិមួយទៅភូមិមួយ សព្វថ្ងៃបានឆ្លើយតបតម្រូវការធ្វើដំណើរទៅមកនិងដឹកជញ្ជូនកសិផលរបស់ប្រជាជនទាំងរដូវប្រាំងនិងវស្សា |
សមមិត្តដូថុងញឹក លេខាបក្ស ប្រធានគណៈកម្មាធិការប្រជាជនឃុំតឹងហ៊ឹងបានឱ្យដឹង៖ អស់រយៈកាល៥ឆ្នាំ ក្នុងដំណាក់កាលអភិវឌ្ឍ តឹងហ៊ឹងបានខិតខំសម្រេចស្នាដៃគួរឱ្យកត់សម្គាល់។ អត្រាគ្រួសារក្រថយចុះនៅត្រឹមតែ៣,៩៦% (នៅត្រឹមតែ១១១គ្រួ)។ គ្រួសារក្បែរក្រថយចុះនៅត្រឹមតែ ៤៤គ្រួ (ស្រូបអត្រា១,៥៧%)។ ដងផ្លូវគមនាគមន៍ជនបទនានាក្នុងឃុំបានវិនិយោគ បើកទូលាយ បង្កលក្ខណៈសម្រាប់ប្រជាជនធ្វើដំណើរទៅមកបានងាយស្រួល។ បណ្តាសកម្មភាពវប្បធម៌ សុខាភិបាល អប់រំតែងបានគិតអាន ស្ថានភាព សន្តិសុខសណ្តាប់ធ្នាប់ សុវត្ថិភាពសង្គមបានលំនឹង។ល។ ការដែលធ្វើឱ្យផ្លាស់ថ្មីយ៉ាងច្បាស់ បំផុតនៅតឹងហ៊ឹង រយៈពេលកន្លងគឺបានរវិនិយោគអភិវឌ្ឍហេដ្ឋារចនាសម្ព័ន្ធជនបទ។ ដោយបានការយកចិត្តទុកដាក់វិនិយោគរបស់ខេត្ត ស្រុកពីប្រភពថវិការបស់ឃុំនិងការគប់វាល់យ៉ាងសកម្មរបស់ប្រជាជន។ មកដល់ពេលនេះ តឹងហ៊ឹងបានអនុវត្តកសាងផ្លូវចាក់កៅស៊ូជិត១០គីឡូម៉ែត្រ សម្រាប់រថយន្តបើកបរជុំឆ្នាំ សម្រេចអត្រា១០០%។ ដងផ្លូវភូមិនិងផ្លូវតភ្ជាប់ពីភូមិមួយទៅភូមិមួយបានក្រាលបេតុងរឹងមាំចំនួន៥គីឡួម៉ែត្រ សម្រេចអត្រា១០០% ផ្លូវច្រកជិត៥គីឡូម៉ែត្រស្អាតបាតធានាឱ្យមាមីងធ្វើដំណើរទៅមកជុំឆ្នាំ ផ្លូវកាត់វាលស្រែចំនួន៤គីឡូម៉ែត្រធានាការដឹកជញ្ជូនកសិផលបានជុំឆ្នាំ សម្រេច១០០%។ តឹងហ៊ឹងសព្វថ្ងៃអនុវត្តសម្រេច១៧/១៩លក្ខឋានឃុំជនបទថ្មី នៅ២លក្ខឋានទៀតគឺលក្ខឋានលេខ៥ (សាលារៀន) និងលក្ខឋានលេខ១០ (ពីប្រាក់ចំណូល)។ លើភូមិដ្ឋានឃុំមានសាលារៀនចំនួន៥ ក្នុងនោះមានចំនួន៤ សម្រេចមូលដ្ឋានសម្ភារៈកម្រិត១។ ពូហូថាញ់លីម នៅភូមិតឹងលិត ឃុំតឹងហ៊ឹងរីករាយឱ្យដឹង៖ តំបន់ជនបទសព្វថ្ងៃមានភាពផ្លាស់ថ្មីយ៉ាងខ្លាំង។ផ្លូវច្រកតាមភូមិក៏បានកសាងរឹងមាំ គ្មាននៅស្ថានភាពភក់ល្បាប់ក្នុងរដូវភ្លៀង ផ្ទះសង់បានស្អាតបាត មាមីងខិតខំពលកម្មផលិតពង្រីកសេដ្ឋកិច្ចគ្រួសារ យុវជនក្នុងកម្រិតអាយុពលកម្មបានបណ្តុះបណ្តាលការងារធ្វើ អបាយមុខសង្គមបានថយចុះ។ ជនបទថ្មីបានផ្លាស់ប្តូរពីជីវភាពរបស់ប្រជាជនរបស់យើងខ្ញុំ។ លទ្ធផលថ្ងៃនេះគឺការគិតអាននៃគោលការណ៍ គោលនយោបាយដ៏ត្រឹមត្រូវរបស់បក្សនិងរដ្ឋនិងការប្តេជ្ញារបស់បក្ខភាគ រដ្ឋអំណាចនៃទូទាំងប្រព័ន្ធនយោបាយនិងការស្របមតិរបស់ប្រជាជននៅភូមិភាគ។ ខ្ញុំសង្ឃឹមថា គណៈកម្មាធិការបក្ស រដ្ឋអំណាច និងប្រជាជនបន្តពង្រីកបណ្តាលទ្ធផលដែលសម្រេចបាន ព្រួតដៃជម្នះរាល់ការលំបាក កសាងភូមិស្រុកពីមួយថ្ងៃកាន់តែអភិវឌ្ឍគ្រប់វិស័័យ។ ពូហូថាញ់លីមបានឱ្យដឹងដូច្នេះ។
តឹងហ៊ឹងសព្វថ្ងៃមានការអភិវឌ្ឍ ជីវភាពក៏ផ្លាស់ថ្មី ស្របមតិនិងបំណងប្រាថ្នារបស់ប្រជាជន។ រីករាយចំពោះលទ្ធផលដែលសម្រេចបាន ប្រជាជនក៏ប្តេជ្ញារួមជាមួយនឹងបក្ខភាគ រដ្ឋអំណាចបន្តរួមកម្លាំងស្របមតិឆ្លងផុតការលំបាក។ សង្ឃឹមថា តឹងហ៊ឹងនឹងឆាប់សម្រេចឃុំជនបទថ្មីតាមផែនការដាក់ចេញ រួមចំណែកយ៉ាងសកម្មជាមួយបក្ខភាគស្រុកឡុងភូសម្រេចស្រុកជនបទថ្មីដំណាក់កាលឆ្នាំ២០២០-២០២៥៕
ចន្ថា-សុផល
Thông tin bạn đọc
Đóng Lưu thông tin