 |
| អ្នកមានប្រិយភាពព្រមទាំងផ្នែកសមត្ថកិច្ច អង្គការមហាជនគ្រប់ថ្នាក់បានសហការដើម្បីការពារសន្តិសុខសណ្តាប់ធ្នាប់ |
គិតពីដើមឆ្នាំ២០២៣ មកដល់ពេលនេះ ស្រុកឡុងភូមាន១៩ករណី មានសញ្ញាពីបទល្មើសព្រហ្មទណ្ឌ ថយចុះ៦ករណីបើធៀបនឹងឆ្នាំកន្លង ក្នុងនោះ បង្ក្រាបបាន១៨ករណី ដោយមានមុខសញ្ញា៣០រូប ស្រូបអត្រា៩៤,៧៤% រកឃើញ១ករណីដឹកជញ្ជូនទំនិញគេចពន្ធបារី១ករណី។ ដើម្បីពង្រឹង បង្កើនការងាររក្សាសន្តិសុខសណ្តាប់ធ្នាប់នៅភូមិភាគ នាពេលកន្លង នគរបាលឃុំ ទីរួមស្រុកបានសហការយ៉ាងល្អក្នុងការប្រមូលផ្តុំមហាជន អង្គការមហាជនគ្រប់ថ្នាក់ មូលដ្ឋានសាសនា អ្នកមានប្រិយភាពក្នុងជនជាតិភាគតិច ចូលរួមការពារសន្តិសុខមាតុភូមិ។ សកម្មភាពជាក់ស្តែងបង្ហាញពីការយកចិត្តទុកដាក់ចំពោះជនរួមជាតិ សាសនាដូចជាសួរសុខទុក្ខ ជូនអំណោយដល់មូលដ្ឋានសាសនា អ្នកមានប្រិយភាពក្នុងសាសនា ជនជាតិក្នុងឱកាសបុណ្យចូលឆ្នាំថ្មី បុណ្យសែនដូនតា តេត។ល។ ឆ្លងតាមនោះ ជនរួមជាតិនិងពុទ្ធបរិស័ទបណ្តាសាសនាបង្ហាញច្បាស់ពីការយល់ដឹងតួនាទី ការទទួលខុសត្រូវរបស់ពលរដ្ឋក្នុងការបង្ការ ទប់ស្កាត់ បង្ក្រាបអំពើឆ្លៀតឱកាសអំពីបញ្ហាជនជាតិ សាសនាបំបែកបំបាក់ផែនមហាសាមគ្គីទូទាំងជនជាតិ ប្រតិបត្តិម៉ឺងម៉ាត់នូវការកំណត់នៃច្បាប់ ចូលរួមយ៉ាងសកម្មក្នុងចលនានៅភូមិភាគ។ បន្ទាប់ពី ដំណើរការសកម្មភាពអស់រយៈពេលជាច្រើនឆ្នាំ ទម្រង់ “ក្រុមអន្តរគ្រួសារស្វ័យត្រាណ” ក្នុងជនរួមជាតិខ្មែរ ទម្រង់បង្ការ ទប់ស្កាត់បទល្មើសនៅមូលដ្ឋានពុទ្ធសាសនាទក្ខិណនិកាយខ្មែរបាននាំមកនូវភាពសុខសាន្តដល់បណ្តាមូលដ្ឋានសាសនា តំបន់ជនរួមជាតិខ្មែរ។ល។ ទន្ទឹមនឹងនោះ បណ្តាមូលដ្ឋានសាសនា ជនរួមជាតិខ្មែរក៏បានផ្សារភ្ជាប់ចលនាប្រឡងប្រណាំង “ទូទាំងប្រជាជនសាមគ្គីកសាងជីវភាពវប្បធម៌នៅតំបន់អាសយជនរស់នៅជាតិល្អសាសនាបវរ”។ វរសេនីយ៍ឯកបម្រុងង្វៀងអាងប៊ិញ-ប្រធាននគរបាលស្រុកឡុងភូឱ្យដឹង៖ ចាប់ពីបង្ហាញមុខទម្រង់ បណ្តាក្រុម ក្លឹប “សមដាវស្វ័យត្រាណ” “ក្រុមអន្តរគ្រួសារបង្ការ ទប់ស្កាត់បទល្មើស” ទម្រង់មូលដ្ឋាន“ការពារសន្តិសុខសណ្តាប់ធ្នាប់” ក្នុងវត្តទក្ខិនិកាយខ្មែរនិងបណ្តាក្លឹបនៅកន្លែងមានជនរួមជាតិ សាសនារស់នៅច្រើនស្ថានភាពសន្តិសុខនយោបាយ សណ្តាប់ធ្នាប់សុវត្ថិភាពសង្គមនៅលើភូមិដ្ឋានស្រុកឡុងភូមានការផ្លាស់ប្តូរយ៉ាងសកម្ម ស្ថានភាពបទល្មើសមានការថយចុះយ៉ាងខ្លាំង ជីវភាពប្រជាជនបានលំនឹង ជីវភាពសេដ្ឋកិច្ច-វប្បធម៌-សង្គមក៏កាន់តែមានភាពរីកចម្រើន។ ពេលកន្លង រាល់សកម្មភាពនៃទម្រង់តែងបានសហការយ៉ាងជិតស្និទ្ធជាមួយរណសិរ្សមាតុភូមិនិងអង្គការមហាជនឧបត្ថម្ភគ្រប់ថ្នាក់ ដើម្បីជួយឱ្យទម្រង់បន្តរក្សាបាននិងកាន់តែពង្រីកមានប្រសិទ្ធភាព”។ មីងត្រឹងធីថាញ់ នៅភូមិបឹងឡុង ឃុំឡុងភូចែករំលែក៖ យើងខ្ញុំមានការស្ងប់ចិត្តយ៉ាងខ្លាំង ពេលដែលស្ថានភាពសន្តិសុខសណ្តាប់ធ្នាប់កាន់តែមានភាពលំនឹង។ មាមីងគាំទ្រពេលភូមិភាគបំផុសចលនាបង្ការ ទប់ស្កាត់បទល្មើស អបាយមុខសង្គម ស្ថានភាពល្មើសសណ្តាប់ធ្នាប់ សុវត្ថិភាពចរាចរណ៍ នៅទីនេះក៏បានថយចុះច្រើនបើធៀបនឹងពេលមុន។
បណ្តាមូលដ្ឋានសាសនានិងជនរួមជាតិខ្មែរបានពង្រីកល្អតួនាទី ទទួលខុសត្រូវក្នុងការចលនាពុទ្ធបរិស័ទ សាច់ញាតិលើកកម្ពស់ស្មារតីប្រុងប្រយ័ត្ន ទប់ស្កាត់រាល់ល្បិចកល សកម្មភាពឆ្លៀតឱកាសអំពីបញ្ហាជនជាតិ សាសនាដើម្បីបំបែកបំបាក់ផែនមហាសាមគ្គីទូទាំងជនជាតិ គោរពប្រតិបត្តិល្អគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋ ជីវិតល្អ បវរសាសនា។ល។ ទន្ទឹងនឹងនោះ ចូលរួមយ៉ាងសកម្មក្នុងសកម្មភាពសុខុមាលភាពសង្គម សប្បុរសធម៌ ពិសេស ចលនាទូទាំងប្រជាជនការពារសន្តិសុខមាតុភូមិ រួមចំណែករក្សាសន្តិសុខសណ្តាប់ធ្នាប់នៅភូមិភាគ៕
ដាលីន-លីហាន់
Thông tin bạn đọc
Đóng Lưu thông tin