អញ្ជើញចូលរួមមានបណ្តាសមមិត្តៈ ឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំង ស៊ើងភឿកហ្វាង-អតីតអនុរដ្ឋមន្ត្រី អនុប្រធានគណៈកម្មាធិការជនជាតិ ហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត វ៉ជីកុង-សមាជិកបម្រុងគណៈប្រតិបត្តិការមជ្ឈិមបក្ស ប្រធានគណៈចាត់តាំងបក្សខេត្ត ព្រះឧបជ្ឈាយ៍ដាវញឺ-អនុប្រធានក្រុមប្រឹក្សាអភិបាលសមាគមពុទ្ធសាសនាវៀតណាម ប្រធានវិជ្ជាស្ថានពុទ្ធសាសនាទក្ខិណនិកាយខ្មែរនៅទីក្រុងកឹងធើ ព្រះឧបជ្ឈាយ៍តាំងណោ-សុធម្មាធិបតីរង ក្រុមប្រឹក្សាវិន័យធ័រនៃពុទ្ធសាសនាវៀតណាម ប្រធានគណៈអភិបាលសមាគមពុទ្ធសាសនាវៀតណាមខេត្ត ប្រធានសមាគមព្រះសង្ឃសាមគ្គីស្នេហាជាតិខេត្តសុកត្រាំង។ បណ្តាសមមិត្តគណៈអចិន្ត្រៃយ៍បក្សខេត្ត សមាជិកគណៈប្រតិបត្តិការបក្ខភាគខេត្ត ថ្នាក់ដឹកនាំក្រុមប្រឹក្សាប្រជាជនខេត្ត គណៈកម្មាធិការប្រជាជនខេត្ត ថ្នាក់ដឹកនាំមន្ទីរ គណៈ ផ្នែកខេត្ត ព្រះឧបជ្ឈាយ៍ ព្រះតេជគុណ ព្រមទាំងគណៈគ្រប់គ្រងសាលា លោកគ្រូ អ្នកគ្រូ សមណសិស្សនិងអតីតសមណសិស្សរបស់សាលា។
 |
| ទិដ្ឋភាពតំណាងទាំងឡាយ ចូលរួមពិធីអនុស្សាវរីយ៍៣០ឆ្នាំ នៃទិវាបង្កើតសាលាមធ្យមសិក្សាបំពេញវិជ្ជាបាលីណាមបូ។ |
ក្នុងអំឡុងកាល៣០ឆ្នាំ អនុវត្តភារកិច្ចសិក្សាអប់រំជាមួយនឹងលក្ខណៈពិសេសនៃសាលានៅតំបន់ណាមបូ សាលាបានជួបការលំបាកជាច្រើនក្នុងដំណើរនៃការបង្កើតនិងអភិវឌ្ឍ។ ដំបូង ដែលទើបនឹងបង្កើតសាលាមានត្រឹមតែ៤បន្ទប់ ១បន្ទប់ធ្វើការនិង៣៦បន្ទប់អន្តេវាសិកដ្ឋាន។ បច្ចុប្បន្ន សាលាមាន៤មណ្ឌលថ្មីបានសាងសង់រឹងមាំ រួមមាន មណ្ឌលការិយាល័យ១៤បន្ទប់ មណ្ឌលអគារសិក្សា-ពិសោធន៍មាន១៥បន្ទប់ មណ្ឌលអន្តេវាសិកដ្ឋានមាន៥១បន្ទប់ មណ្ឌលផ្ទះបាយមាន២បន្ទប់ មណ្ឌលបណ្ណាល័យមាន៥បន្ទប់និងអគារមួយចំនួនទៀត។ បន្ទប់ទាំងអស់នៅក្នុងមណ្ឌលនីមួយៗបានផ្គត់ផ្គង់យ៉ាងគ្រប់គ្រាន់ជាមួយនឹងឧបករណ៍សម្រាប់បម្រើដល់ការរៀនសូត្រនិងការរស់នៅ។ ចាប់តាំងពីបង្កើតរហូតមកដល់សព្វថ្ងៃ សាលាបានរក្សានូវសកម្មភាពបន្តបន្ទាប់ ស្ថេរភាព បានទទួលសមណសិស្សចំនួន១.៣៩៥អង្គនិងបានបញ្ចប់សិក្សាចំនួន២៧វគ្គ ដែលមានសមណសិស្ស៨៤១អង្គ។ ក្នុងនោះ សមណសិស្សបញ្ចប់ថ្នាក់វិទ្យាល័យចំនួន៧៤៨អង្គ ស្រូបអត្រា៨៨,៩% បញ្ចប់ថ្នាក់មធ្យមសិក្សាភាសាបាលីនិងអក្សរសាស្ត្រខ្មែរបណ្តាវគ្គ សម្រេច១០០%។
ថ្លែងប្រសាសន៍ក្នុងពិធី អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត ហូធីកឹមដាវបានកត់សំគាល់និងវាយតម្លៃខ្ពស់ចំពោះការរួមចំណែកដ៏ធំធេងក្នុងបុព្វហេតុសិក្សាអប់រំដែលសាលាមធ្យមសិក្សាបំពេញវិជ្ជាបាលីណាមបូសម្រេចបាន។ អាស្រ័យហេតុនេះ បានបង្កទំនុកចិត្តយ៉ាងជ្រាលជ្រៅរបស់បក្ស រដ្ឋ រដ្ឋអំណាចភូមិភាគនិងសមាគមព្រះសង្ឃសាមគ្គីស្នេហាជាតិបណ្តាខេត្ត ក្រុងនៅក្នុងតំបន់ រួមចំណែកអនុវត្តល្អគោលការណ៍ គោលនយោបាយពីជនជាតិ សាសនា បណ្តុះបណ្តាលធនធានមនុស្ស ដើម្បីបំពេញតម្រូវការឧស្សាហូបនីកម្ម ទំនើបភាវូបនីកម្មរបស់ប្រទេសជាតិក្នុងសម័យសមាហរណកម្ម។
ដើម្បីបន្តពង្រីកនូវសមិទ្ធផលដែលសម្រេចបាន លើកកម្ពស់គុណភាពបណ្តុះបណ្តាលរបស់សាលាមធ្យមសិក្សាបាលីណាមបូ នាពេលខាងមុខ អនុលេខាប្រចាំការបក្សខេត្ត បានស្នើដល់ព្រះសង្ឃ កម្មាភិបាលគ្រប់គ្រង លោកគ្រូ អ្នកគ្រូរបស់សាលាត្រូវយកចិត្តទុកដាក់បំពេញល្អការងារសំខាន់ៗមួយចំនួនដូចៈ បន្តជ្រួតជ្រាប ផ្សព្វផ្សាយអនុវត្តឱ្យបានល្អនូវសារាចរលេខ១៩-CT/TW ចុះថ្ងៃទី១១ មករា ឆ្នាំ២០១៨ របស់គណៈលេខាបក្ស ស្តីពីការបង្កើនការងារនៅតំបន់ជនរួមជាតិខ្មែរក្នុងស្ថានភាពថ្មីនិងបណ្តាគោលការណ៍ គោលនយោបាយរបស់បក្សចំពោះកម្មាភិបាល និយោជិត បុគ្គលិកនិងជនរួមជាតិខ្មែរ អភិរក្ស ពង្រីកប្រពៃណីសាមគ្គី រួមគ្នាអនុវត្តល្អភារកិច្ចបង្រៀននិងរៀន ពិសេស គឺការគួបផ្សំការបណ្តុះបណ្តាលរវាងការសិក្សានិងពុទ្ធិកសិក្សាក្នុងពុទ្ធសាសនាទក្ខិណនិកាយខ្មែរ។ សកម្មក្នុងការកសាង ចាត់តាំងអនុវត្តល្អលក្ខន្តិកៈ ផែនការអប់រំរៀងរាល់ឆ្នាំ ធានាស្ថិរភាពយូរអង្វែង យកចិត្តទុកដាក់វិនិយោគអភិវឌ្ឍមូលដ្ឋានសម្ភារៈ បរិក្ខាររបស់សាលាដើម្បីបំពេញតម្រូវការបង្រៀននិងរៀនរបស់សាលាឱ្យកាន់តែល្អប្រសើរ។
បន្តសហការអនុវត្តសម្រេចគម្រោងបណ្តុះបណ្តាលភាសាខ្មែរដល់កម្មាភិបាល និយោជិត បុគ្គលិកនៅលើភូមិដ្ឋានខេត្ត។ បង្កើនការកសាងកងជួរកម្មាភិបាលគ្រប់គ្រង គ្រូបង្រៀនឱ្យមានការអភិវឌ្ឍគ្រប់វិស័យ ក្នុងនោះ ផ្តោតលើការបណ្តុះបណ្តាល បំប៉នគ្រូបង្រៀនដើម្បីអនុវត្តកម្មវិធីអប់រំទូទៅឆ្នាំ២០១៨ គ្រូបង្រៀនភាសាបាលី អក្សរសាស្ត្រខ្មែរ បានចាត់ទុកថា នេះជាជំហានដ៏សំខាន់សម្រាប់បង្កការផ្លាស់ថ្មី ក្នុងការលើកកម្ពស់គុណភាពអប់រំរបស់សាលា ពង្រីកតួនាទី សារៈសំខាន់របស់ព្រះសង្ឃដែលកំពុងសិក្សានៅសាលា ឱ្យក្លាជាអ្នកមានប្រិយភាពក្នុងជនរួមជាតិខ្មែរ រួមចំណែកសម្រេចឆ្នើមភារកិច្ច បណ្តុះបណ្តាលកម្មាភិបាល ព្រះសង្ឃខ្មែរ ដើម្បីបម្រើគោលដៅអភិវឌ្ឍសេដ្ឋកិច្ច-សង្គមបណ្តាខេត្ត ក្រុងនៅតំបន់ណាមបូ។ គិតអានជីវភាពជាប្រចាំនិងអនុវត្តល្អបណ្តារបប គោលនយោបាយ យកចិត្តទុកអភិវឌ្ឍបក្ខជនចំពោះព្រះសង្ឃ កម្មាភិបាលគ្រប់គ្រង គ្រូបង្រៀន សិក្ខាកាមជនរួមជាតិខ្មែរ បង្កការស្ងប់ចិត្តក្នុងការងារ ខិតខំសិក្សារៀនសូត្រឱ្យបានល្អនិងផ្សារភ្ជាប់ជាមួយសាលាអស់ពីចិត្តដើម្បីបុព្វហេតុអប់រំនិងបណ្តុះបណ្តាល។
 |
| សមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំងនិងសមមិត្តហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត ជូនផ្ទាំងអនុស្សាវរីយ៍ដល់សាលាមធ្យមសិក្សាបំពេញវិជ្ជាបាលីណាមបូ នាពិធីអនុស្សាវរីយ៍៣០ឆ្នាំទិវាបង្កើតសាលា។ |
ក្នុងឱកាសនេះ ថ្នាក់ដឹកនាំខេត្ត បានជូនផ្ទាំងអនុស្សាវរីយ៍ដល់សាលានិងជូនប័ណ្ណសរសើរដល់សមូហភាពចំនួន៣ បុគ្គលចំនួន៧រូបរបស់ក្រសួងអប់រំនិងបណ្តុះបណ្តាល ជូនប័ណ្ណសរសើរចំនួន១០របស់គណៈកម្មាធិការប្រជាជនខេត្តសុកត្រាំងដល់សមូហភាព បុគ្គលសាលាមធ្យមសិក្សាបាលីណាមបូ ដែលមានច្រើនស្នាដៃគប់វាល់ក្នុង៣០ឆ្នាំ នៃការកសាងនិងអភិវឌ្ឍន៍៕
ទ្រឿងផល-លីហាន់
Thông tin bạn đọc
Đóng Lưu thông tin