 |
| អ្នកគ្រូថាយធីតូឡង គ្រូបង្រៀនវ័យក្មេងអស់ពីចិត្តនឹងរបរ |
សាលាបឋមសិក្សាទីរួមស្រុកចូវថាញ់Aមានប្រពៃណីបង្រៀនល្អនិងរៀនពូកែ។ ឆ្លងតាមរយៈពិធីប្រឡងគ្រូបង្រៀនពូកែ បណ្តាស្នាដៃរៀនសូត្ររបស់សិស្សានុសិស្ស គុណភាពបង្រៀន-រៀនរបស់សាលាតែងរក្សាបានល្អរាល់ឆ្នាំ។ សាលាជាអាសយដ្ឋានទំនុកចិត្តរបស់អាណាព្យាបាលសិស្សដែលបានផ្ញើកូនមករៀនសូត្រក្នុងឆ្នាំបឋមសិក្សាដំបូង។ ពេលរំលឹកដល់សាលាបឋមសិក្សាទីរួមស្រុកចូវថាញ់A គឺត្រូវរំលឹកដល់គ្រូបង្រៀនដែលមានភាពរឹងមាំពីជំនាញ ពូកែពីវិធីសាស្រ្តបង្រៀន-រៀន។ សម្រេចបានលទ្ធផលដូចសព្វថ្ងៃអាស្រ័យការខិតខំប្រឹងប្រែងរបស់ក្រុមប្រឹក្សាគរុកោសល្យ ក្នុងនោះ មានការគប់វាល់របស់អ្នកគ្រូវ័យក្មេងដែលអស់ពីចិត្ត គឺអ្នកគ្រូថាយធីតូឡង។ ចំណាប់អារម្មណ៍ដំបូងពេលជូបអ្នកគ្រូឡងដោយទឹកមុខ ស្រស់ញញឹមនិងសំដីទន់ភ្លន់។ អ្នកគ្រូបំពេញការងារដោយម៉ឺងម៉ាត់តែមានភាពរួសរាយជាមួយមិត្តរួមអាជីពនិងសិស្សានុសិស្ស។
ឆ្នាំដំបូងដែលបង្រៀននៅសាលានេះ អ្នកគ្រូឡងតែងអស់ពីចិត្តស្រឡាញ់របរ ស្រឡាញ់សិស្សនិងរៀនសូត្របទពិសោធន៍ពីលោកគ្រូ អ្នកគ្រូបង្រៀនមុន សកម្មចូលរួមសង្កេតថ្នាក់រៀន មិត្តរួមអាជីពដើម្បីដកពិសោធន៍ក្នុងបង្រៀន។ អ្នកគ្រូតែងអស់ពីចិត្តចូលរួមបណ្តាការចលនាអាស្រ័យសាលាចាត់តាំង ចលនាសប្បុរសជនដើម្បីជំនួយដល់ប្អូនៗជាសិស្សក្រ។ ក្នុងម៉ោងបង្រៀនអ្នកគ្រូតែងបង្កភាពជិតស្និទ្ធជាមួយសិស្សនិងសកម្មផ្លាស់ថ្មីវិធីសាស្រ្តបង្ហាត់បង្រៀន ពិសេស បានអនុវត្តបច្ចេកវិទ្យាព័ត៌មានចូលក្នុងការបង្ហាត់បង្រៀន។ ជាមួយអ្នកគ្រូឡងការបង្ហាត់បង្រៀនមិនត្រឹមជាភារៈតែនៅទាំងជាក្តីសប្បាយរីករាយ។ អ្នកគ្រូខិតខំឆ្លងផុតការលំបាកដើម្បីសម្រេចភារកិច្ចឆ្នើមដែលបានប្រគល់។ ចំពោះខ្ញុំ គ្រូបង្រៀនមិនត្រឹមតែធ្វើល្អការផ្ទេរចំណេះដឹង ទេពកោសល្យ ថែមទាំងលត់ដំខ្លួនឱ្យមានចរិយាសម្បត្តិល្អទៀតផង។ ជាគ្រូបង្រៀនពូកែត្រូវចេះផ្ទេរចំណេះដឹង ផ្នត់រស់នៅនិងសីលធម៌ដល់ប្អូនៗសិស្សានុសិស្ស សក្តិសមជាគំរូភ្លឺសម្រាប់សិស្សយកតម្រាប់តាម។ នោះការចែករំលែករបស់អ្នកគ្រូថាយធីតូឡងក្នុងប៉ុន្មានឆ្នាំកន្លងដែលបង្ហាត់បង្រៀនសិស្សជាទីស្រឡាញ់។
ជាង២០ឆ្នាំដែលបំពេញការងារក្នុងរបរ អ្នកគ្រូសម្រេចបានស្នាដៃដូច ប័ណ្ណសរសើររបស់នាយករដ្ឋមន្រ្តីនៃរដ្ឋាភិបាល ប័ណ្ណសរសើរគ្រូបង្រៀនឆ្នើមទូទាំងប្រទេស យុទ្ធជនប្រឡងប្រណាំងថ្នាក់ខេត្ត យុទ្ធជនប្រឡងប្រណាំងថ្នាក់មូលដ្ឋាន បក្ខជនសម្រេចភារកិច្ចឆ្នើម៥ឆ្នាំបន្តបន្ទាប់ គ្រូបង្រៀនប្រចាំថ្នាក់ពូកែថ្នាក់ខេត្ត គ្រូបង្រៀនពូកែថ្នាក់ស្រុក ។ល។ អ្នកគ្រូតែងសកម្មឈានមុខក្នុងការចូលរួមបណ្តាការចលនាប្រឡងប្រណាំងនិងបណ្តាការចលនារបស់ផ្នែកដូច រៀនសូត្រនិងធ្វើតាមគំរូសីលធម៌ហូជីមិញ លោកគ្រូ អ្នកគ្រូម្នាក់ៗជាគំរូសីលធម៌ច្នៃប្រឌិត កសាងសាលាស្និទ្ធស្នាល សិស្សានុសិស្សសកម្មរៀនសូត្រ។ល។ បណ្តាស្នាដៃដែលអ្នកគ្រូសម្រេចបានជារង្វាន់មិនអាចកាត់ថ្លៃបាននៃការគប់វាល់របស់អ្នកគ្រូ អ្នកគ្រូតែងគិតថា៖ ក្តីប្រាថ្នាចង់ធ្វើជាគ្រូបង្រៀនតាំងពីតូចម៉្លេះ ដូច្នេះ ខ្ញុំតែងខិតខំដោយអស់ពីចិត្តសម្រាប់របរដ៏ខ្ពង់ខ្ពស់នេះ។ វាយតម្លៃពីអ្នកគ្រូថាយធីតូឡង អ្នកគ្រូដងធីធូបា-ចាងហ្វាងសាលាបឋមសិក្សាទីរួមស្រុកចូវថាញ់Aបានឱ្យដឹង៖ អ្នកគ្រូឡងតែងអស់ពីចិត្តជាមួយរបរ មានចរិយាសម្បត្តិល្អ ជាគ្រូបង្រៀនគំរូឆ្នើមបានសិស្សានុសិស្ស មិត្តរួមអាជីពនិងអាណាព្យាបាលសិស្សស្រឡាញ់រាប់អាន។
គំរូគ្រូបង្រៀនវ័យក្មេងថាយធីតូឡងបានមិត្តរួមអាជីពនិងសិស្សានុសិស្សស្រឡាញ់រាប់អានពីព្រោះមានការខិតខំមិនចេះហត់នឿយ អស់ពីចិត្តជាមួយបុព្វហេតុ “បណ្តុះបណ្តាលធនធានមនុស្ស”។ ការស្មោះត្រង់ ស្និទ្ធស្នាល
ស្មារតីទទួលបន្ទុកខ្ពស់ក្នុងការងារ មិនបង្អង់រៀនសូត្រ លត់ដំជំនាញ វិជ្ជាជីវៈ ច្នៃប្រឌិត អ្នកគ្រូថាយធីតូឡងសក្តិសមជាគំរូឆ្នើមដែលអស់ពីចិត្តជាមួយរបរ៕
ចន្ថា-សុផល
Thông tin bạn đọc
Đóng Lưu thông tin