 |
| លោកគ្រូឡឹមហ្វៀងក្នុងម៉ោងបង្រៀនអក្សរសាស្ត្រ |
លោកគ្រូឡឹមហ្វៀង ជាគ្រូបង្រៀនផ្នែកអក្សរសាស្ត្រនៅសាលានិងជាអ្នកមានច្រើនគប់វាល់ក្នុងការបណ្តុះបណ្តាលជំនាញ ភាសាដល់សិស្ស។ ជាមួយនឹងបទពិសោធន៍បង្រៀនច្រើនឆ្នាំ លោកគ្រូតែងតែយល់ច្បាស់អំពីការលំបាករបស់សិស្សអន្តេវាសិកដ្ឋាន ពិសេស គឺជាសិស្សជនជាតិភាគតិច។
ពេលចែករំលែកអំពីការលំបាកក្នុងការបង្រៀន លោកគ្រូឡឹមហ្វៀងឱ្យដឹង៖ ថ្នាក់ទី៦ គឺជាឆ្នាំទីមួយដែលទើបចូលរៀនសាលាអនុវិទ្យាល័យរបស់សិស្ស តែងតែមានការលំបាកជាមួយនឹងវិធីសាស្ត្របង្រៀនថ្មី។ ប្អូនៗមិនត្រឹមតែទទួលបានចំណេះដឹងប៉ុណ្ណោះទេ នៅទាំងសម្របជាមួយបរិស្ថានដែលស្នាក់នៅក្នុងសាលា។ ការលំបាកធំបំផុតគឺធ្វើយ៉ាងណា ដើម្បីជួយប្អូនៗឱ្យទទួលបានវាក្យស័ព្ទវៀតណាមជាក់ច្បាស់។ មានប្អូនខ្លះទំនាក់ទំនងតិច ដូច្នេះ ពេលជួបពាក្យពិបាកប្អូនៗអាចនឹងប្រើមិនត្រូវឬសរសេរអក្សរខុសអក្ខរាវិរុទ្ធ។ ដើម្បីដោះស្រាយបញ្ហានេះ លោកគ្រូតែងតែណែនាំជាទៀងទាត់អំពីរបៀបប្រើពាក្យដោយសរសេរពាក្យថ្មីនៅលើក្តារខៀន ពន្យល់អត្ថន័យដោយប្រុងប្រយ័ត្ននិងចាត់តាំងសកម្មភាពសិក្សាជាក្រុម ដើម្បីប្អូនៗបង្កើនសមត្ថភាពទំនាក់ទំនង។
មិនត្រឹមតែផ្តោតលើការបង្រៀនអក្សរសាស្ត្រប៉ុណ្ណោះទេ លោកគ្រូនៅទាំងអស់ពីចិត្តជាមួយនឹងសកម្មភាពក្រៅម៉ោង ដើម្បីជួយប្អូនៗលត់ដំបន្ថែមពីរបៀបរស់នៅនិងអភិវឌ្ឍយ៉ាងទូលំទូលាយ។ ក្នុងនាមជាគ្រូបង្រៀនមួយរូបដែលខិតខំប្រឹងប្រែង លោកគ្រូតែងឆ្លៀតពេលដើម្បីណែនាំ តាមដានយ៉ាងដិតដល់នូវដំណើរការសិក្សារបស់សិស្ស។ លោកគ្រូតែងលើកទឹកចិត្តសិស្សឱ្យចូលរួមក្នុងសកម្មភាពពិភាក្សា ធ្វើបទបង្ហាញ អាស្រ័យហេតុនេះ សិស្សមិនត្រឹមតែបង្កើនជំនាញភាសាប៉ុណ្ណោះទេ នៅទាំងមានទំនុកចិត្តថែមទៀត។
លោកគ្រូតែងចុះឈ្មោះរាល់ចលនាគ្រូបង្រៀនពូកែ សកម្មក្នុងការបំប៉នសិស្សដែលទទួលបានលទ្ធផលក្នុងពិធីប្រឡងអក្សរសាស្ត្រពូកែ សរសេរអក្សរស្អាត។
តាមការវាយតម្លៃរបស់លោកគ្រូត្រឹងស៊ុង-ចាងហ្វាងសាលាឱ្យដឹង៖ លោកគ្រូហ្វៀង ជាគ្រូបង្រៀនដែលមានស្មារតីទទួលខុសត្រូវខ្ពស់ អស់ពីចិត្ត តែងត្រៀមខ្លួនជួយសិស្ស លោកគ្រូតែងជិតស្និទ្ធនឹងសិស្ស ដើម្បីដឹងពីស្ថានភាពរបស់សិស្សម្នាក់ៗនិងមានវិធានការជួយទាន់ពេល។ លោកគ្រូជាគ្រូបង្រៀនគំរូម្នាក់របស់សាលា ដែលតែងតែខិតខំប្រឹងប្រែងមិនចេះនឿយហត់ ដើម្បីបំប៉នសិស្សពូកែអក្សរសាស្ត្រ សរសេរអក្សរល្អ។
ឆ្នាំ២០២១ លោកគ្រូឡឹមហ្វៀ្ងង បានប្រធានគណៈកម្មាធិការប្រជាជនខេត្តជូនប័ណ្ណសរសើរដែលសម្រេចស្នាដៃឆ្នើមក្នុងការអនុវត្តភារកិច្ចឆ្នាំសិក្សា២០១៩-២០២០និងឆ្នាំសិក្សា២០២០-២០២១ រង្វាន់យុទ្ធជនប្រឡងប្រណាំងថ្នាក់មូលដ្ឋាននិងជាគ្រូបង្រៀនពូកែថ្នាក់ស្រុកច្រើនឆ្នាំបន្តបន្ទាប់។
 |
| លោកគ្រូថាច់ផុង-អ្នកគ្រប់គ្រងសិស្សគំរូ |
ក្រៅពីការបង្រៀនផ្នែកបច្ចេកវិទ្យា លោកគ្រូផុង នៅទាំងទទួលតួនាទីជាអ្នកគ្រប់គ្រងសិស្ស គឺការងារដែលទាមទារការអត់ធ្មត់។ ចាប់ផ្តើមចូលបំពេញការងារគ្រប់គ្រងពីឆ្នាំ២០១៨ ពេលដែលសាលាទើបតែបានបង្កើត លោកគ្រូនិងសិស្សឆ្លងកាត់ការលំបាកជាច្រើន ពិសេស គឺការរក្សាអនាម័យផ្ទាល់ខ្លួននិងរក្សាទម្លាប់ប្រចាំថ្ងៃ។ ជាមួយម៉ោងបង្រៀនចំនួន១០ម៉ោងក្នុងមួយសប្តាហ៍ ក្រៅពីម៉ោងបង្រៀន លោកគ្រូតែងតែជិតស្និទ្ធជាមួយសិស្សដើម្បីណែនាំ ចាត់តាំងនិងតាមដានរាល់សកម្មភាពប្រចាំថ្ងៃ។ ដើម្បីឱ្យសិស្សមានការយល់ដឹងអំពីខ្លួនឯង លោកគ្រូមិនត្រឹមតែលើកទឹកចិត្តដល់ប្អូនៗប៉ុណ្ណោះទេ ថែមទាំងបំផុសចលនាប្រឡងប្រណាំង“បន្ទប់នៅអរិយធម៌សមរម្យ” រួមកម្លាំងដើម្បីសិស្សប្រឡងប្រណាំងនិងលត់ដំដោយខ្លួនឯង។
លោកគ្រូផុង ក៏មិនបង្អង់សហការជាមួយគ្រូប្រចាំថ្នាក់និងឪពុកម្តាយរបស់សិស្ស ដើម្បីតាមដានការសិក្សាសកម្មភាពរបស់សិស្ស។ ចំពោះសិស្សខ្សោយ លោកគ្រូតែងមានវិធានការលើកទឹកចិត្តដោយឡែកនិងតែងត្រៀមក្នុងការស្តាប់ ឧបត្ថម្ភករណីជាក់ស្តែងនីមួយៗ។ ដោយការយកចិត្តទុកដាក់នេះ សិស្សជាច្រើនក្នុងអន្តេវាសិកដ្ឋានបានកែលម្អបន្តិចម្តងៗនូវការយល់ដឹងអំពីខ្លួនឯង ក៏ដូចជាសមត្ថភាពក្នុងសកម្មភាពសមូហភាព។
មិនត្រឹមតែបង្អង់នៅការពិនិត្យលើសកម្មភាពសិស្សប៉ុណ្ណោះទេ លោកគ្រូផុងនៅទាំងចាត់តាំងសកម្មភាពសិល្បៈ កីឡាយ៉ាងសកម្ម ដើម្បីជួយសិស្សឱ្យមានការអភិវឌ្ឍគ្រប់វិស័យ។ ជាមួយតួនាទីជាលេខាសម្ព័ន្ធយុវជនសាលា លោកគ្រូតែងកសាងផែនការចាត់តាំងរាល់ការសប្បាយកម្សាន្ត សកម្មភាពសង្គមដល់សិស្ស ជួយប្អូនៗលត់ដំពីរបៀបរស់នៅ។ ក្រៅពីនេះ លោកគ្រូនៅទាំងបង្កើតក្លឹបក្បាច់គុនបុរាណដោយឥតគិតថ្លៃ ចាត់តាំងហ្វឹកហាត់ឱ្យប្អូនៗរាល់ពេលរសៀលថ្ងៃពុធនិងថ្ងៃសុក។ ក្លឹបនេះមិនត្រឹមតែទាក់ទាញការចូលរួមដោយអស់ពីចិត្តរបស់ប្អូនៗប៉ុណ្ណោះទេ ថែមទាំងនាំមកនូវលទ្ធផលដល់សាលាពិធីប្រកួតកីឡាភូដុងថ្នាក់ស្រុក។
ក្រៅពីនេះ លោកគ្រូផុងក៏បានទទួលបន្ទុកការងារថែទាំមូលដ្ឋានសម្ភារៈអន្តេវាសិកដ្ឋាន ជួសជុលយ៉ាងសកម្មនូវឧបករណ៍ដូចកង្ហារ អំពូលភ្លើងពេលខូច ដើម្បីធានាបាននូវបរិយាកាសរស់នៅល្អបំផុតសម្រាប់សិស្ស។ ដោយការអស់ពីចិត្តនេះជួយសិស្សនិងឪពុកម្តាយរបស់សិស្សមានការស្ងប់ចិត្ត បង្កលក្ខណៈដើម្បីសាលាលើកកម្ពស់គុណភាពរៀនសូត្រ។
ធ្វើការបញ្ជាក់ពីលោកគ្រូថាច់ផុង លោកគ្រូត្រឹងស៊ុងឱ្យដឹង៖ ស្មារតីធ្វើការរបស់លោកគ្រូផុង តែងអស់ពីចិត្តក្នុងការគ្រប់គ្រង លោកគ្រូរក្សាសណ្តាប់ធ្នាប់យ៉ាងតឹងរឹង។ លោកគ្រូមិនខ្លាចធ្វើការក្រៅម៉ោង ជួសជុលសម្ភារៈបរិក្ខារយ៉ាងសកម្ម ដើម្បីធានាបរិស្ថានល្អបំផុតដល់សិស្ស។ ប្អូនៗតែងគោរពនិងឪពុកម្តាយក៏មានការស្ងប់ចិត្ត។
គំរូភ្លឺស្វាងរបស់លោកគ្រូឡឹមហ្វៀងនិងលោកគ្រូថាច់ផុង ជាសក្ខីភាពនៃស្មារតីដ៏អស់ពីចិត្ត ទទួលខុសត្រូវនិងស្រឡាញ់របរនៅសាលាអនុវិទ្យាល័យជនជាតិអន្តេវាសិកត្រឹងដេ។ ជាមួយនឹងការណែនាំដោយអស់ពីចិត្ត មិនត្រឹមជួយឱ្យសិស្សទទួលបានលទ្ធផលខ្ពស់ក្នុងការសិក្សាប៉ុណ្ណោះទេ ថែមទាំងរួមចំណែកក្នុងការកសាងចរិយា របៀបរស់នៅនិងការយល់ដឹងឱ្យប្អូនៗទៀតផង។ បណ្តាការខិតខំប្រឹងប្រែងទាំងនេះ បានធ្វើឱ្យរូបភាពរបស់លោកគ្រូ អ្នកគ្រូមានភាពស្រស់ស្អាត មិនត្រឹមតែជួយជាចំណេះដឹងប៉ុណ្ណោះទេ នៅទាំងជាប្រភពនៃកម្លាំងសម្រាប់សិស្សឆ្ពោះដល់អនាគតចំណេះវិជ្ជានិងជីវភាព។
វឌ្ឍា
Thông tin bạn đọc
Đóng Lưu thông tin