 |
| បងស្រីលៀងធីស្វឹងថាវ ភូមិទ្រឿងថ ឃុំទ្រឿងខាញ់ ស្រុកឡុងភូ អភិវឌ្ឍសេដកិច្ចដោយសារការដាំដំណាំ។ |
ជាអ្នកឧស្សាហ៍ព្យាយាម មានឆន្ទៈក្នុងធ្វើការរកស៊ី ពេលចូលរួមសមាគមនារីឃុំទ្រឿងខាញ់កាលឆ្នាំ២០២២។ ដល់ដើមឆ្នាំ២០២៣ បងស្រីបានបងប្អូននារីក្នុងសមាគមឧទ្ទេសនាមណែនាំឱ្យបុលទុនពីធនាគារគោលនយោបាយសង្គម សរុបថវិកាចំនួន៦០លានដុង ដើម្បីអភិវឌ្ឍផលិត ធ្វើអាជីវកម្ម។
ដោយមានបំណងចង់អភិវឌ្ឍសេដ្ឋកិច្ចគ្រួសារនៅលើភូមិស្រុករបស់ខ្លួន ប៉ុន្មានឆ្នាំកន្លង បងស្រីថាវ បានឆ្លៀតយកដីដែលមានស្រាប់របស់គ្រួសារ ដើម្បីដាំដំណាំដូចៈ ម្រះ ជី ននោង ឃ្លោក ល្ពៅ។ល។ នាំមកនូវប្រាក់ចំណូលដល់គ្រួសាររបស់បងស្រី។
តាមបងស្រីថាវ ម្រះងាយដាំ ងាយថែទាំនិងឆាប់បានប្រមូលផល (ចាប់ពីដាំរហូតដល់ប្រមូលផលត្រឹមតែជាង២ខែ)។ មកដល់ពេលនេះ ដីដាំម្រះរបស់គ្រួសារបងស្រីមានចំនួន១,៣កុង ប្រមូលផលផ្លែបានជាង៣តោន/រដូវ។ ជាមួយតម្លៃលក់ប្រហែលពី៨.០០០ដល់១៥.០០០ដុង/គ.ក គិតការចំណាយរួចរាល់ គ្រួសារបងស្រីមានប្រាក់ចំណេញប្រហែល២០លានដុង/រដូវ។ “បន្ទាប់ពីស្វែងយល់ពីរបៀបដាំម្រះ ក្រៅពីប្រភេទដំណាំដែលងាយស្រួលសម្របជាមួយលក្ខណៈតំបន់ដី បរិស្ថាន អាកាសធាតុ ផ្លែម្រះក៏នាំនូវប្រសិទ្ធភាពសេដ្ឋកិច្ចខ្ពស់និងតម្លៃទីផ្សារក៏បានស្ថិរភាព ដូច្នេះ បានវិនិយោគក្នុងការដាំម្រះរហូតមកដល់បច្ចុប្បន្ន។ ពីការដាំម្រះជាង១កុង រៀងរាល់ថ្ងៃ ខ្ញុំប្រមូលផលបានជាង១០០គ.ក បងស្រីថាវបានឱ្យដឹងបន្ថែម។
 |
| បងយ័ញក្វាន ប្តីបងស្រីលៀងធីស្វឹងថាវ ប្រមូលផលម្រះ។ |
ទន្ទឹមនឹងនោះ ជីនាងវងរបស់គ្រួសារបងស្រី ក៏ស្ថិតក្នុងដំណាក់កាលប្រមូលផល ដោយតម្លៃលក់ពី១២.០០០ដុង-១៥.០០០ដុង/គ.ក។ ការដាំទាំងពីរប្រភេទនេះស្របគ្នា ជួយគ្រួសារបងស្រីមានប្រាក់ចំណូលលំនឹង ដើម្បីចិញ្ចឹមជីវិតប្រចាំថ្ងៃនិងអភិវឌ្ឍសេដ្ឋកិច្ចគ្រួសារ។
តាមសមមិត្តឡឹមប៊ិតទ្រិញ-ប្រធានសមាគមនារីឃុំទ្រឿងខាញ់ឱ្យដឹង៖ ទម្រង់ដាំដំណាំអភិវឌ្ឍសេដ្ឋកិច្ចគ្រួសាររបស់បងស្រីលៀងធីស្វឹងថាវ ដែលកំពុងបានបងប្អូនក្នុងសមាគមរៀនសូត្រនិងធ្វើតាម។ ទម្រង់នេះបានសមាគមនារីឃុំឧទ្ទេសនាមជាគំរូជឿនលឿន។ សមាគមនារីឃុំទ្រឿងខាញ់ តែងបានបង្កលក្ខណៈងាយស្រួលសម្រាប់បងប្អូនធ្វើការរកស៊ី ដើម្បីបងប្អូនទទួលបានដើមទុនគោលនយោបាយសង្គម វិនិយោគក្នុងផលិត ធ្វើអាជីវកម្ម។ ឆ្លងតាមនោះ រួមចំណែកជំរុញការអភិវឌ្ឍសេដ្ឋកិច្ច លំនឹងជីវភាពនិងបង្កើនប្រាក់ចំណូលដល់គ្រួសារ៕
ហុងទើ
Thông tin bạn đọc
Đóng Lưu thông tin