 |
| កសិករនៅឃុំធ្វឹងហ្វាមានភាពរីករាយពេលមានអាងស៊ីម៉ងត៍សម្រាប់ដាក់សម្បកដបថ្នាំការពាររុក្ខជាតិពេលប្រើហើយ |
ផលិតស្រូវចំនួន១,៥ហិកតាលើដងផ្លូវព្រែក៦A២ ប៉ុន្មានឆ្នាំកន្លង ពូដុងង៉ុកភូ នៅភូមិតាកាន់A២ក៏ដូចមាមីងកសិករដទៃទៀតតែងជួបការលំបាកក្នុងការប្រមូលសម្បកដបថ្នាំការពាររុក្ខជាតិក្រោយពីប្រើរួច។ សម្បកដបថ្នាំការពាររុក្ខជាតិបានបោះចោលពាសពេញតាមព្រែកប្រឡាយឬតាមវាលស្រែ សភាពការណ៍បែបនេះធ្វើឥទ្ធិពលដល់បរិស្ថានវាលស្រែ។ ដើមឆ្នាំ២០២៣ ពេលមានអាងស៊ីម៉ងត៍សម្រាប់ដាក់សម្បកដបថ្នាំការពាររុក្ខជាតិតាមមាត់ព្រែក ពូនិងមាមីងក្នុងភូមិមានភាពរីករាយណាស់។ ពីព្រោះងាយស្រួលក្នុងការប្រមូលសម្បកដបថ្នាំការពាររុក្ខជាតិដាក់មួយកន្លែងពេលប្រើហើយធានាបរិស្ថានស្អាតដល់វាលស្រែនិងតំបន់ប្រជាជនរស់នៅ។ ពូដុងង៉ុកភូឱ្យដឹង៖ មុននេះ ដោយគ្មានកន្លែងដាក់ ម៉្លោះហើយ មាមីងកសិករតែងយកសម្បកដបថ្នាំការពារដុត។ ពេលដុតម្តងៗមានក្លិនពិបាកទ្រាំ បើសិនដុតតាមបែបនេះទៀតនឹងឥទ្ធិពលដល់សុខភាពជាមិនខាន។ ពេលមានអាងស៊ីម៉ងត៍ដាក់សម្បកដបថ្នាំការពាររុក្ខជាតិ ពេលប្រើហើយ យើងខ្ញុំបានប្រមូលដាក់មួយកន្លែង។ បងលីដុង-លេខាសាខាបក្សភូមិតាកាន់បេ ឃុំធ្វឹងហ្វា បានឱ្យដឹង៖ ភូមិមានដីផលិតស្រូវចំនួន៣៤៥ហិកតា ជាមួយប្រជាជនចំនួន៧០០គ្រួសារ ធ្វើស្រែ៣រដូវ/ឆ្នាំ។ អាស្រ័យបានសមាគមកសិករឃុំធ្វឹងហ្វាជំនួយអាងស៊ីម៉ងត៍សម្រាប់ដាក់សម្បកដបថ្នាំការពាររុក្ខជាតិចំនួន១៦ សព្វថ្ងៃ តាមភ្លឺស្រែ មាត់ប្រឡាយគ្មានបោះចោលសម្បកដបថ្នាំការពាររុក្ខជាតិទៀតឡើយ ទិដ្ឋភាពបរិស្ថានវាលស្រែរក្សាបានបៃតង-ស្អាត។ ទូទាំងឃុំបានដាក់អាងស៊ីម៉ងត៍ចំនួន៤៩ សម្រាប់ដាក់សម្បក ដបថ្នាំការពាររុក្ខជាតិតាមវាលស្រែផលិតស្រូវនៅភូមិចំនួន៥លើភូមិដ្ឋានរបស់ឃុំ។ ពេលកន្លង សមាគមកសិករឃុំក៏បានផ្សព្វផ្សាយ ចលនាមាមីងឱ្យលើកកម្ពស់ស្មារតីក្នុងការពារបរិស្ថានបំផុតគឺបរិស្ថានវាលស្រែ ដើម្បីមាមីងយល់ច្បាស់ជាងទៀតពីការឥទ្ធិពលនៃប្រភេទសម្បកដបថ្នាំការពាររុក្ខជាតិពេលប្រើហើយ។ តាមនោះ ខ្នះខ្នែងប្រមូលសម្បកដបថ្នាំការពាររុក្ខជាតិដែលប្រើហើយ។ កំណត់៦ខែមានកម្មាភិបាលកសិកម្មស្រុកនឹងចុះប្រមូលតាមកន្លែងដែលដាក់សម្បកដបនោះ ដើម្បីកម្ទេចចោលតាមកំណត់។ បងឡេវ៉ាំងធ្វៀង-ប្រធានសមាគមកសិករឃុំធ្វឹងហ្វាឱ្យដឹង៖ ការអនុវត្តអាងស៊ីម៉ងត៍សម្រាប់ដាក់សម្បកដបថ្នាំការពាររុក្ខជាតិជួយឱ្យមាមីងកសិករយល់ដឹងទម្លាប់មិនបោះចោលសម្បកដបថ្នាំការពាររុក្ខជាតិទៀតឡើយ តាមនោះ រួមចំណែកព្រូតដៃលើកកម្ពស់លក្ខឋានបរិស្ថានក្នុងការអនុវត្តកម្មវិធីកសាងជនបទថ្មីនៅភូមិភាគ។
តាមដងផ្លូវជនបទថ្មីរបស់ឃុំធ្វឹងហ្វា សព្វថ្ងៃ ក្រៅពីមានផ្ការីកស្គុះស្គាយ ដែលបានដាំ នៅទាំងមាន អាងស៊ីម៉ងត៍សម្រាប់ដាក់សម្បកដបថ្នាំការពាររុក្ខជាតិពេលប្រើហើយ រួមចំណែកលើកកម្ពស់ស្មារតីប្រជាជនក្នុងការពារបរិស្ថាន តាមនោះ បង្កទិដ្ឋភាពពីមួយថ្ងៃកាន់តែស្អាតបាតនិងទំនើបដល់ឃុំជនបទថ្មីធ្វឹងហ្វា៕
ចន្ថា-សុផល
Thông tin bạn đọc
Đóng Lưu thông tin