 |
| គ្រូអាចារ្យកំពុងឃោសនាពុទ្ធបរិស័ទក្នុងពិធីបុណ្យ។ |
គ្រូអាចារ្យជាអ្នកមានការយល់ដឹងជ្រៅជ្រះពីពុទ្ធសាសនា វប្បធម៌ ទំនៀមទម្លាប់របស់ជនរួមជាតិខ្មែរ មានតួនាទីសំខាន់ក្នុងការណែនាំអនុវត្តបណ្តាពិធីកិច្ចសាសនានិងពិធីកិច្ចផ្សេង។ មិនត្រឹមជាអ្នកណែនាំចាត់តាំងបណ្តាពិធីកិច្ចពុទ្ធសាសនា តែនៅទាំងបានសហគមន៍ចាត់ទុកជាអ្នកមានចំណេះដឹងរបស់ជនជាតិ។ អាចនិយាយបានថា តួនាទីរបស់គ្រូអាចារ្យក្នុងសហគមន៍ជនរួមជាតិខ្មែរគឺមិនអាចខ្វះបាន សំខាន់ក្នុងបណ្តាឱកាសពិធីបុណ្យនិងបណ្តាពិធីកិច្ចរបស់ជនរួមជាតិខ្មែរ។
គ្រូអាចារ្យយ័ញកេត ភូមិព្រែកឈ្វេងឃុំថាញ់ភូ ស្រុកមីស្វៀង (សុកត្រាំង) ឱ្យដឹង៖ គ្រូអាចារ្យទាមទារមានចំណេះដឹងជ្រៅជ្រះ មានសីលធម៌ល្អ មានលទ្ធភាពបកស្រាយ។ ពួកគាត់ត្រូវឆ្លងកាត់ការបួសរៀននិងមានការយល់ដឹងជ្រៅជ្រះពីធម៌អាថ៌ព្រះពុទ្ធ យល់ច្បាស់ពីទំនៀមទម្លាប់របស់ជនជាតិ។ ក្នុងរាល់ពិធីបុណ្យ អាចារ្យជាអ្នកណែនាំនិងអនុវត្តបណ្តាពិធីកិច្ចរបស់ជនរួមជាតិ។ គ្រូអាចារ្យក៏ជាអ្នករក្សានាទីសំខាន់ក្នុងការបង្រៀនអក្សរ ធម៌វិន័យនិងបណ្តាពិធីកិច្ចសាសនាដល់ព្រះសង្ឃទើបបួសរៀន។ គ្រូអាចារ្យមិនត្រឹមបង្រៀនពីធម៌វិន័យ តែនៅទាំងផ្ទេរចំណេះដឹងពីបណ្តាទំនៀមទម្លាប់របស់សហគមន៍។ តាំងពីនោះ រួមចំណែករក្សាបានតម្លៃវប្បធម៌របស់ជនរួមជាតិខ្មែរ។តាំងពីយូរយារមកក្នុងភូមិស្រុករបស់ជនរួមជាតិខ្មែរ គ្រូអាចារ្យមានតួនាទីដូចអ្នកដឹកនាំស្មារតីជាអ្នកតភ្ជាប់សហគមន៍ជាមួយសកម្មភាពវប្បធម៌ពីការគប់វាល់ចលនាវត្តក្នុងការរក្សានិងពង្រីកបណ្តាតម្លៃប្រពៃណីក្នុងជីវភាពរាល់ថ្ងៃរបស់ជនរួមជាតិខ្មែរ។
ក្រៅពីការណែនាំអនុវត្តបណ្តាពិធីកិច្ច គ្រូអាចារ្យនៅទាំងឃោសនាចលនាប្រជាជនប្រតិបត្តិល្អគោលការណ៍គោលនយោបាយរបស់បក្សក្រឹត្យច្បាប់របស់រដ្ឋនាឱកាសបុណ្យទានរបស់ជនរួមជាតិខ្មែរប្រការនេះសំដែងច្បាស់តួនាទីសំខាន់របស់អាចារ្យក្នុងសាសនានិងនៅទាំងរួមចំណែកពង្រីកការយល់ដឹងក្នុងសហគមន៍ពីទឹកចិត្តស្នេហាជាតិនិងការសាមគ្គីក្នុងសង្គម។
តួនាទីរបស់អាចារ្យយ៉ាងសំខាន់ក្នុងជីវភាពវប្បធម៌សង្គមរបស់ជនរួមជាតិខ្មែរណាមបូ ក្នុងការស្នងបន្តនិងពង្រីកទំនៀមទម្លាប់ប្រពៃណី។ គ្រូអាចារ្យមានភារកិច្ចយ៉ាងសំខាន់គឺរក្សាទំនៀមទម្លាប់ ជំនឿ បេតិកភណ្ឌប្រពៃណីនិងតម្លៃវប្បធម៌សង្គមដ៏មានតម្លៃរបស់ជនរួមជាតិខ្មែរសុកត្រាំងនិយាយដោយឡែកឱ្យបណ្តាជំនាន់ស្នងបន្ត៕
វឌ្ឍា-ចន្ថា
Thông tin bạn đọc
Đóng Lưu thông tin