រសៀលទី២៣ វិច្ឆិកា នៅវត្តបទុមរង្សីទំនប់ ឃុំអាងនិញ ស្រុកចូវថាញ់ (សុកត្រាំង) បានប្រព្រឹត្តឡើងពិធីអំណរជ័យជម្នះក្រុមទូកងទាំង២ (បុរស នារី) របស់វត្តដែលទទួលបាន២ពានរង្វាន់ជើងឯកនៅរង្វាន់ប្រណាំងទូកងក្នុងក្របខណ្ឌពិធីបុណ្យអកអំបុក-ប្រណាំងទូកងសុកត្រាំង តំបន់វាលរាបទន្លេគឺវឡុងលើកទី៦និងសប្តាហ៍វប្បធម៌ កីឡានិងទេសចរណ៍សុកត្រាំងលើកទី១ ឆ្នាំ២០២៤។ ពិធីអំណរជ័យជម្នះនេះបានវិទ្យុនិងទូរទស្សន៍សុកត្រាំងបន្តផ្ទាល់។ អញ្ជើញចូលរួមមានបណ្តាសមមិត្ត ហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត ងោហ៊ុង-សមាជិកគណៈអចិន្ត្រៃយ៍បក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្ត លីរដ្ឋា-សមាជិកបក្សខេត្ត ប្រធានក្រុមប្រឹក្សាប្រជាជនខេត្ត តំណាង ថ្នាក់ដឹកនាំ មន្ទីរ គណៈផ្នែកខេត្ត ថ្នាក់ដឹកនាំស្រុកចូវថាញ់និងកីឡាករ កីឡាការិនី មាមីងពុទ្ធបរិស័ទចូលរួមយ៉ាងច្រើនកុះករ។
 |
| សមមិត្តហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត ជូនថវិកាជំនួយដល់ក្រុមទូកងវត្តបទុមរង្សីទំនប់ទាំង២ក្រុម។ |
ចំពោះក្រុមទូកងបុរសវត្តបទុមរង្សីទំនប់ទី២(ស្រុកចូវថាញ់) បានប្រកួតជាមួយក្រុមទូកងវត្តកោះធំ(ខេត្តបាកលីវ) នៅរង្វង់ផ្តាច់ព្រ័ត្រ ក្រុមទាំងពីរបានប្រកួតយ៉ាងប្តូរផ្តាច់។ លទ្ធផលក្រុមទូកងវត្ត បទុមរង្សីទំនប់ទី២ទទួលបានរង្វាន់ជើងឯកក្នុងរង្វាន់ប្រណាំងទូកងឆ្នាំ២០២៤ ក្រុមទូកងវត្តកោះធំ (ខេត្តបាកលីវ) ទទួលបានរង្វាន់លេខ២។
រង្វង់ផ្តាច់ព្រ័ត្ររង្វាន់ប្រណាំងទូកងនារីដែលប្រកួតរវាងក្រុមទូកងវត្តបទុមរង្សីទំនប់(ស្រុកចូវថាញ់) និងក្រុមទូកងវត្តព្រែកចេក(ទីរួមខេត្តង៉ាណាំ)។ លទ្ធផលក្រុមទូកងវត្តបទុមរង្សីទំនប់ទទួលបានរង្វាន់ជើងឯកនិងក្រុមទូកងវត្តព្រែកចេក(ទីរួមខេត្តង៉ាណាំ)ទទួលបានរង្វាន់លេខ២។
 |
| សមមិត្តងោហ៊ុង-សមាជិកគណៈអចិន្ត្រៃយ៍បក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្តជូនថវិកាជំនួយដល់វត្តបទុមរង្សីទំនប់។ |
 |
| ថ្នាក់ដឹកនាំស្រុកចូវថាញ់ជូនថវិកាចំនួន១០០លានដុងដល់ក្រុមទូកងវត្តបទុមរង្សីទំនប់ទាំង២ក្រុមដែលទទួលបានពានរង្វាន់ជើងឯក។ |
នាឱកាសនេះសមមិត្តហូធីកឹមដាវជូនថវិកា១០លានដុងដល់ក្រុមទូកងទាំង២ក្រុមបុរសនិងនារីរបស់វត្ត ថ្នាក់ដឹកនាំស្រុកចូវថាញ់ក៏ជូនថវិកាចំនួន១០០លានដុងដល់វត្តដែលសម្រេចបានពានរង្វាន់ជើងឯក។ ក្រៅពីនោះ បណ្តាអាជីវកម្មនិងសប្បុរសជនក៏បានជូនថវិកាដល់វត្តផងដែរ៕
ថាច់ពេជ្រ-សុផល
Thông tin bạn đọc
Đóng Lưu thông tin