ថ្ងៃទី ១៤វិច្ឆិកា រង្វាន់ប្រណាំងទូកងក្នុងក្របខ័ណ្ឌពិធីបុណ្យអកអំបុក-ប្រណាំងទូកងសុកត្រាំង តំបន់វាលរាបទន្លេគឺវឡុងលើកទី៦និងសប្តាហ៍វប្បធម៌ កីឡានិងទេសចរណ៍សុកត្រាំងលើកទី១ឆ្នាំ២០២៤ បានបើកវគ្គនៅវេទិកាប្រណាំងទូកង ទីក្រុងសុកត្រាំង (សុកត្រាំង)។
ចូលរួមពិធីបើកវគ្គមានបណ្តាសមមិត្ត ត្រឹងធីហ្វារី-អនុប្រធានក្រុមប្រឹក្សាជនជាតិនៃរដ្ឋសភា ថ្នាក់ដឹកនាំគណៈផ្នែកមជ្ឈិម។ ខេត្តសុកត្រាំងមានសមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្ត ហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត វ៉ជីកុង-សមាជិកបម្រុងគណៈប្រតិបត្តិការមជ្ឈិមបក្ស សមាជិកគណៈអចិន្រ្តៃយ៍បក្សខេត្ត ប្រធានគណៈចាត់តាំងបក្សខេត្ត បណ្តាសមមិត្តអតីតសមាជិកក្នុងគណៈអចិន្រ្តៃយ៍បក្សខេត្ត បណ្តាសមមិត្តជាសមាជិកក្នុងគណៈអចិន្រ្តៃយ៍បក្សខេត្ត សមាជិកគណៈប្រតិបត្តិការបក្សខេត្ត ថ្នាក់ដឹកនាំបណ្តាខេត្ត ក្រុងក្នុងតំបន់ ថ្នាក់ដឹកនាំមន្ទីរ គណៈផ្នែក ភូមិភាគ ព្រះឧបជ្ឈាយ៍ ព្រះតេជគុណនិងប្រជាជនចូលរួមយ៉ាងច្រើនកុះករ។
 |
| តំណាងទាំងឡាយចូលរួមពិធីបើកវគ្គរង្វាន់ប្រណាំងទូកង។ |
ពិធីបុណ្យអកអំបុក-ប្រណាំងទូកងជាលក្ខណៈវប្បធម៌ប្រពៃណីដ៏ពិសេសពីយូរណាស់មកហើយរបស់ជនរួមជាតិខ្មែរណាមបូ សម្តែងនូវស្មារតីសាមគ្គីផ្សារភ្ជាប់រវាងបណ្តាជនជាតិជាបងប្អូននៃបណ្តាភូមិភាគក្នុងតំបន់។ ពិសេសពិធីបុណ្យអកអំបុក-ប្រណាំងទូកងរបស់ជនរួមជាតិខ្មែរខេត្តសុកត្រាំងបានក្រសួងវប្បធម៌កីឡានិងទេសចរណ៍ទទួលស្គាល់ជាបេតិកភណ្ឌអរូបីថ្នាក់ជាតិនិងបានអង្គការGuinnessវៀតណាមទទួលស្គាល់ឯតទគ្គកម្ម ពិធីបុណ្យអកអំបុក-ប្រណាំងទូកងដែលមានចំនួនទូកច្រើននិងកីឡាករចូលរួមច្រើនបំផុតនៅវៀតណាម(ចាប់ពីឆ្នាំ២០០៥រហូតមកដល់សព្វថ្ងៃ)។
 |
| សមមិត្តត្រឹងធីហ្វារី-អនុប្រធានក្រុមប្រឹក្សាជនជាតិនៃរដ្ឋសភានិងសមមិត្តហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្តសុកត្រាំងជូនទង់អនុស្សាវរីយ៍និងថវិកាដល់ក្រុមទូកងទាំងឡាយ។ |
ថ្លែងការណ៍ក្នុងពិធីបើកវគ្គ សមមិត្តង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្ត អនុប្រធានគណៈចាត់តាំងពិធីបុណ្យឱ្យដឹង ពិធីបុណ្យអកអំបុក-ប្រណាំងទូកងសុកត្រាំងបានខេត្តចាត់តាំងរាល់ឆ្នាំដើម្បីអភិរក្សនិងពង្រីកបណ្តាតម្លៃវប្បធម៌ប្រពៃណីរបស់ជនរួមជាតិខ្មែរ។ រង្វាន់ប្រណាំងទូកងឆ្នាំ២០២៤ ជាខ្លឹមសារចម្បងរបស់ពិធីបុណ្យអកអំបុក-ប្រណាំងទូកងខេត្តសុកត្រាំង តំបន់វាលរាបទន្លេគឺវឡុងលើកទី៦និងសប្តាហ៍វប្បធម៌ កីឡានិងទេសចរណ៍សុកត្រាំងលើកទី១ឆ្នាំ២០២៤។ សង្ឃឹមថា បណ្តាក្រុមទូកងនិងកីឡាករកីឡាករនីទាំងឡាយលើកកម្ពស់ស្មារតីកីឡាស្មោះត្រង់ សាមគ្គី រីករាយ ប្រកួតដោយអស់ពីចិត្ត ក្រុមអាជ្ញាកណ្តាលធ្វើការប្រកបដោយយុត្តិធម៌ ច្បាស់លាស់ រួមចំណែកឱ្យរង្វាន់ប្រណាំងទូកងសម្រេចបានជោគជ័យល្អប្រសើរ។ ទន្ទឹមនោះ តំណាងទាំងឡាយ ទស្សនិជនគប្បីលើកទឹកចិត្តដើម្បីជម្រុញស្មារតីកីឡាករក្នុងរយៈពេលប្រកួត។
 |
| ថ្នាក់ដឹកនាំខេត្តសុកត្រាំងជូនទង់អនុស្សាវរីយ៍និងថវិកាដល់ក្រុមទូកងទាំងឡាយ។ |
ក្រោយពីបើកវគ្គរួច បណ្តាក្រុមទូកងបានចូលរួមប្រកួតលើកដំបូង។ ចំពោះក្រុមទូកបុរសមានចំនួន៥៣ទូក ដែលប្រកួតចម្ងាយ១.២០០ម៉ែត្រ ចែកជា១៣រង្វង់ ១២រង្វង់មាន៤ក្រុមនិង១រង្វង់មាន៥ក្រុម ប្រកួតបន្តបន្ទាប់ដើម្បីជម្រើសយក៣២ក្រុមប្រកួតបន្តក្នុងដំណាក់កាលទី២សម្រាប់ប្រកួតថ្ងៃស្អែក(ថ្ងៃទី១៥ វិច្ឆិកាឆ្នាំ២០២៤)។
 |
| ថ្នាក់ដឹកនាំខេត្តសុកត្រាំងជូនទង់អនុស្សាវរីយ៍និងថវិកាដល់ក្រុមទូកងទាំងឡាយ។ |
តាមនោះ ប្រកួតជម្រើស រង្វាន់លេខ១ លេខ២និងលេខ៣។ ចំណែកទូកងនារីមាន៧ក្រុម ប្រកួតចម្ងាយ១.០០០ម៉ែត្រ ចែកជា២រង្វង់ មួយរង្វង់ចែកជា៣ក្រុមនិងមួយរង្វង់៤ក្រុម ប្រកួតបន្តបន្ទាប់ដើម្បីប្រកួតដណ្តើមយកលេខ១ លេខ២ លេខ៣៕
 |
| ក្រុមទូកទាំងឡាយវិលទៅកាន់កន្លែងចាប់ផ្តើមប្រកួត។ |
ក្រុមអ្នកយកព័ត៌មាន-សុផល
Thông tin bạn đọc
Đóng Lưu thông tin