 |
| បងស្រីកាវធីង៉ុកប៊ិច នៅភូមិសុកស្វាយ ឃុំភូមីឈានឡើងលំនឹងជីវភាពអាស្រ័យប្រភពទុនពីធនាគារគោលនយោបាយសង្គម |
គំរូដូចគ្រួសារបងស្រីកាវធីង៉ុកប៊ិច នៅភូមិសុកស្វាយ ជាគ្រួសារបានឆ្លៀតយកពីប្រភពអាទិភាពធនាគារគោលនយោបាយ។ សំណេះសំណាលជាមួយយើងខ្ញុំ បងស្រីប៊ិចឱ្យដឹង៖ កាលពីមុន ជីវភាពជួបការលំបាក ខ្ញុំទៅធ្វើនៅប៊ិញយឿង ប៉ុន្តែក្នុងពេលអាសន្នជំងឺកូវីដ-១៩ គ្មានការធ្វើក៏វិលមក ស្រុកកំណើត។ ឆ្នាំ២០២១ ខ្ញុំបានចូលរួមសាខាសមាគមនារីភូមិសុកស្វាយ បានបង្កលក្ខណៈឱ្យខ្ញុំបុលទុនចំនួន២០លានដុង ខ្ញុំបានវិនិយោគទិញ សម្ភារៈសម្រាប់ធ្វើសាច់ក្រក ព្រោះរកបានប្រាក់ចំណូលផងនិងរក្សារបរពីគ្រួសារផង។ បានដឹង លើកដំបូងបងស្រីធ្វើដោយចំនួនតិចដើម្បីលក់ ឱ្យប្រជាជនក្នុងភូមិ ប៉ុន្តែអាស្រ័យរៀនរបរពីឪពុក និងស្វែងយល់ពីរូបមន្តឱ្យសមស្របនឹងចំណូលចិត្តរបស់អតិថិជន។ តាមនោះ បង្កើតបានផលិតផលដែលមានរសជាតិឆ្ងាញ់ ហើយតែងបានអតិថិជនចូលចិត្តនិងបានដឹងបានឮច្រើន ម្ល៉ោះហើយ អតិថិជនដាក់ទិញពីមួយថ្ងៃកាន់តែច្រើន។ សព្វថ្ងៃ ក្នុងមួយខែបងស្រីលក់សាច់ក្រកបានប្រហែល២០០គីឡូក្រាមដោយតម្លៃ២២០.០០០ដុង/គីឡូក្រាម។ ជាមួយប្រាក់ចំណូលប្រហែល២២លានដុង/ខែ ក្រោយពីផាត់ទាត់រួចរាល់ជួយឱ្យជីវភាពគ្រួសារបងស្រីប៊ិចពីមួយថ្ងៃបានកែលម្អ។ ចំណែកគ្រួសារមីងលីធីមីហៀង នៅភូមិសុកស្វាយ ក៏ជាគ្រួសារក្រឈានឡើងពីប្រភពទុនគោលនយោបាយសង្គម។ មីហៀងបានឱ្យដឹង៖ ឆ្នាំ២០១០ ខ្ញុំបានសមាគមនារីឃុំបង្កលក្ខណៈឱ្យបុលពីប្រភពទុនធនាគារគោលនយោបាយ ខ្ញុំបុលបាន១០លានដុង សម្រាប់វិនិយោគទិញគោទឹកដោះមកចិញ្ចឹម។ អាស្រ័យឧស្សាហ៍ ព្យាយាមថែទាំ ស៊ូទ្រាំលំបាករបៀបថែទាំ ម៉្លោះហើយ គោទឹកដោះធំឆាប់ ផ្តើមពី១ក្បាលលក់បាន៥លើកចំនួន២០ក្បាល សព្វថ្ងៃ គ្រួសារមីងនៅចំនួន៦ក្បាល ក្នុងនោះ៤ក្បាលកំពុងផ្តល់ទឹកដោះ មធ្យមប្រហែល៥០គីឡូក្រាម/ថ្ងៃ លក់ដោយតម្លៃ១៣,៥០០ដុង/គីឡូក្រាម ក្រោយពីផាត់ទាត់រួចរាល់ក្នុងមួយសប្តាហ៍ មីងហៀងនៅចំណេញ៣,៥លានដុង។ ជាមួយប្រភព ចំណូលជាង១០០លានដុង/ឆ្នាំពីការចិញ្ចឹមគោទឹកដោះនិង៣៤លានដុងពីការធ្វើស្រែ៧កុងដែលផលិត២រដូវ/ឆ្នាំ ដូច្នេះ ជីវភាពគ្រួសាររបស់មីងហៀងបានលំនឹង ឈានឡើងធូរធារ។ ផ្តើមពីសកម្មគិតអានអភិវឌ្ឍសេដ្ឋកិច្ច បង្កើនប្រាក់ចំណូលឱ្យសមាជិកា ម៉្លោះហើយ ជីវភាពរបស់សមាជិកាបានធូរធារ។ តាមនោះ ពីមួយថ្ងៃទាក់ទាញសមាជិកាចូលរួមក្នុងអង្គការសមាគមកាន់តែច្រើន។ មកដល់សព្វថ្ងៃសមាគមបានបញ្ចូលសមាជិកាថ្មីចំនួន៤៥រូប បង្កើនចំនួនសមាជិកាឡើងដល់២.៧៣៦រូប ក្នុងនោះ សមាជិកាខ្មែរស្រូបអត្រា៩០%។
សមមិត្តតៀកទូហ្វា-ប្រធានសមាគមនារីឃុំភូមីឱ្យដឹង៖ ពេលខាងមុខ សមាគមនារីឃុំនឹងសហការជាមួយធនាគារគោលនយោបាយ ដើម្បីជំនួយទុនបុលអាទិភាពសម្រាប់សមាជិកាក្រ ក្បែរក្រមានលក្ខណៈអភិវឌ្ឍសេដ្ឋកិច្ច បើកទូលាយទម្រង់ផលិតដើម្បីបង្កើនប្រាក់ចំណូល ឈានឡើងធ្វើមានដោយស្របច្បាប់៕
ថាញ់វ៉ាង
Thông tin bạn đọc
Đóng Lưu thông tin