 |
| ទម្រង់ចិញ្ចឹមជ្រូកនាំមកនូវប្រសិទ្ធភាពរបស់គ្រួសារបងស្រីង្វៀងធីក្វាន់នៅភូមិតាកាន់បេ ឃុំធ្វឹងហ្វា ស្រុកចូវថាញ់ (សុកត្រាំង) |
តាមសមមិត្តវ៉ាំងធីធ្វីយឿង-ប្រធានសមាគមនារីឃុំធ្វឹងហ្វា កំណត់បានការរួមដំណើរជាមួយសមាជិកាក្នុងការពង្រីកសេដ្ឋកិច្ចជាភារកិច្ចសំខាន់របស់អង្គការសមាគម ពេលកន្លង បានចាត់តាំងច្រើនសកម្មភាពបង្កបរិស្ថានសមស្របដើម្បីជំរុញទឹកចិត្ត ជំនួយសមាជិកាបង្កើតអាជីពដូច ជំនួយទុនបុល បើកថ្នាក់ហ្វឹកហាត់ពីបច្ចេកទេសដាំដុះ ចិញ្ចឹមសត្វ កសាងបណ្តាទម្រង់ សមាជិកាជួយគ្នាចាកផុតក្រឈានឡើងធូរធារ។ ជាសមាជិកាចាកផុតក្រអាស្រ័យទទួលពីប្រភពទុនបុលធនាគារគោលនយោបាយសង្គម បងស្រីង្វៀងធីក្វាន់ នៅភូមិតាកាន់បេ ឃុំធ្វឹងហ្វា ពីមុន ជីវភាពគ្រួសារជួបការលំបាក គ្មានដីផលិត ទាំងពីរនាក់ប្តីប្រពន្ធធ្វើការឈ្នួលសម្រាប់ផ្គត់ផ្គង់ជីវភាពគ្រួសារ។ ឆ្នាំ២០១៤ បានសមាគមនារីឃុំបង្កលក្ខណៈឱ្យបុលទុនពីធនាគារគោលនយោបាយសង្គមស្រុកចំនួន១២លានដុង។ បានទុននេះ ប្តីប្រពន្ធបងស្រីទិញជ្រូកសម្រាប់ចិញ្ចឹម។ បងស្រីក្វាន់បានឱ្យដឹង៖ ដំបូងអាស្រ័យមិនទាន់មានបទពិសោធន៍ក្នុងការចិញ្ចឹម គ្រួសារខ្ញុំចិញ្ចឹមជ្រូកមេបានត្រឹមតែ៥ក្បាល ក្រោយមកដោយស្វែងយល់ពីបច្ចេកទេសចិញ្ចឹមក៏បើកទូលាយក្នុងការចិញ្ចឹម សព្វថ្ងៃគ្រួសារខ្ញុំមានជ្រូកមេចំនួន១៦ក្បាល។ បានដឹង រាល់ឆ្នាំជ្រូកកើតបាន២លើក ក្នុងមួយលើកកើតបានពី៨-១០ក្បាល ជ្រូកលក់មានតម្លៃពី១.២០០.០០០ដុង-១.៣០០.០០០ដុង/ក្បាល។ អាចឃើញថា ទម្រង់ចិញ្ចឹមជ្រូកមេបានផ្តល់ប្រាក់ចំណូលឱ្យគ្រួសារបងស្រីក្វាន់ជាង២០០លានដុង/ឆ្នាំ ពេលសេដ្ឋកិច្ចបានលំនឹង កូនចៅរៀនសូត្របានត្រឹមត្រូវ។
ក្រៅពីគ្រួសារបងស្រីក្វាន់ មានសមាជិកាជាច្រើនបានឆ្លងផុតការលំបាក មានការងារធ្វើនិងប្រាក់ចំណូលលំនឹងអាស្រ័យការយកចិត្តទុកដាក់ ជំនួយទុនដើម្បីពង្រីកសេដ្ឋកិច្ច។ គំរូដូចបងស្រីយឿងធីធ្វី នៅភូមិតាកាន់បេ ឃុំធ្វឹងហ្វា នាំយើងខ្ញុំទស្សនាទម្រង់របស់គ្រួសារបងធ្វីបានឱ្យដឹង៖ ឆ្នាំ២០០៤ ខ្ញុំមានគ្រួសារនៅដោយឡែក បានឪពុកម្តាយចែកដីចម្ការ២កុង ទោះបីពីរនាក់ប្តីប្រពន្ធខិតខំផលិតយ៉ាងណាក៏នៅតែខ្វះមុខ ខ្វះក្រោយ។ ឆ្នាំ២០០៩ ពេលចូលរួមសាខាសមាគមនារីភូមិតាកាន់បេ បានពិនិត្យឱ្យបុលទុនពីមូលនិធិជំនួយនារីក្រ ប្តីប្រពន្ធបងស្រីសម្រេចចិត្តអនុវត្តទម្រង់ចិញ្ចឹមគោ។ អាស្រ័យស៊ូទ្រាំលំបាកក្នុងការរៀនសូត្របទពិសោធន៍ចិញ្ចឹមពីមាមីងក្នុងភូមិភាគ ចូលរួមហ្វឹកហាត់ពីវិទ្យាសាស្រ្ត-បច្ចេកទេសក្នុងការចិញ្ចឹមសត្វ ម្ល៉ោះហើយ ទម្រង់នាំមកនូវប្រសិទ្ធភាព ដំបូងពី២ក្បាលសព្វថ្ងៃកើនឡើង៩ក្បាល ក្នុង២ក្បាលកំពុងផ្តល់ទឹកដោះ មធ្យមទទួលបាន២០គីឡូក្រាម/ថ្ងៃ ក្នុងតម្លៃ១៣,៥០០០ដុង/គីឡូក្រាម ក្រោយពីផាត់ទាត់រួច រាល់ខែគ្រួសារបងស្រីនៅចំណេញ៩លានដុង។ បងធ្វីបានឱ្យដឹងបន្ថែម៖ ក្រោយពីចិញ្ចឹមគោទឹកដោះច្រើនឆ្នាំ សន្សំបានទុនខ្លះនិង បុលបន្ថែម៥០លានដុងពីធនាគារគោលនយោបាយសង្គម ដើម្បីចិញ្ចឹមទា ដាំបន្លែ ដូច ពោត ឃ្លោក ម្រះ។ល។ ៣រដូវ/ឆ្នាំ។ ដោយការខិតខំពង្រីកសេដ្ឋកិច្ចពីបណ្តាទម្រង់ខាងលើ រាល់ឆ្នាំ គ្រួសារបងធ្វីរកបានប្រាក់ចំណូលពី១៧០-២០០លានដុង អាស្រ័យហេតុនោះ ទើបជីវភាពគ្រួសារបានធូរធារជាងមុន។
សមមិត្តវ៉ាំងធីធ្វីយឿង-ប្រធានសមាគមនារីឃុំធ្វឹងហ្វាបានឱ្យដឹង៖ សព្វថ្ងៃ សមាគមបានឧទ្ទេសនាមពីធនាគារគោលនយោបាយសង្គមឱ្យសមាជិកាបុលនិងគ្រប់គ្រងចំនួន៥ក្រុមប្រិតសំចៃដោយមាន២៥៨គ្រួបុលសរុបទឹកប្រាក់ជាង១០ពាន់លានដុង។ ដើម្បីសកម្មភាពពីមួយថ្ងៃកាន់តែប្រសិទ្ធភាព ពេលខាងមុខ សមាគមនារីឃុំតែងផ្សព្វផ្សាយ លើកកម្ពស់ស្មារតីបង្កើតអាជីពបង្កលក្ខណៈសម្រាប់សមាជិកាលើភូមិដ្ឋានទទួលបានបុលទុនអាទិភាព សហការបើកថ្នាក់ហ្វឹកហាត់ពីវិទ្យាសាស្រ្តបច្ចេកទេសក្នុងការដាំដុះ ចិញ្ចឹមសត្វដើម្បីសមាជិកាកសាងទម្រង់ពង្រីកសេដ្ឋកិច្ចដោយចីរភាព។
ឃើញថា ទុនបុលអាទិភាពរបស់ធនាគារគោលនយោបាយសង្គមស្រុកបានរួមដំណើរជាមួយនារីលើភូមិដ្ឋានឃុំ ជាជំហានបង្កលក្ខណៈមានការងារធ្វើ ពង្រីកសេដ្ឋកិច្ចនិងបើកទូលាយបណ្តាទម្រង់សេដ្ឋកិច្ច នាំមកនូវប្រសិទ្ធភាព រួមចំណែកបង្កើនប្រាក់ចំណូលឈានឡើងធូរធារ៕
ថាញ់វ៉ាង-សុផល
Thông tin bạn đọc
Đóng Lưu thông tin