ព្រឹកថ្ងៃទី១៥ មករានៅគណៈកម្មាធិការរណសិរ្សមាតុភូមិវៀតណាមខេត្តសុកត្រាំង បានចាត់តាំងសន្និបាតបូកសរុបការងារចលនានិងពង្រីកតួនាទីអ្នកមានប្រិយភាពក្នុងជនជាតិភាគតិច ឆ្នាំ២០២៤។ អញ្ជើញចូលរួមមានសមមិត្តលឺវវ៉ាំងសែម-អនុប្រធានគណៈកម្មាធិការរណសិរ្សមាតុភូមិវៀតណាមខេត្ត ព្រះឧបជ្ឈាយ៍តាំងណោ-សុធម្មាធិបតីរងក្រុមប្រឹក្សាវិន័យធ័រនៃពុទ្ធសាសនាវៀតណាម ប្រធានគណៈអភិបាលសមាគមពុទ្ធសាសនាវៀតណាមខេត្ត ប្រធានសមាគមព្រះសង្ឃសាមគ្គីស្នេហាជាតិខេត្តសុកត្រាំង។
ក្រោមការដឹកនាំរបស់បក្ស ការចូលរួមទូទាំងប្រព័ន្ធនយោបាយ ការពង្រីកតួនាទីរបស់អ្នកមានប្រិយភាពក្នុងតំបន់ជនជាតិភាគ តិចនៅលើភូមិដ្ឋានខេត្ត ឆ្នាំ២០២៤ ទទួលបានលទ្ធផលសំខាន់ៗ។ ខេត្តបានយកចិត្តទុកដាក់ក្នុងការផ្សព្វផ្សាយផែនការចលនា “អ្នកមានប្រិយភាពធ្វើច្រើនការងារល្អក្នុងតំបន់ជនជាតិភាគតិច” ដំណាក់កាល២០២៣-២០២៨។ ទន្ទឹមនឹងនោះ គណៈកម្មាធិការរណសិរ្សមាតុភូមិវៀតណាមខេត្តគ្រប់ថ្នាក់ បានសហការជាមួយផ្នែក ស្ថាប័នពាក់ព័ន្ធ ដើម្បីពិនិត្យ បំពេញបន្ថែមអ្នកមានប្រិយភាពដំណាក់កាល២០២៣-២០២៧គឺ៦១១រូប។
 |
| តំណាងចូលរួមសន្និបាតបូកសរុបការងារចលនានិងពង្រីកតួនាទីអ្នកមានប្រិយភាពក្នុងតំបន់ជនជាតិភាគតិច ឆ្នាំ២០២៤។ |
អ្នកមានប្រិយភាពចូលរួមជាមួយនឹងរដ្ឋអំណាច រណសិរ្សមាតុភូមិនិងបណ្តាអង្គការនយោបាយ-សង្គមគ្រប់ថ្នាក់ក្នុងការងារឃោសនា ចលនាជនរួមជាតិប្រតិបត្តិល្អនូវគោលការណ៍ គោលនយោបាយរបស់បក្សនិងក្រឹត្យច្បាប់របស់រដ្ឋ សកម្មក្នុងការកសាងផែនមហាសាមគ្គីទូទាំងជនជាតិ មានជាង២.០០០លើក ដោយមាន៤.០០០នាក់ចូលរួម។ អ្នកមានប្រិយភាពជាច្រើនបានគប់វាល់ថវិកា កម្លាំង ឧបត្ថម្ភសម្ភារៈ ហិរញ្ញវត្ថុ ដីធ្លីនិងចលនាប្រជាជនចូលរួមរាប់ពាន់ថ្ងៃពលកម្ម បរិច្ចាគដីរាប់ពាន់ម៉ែត្រក្រឡាដើម្បីកសាងផ្លូវ គប់វាល់ថវិការាប់ពាន់លានដុងធ្វើផ្លូវបេតុងជនបទ បង្កលក្ខណៈឱ្យភូមិភាគមួយជំហានម្តងៗសម្រេចបាននូវលក្ខឋានកសាងជនបទថ្មី។ ពិសេស អ្នកមានប្រិយភាពបានកៀរគរប្រជាជន សប្បុរសជនចូលរួមកសាងជនបទថ្មី។ ទន្ទឹមនឹងនោះ អ្នកមានប្រិយភាពជំរុញយ៉ាងសកម្មចលនាប្រជាជនអនុវត្តល្អតាមការកំណត់របស់ភូមិភាគ ជាក់ស្តែងក្នុងកតិកាសញ្ញា អភិរក្សតម្លៃវប្បធម៌ជនជាតិ បំបាត់ចោលនូវទំនៀមទម្លាប់អន់ថយ អនុវត្តផ្នត់រស់នៅប្រកបដោយអរិយធម៌ គប់វាល់ដល់បុព្វហេតុអប់រំ៣៩៤លានដុង…។
 |
| សមមិត្តលឺវវ៉ាំងសែម-អនុប្រធានគណៈកម្មាធិការរណសិរ្សមាតុភូមិវៀតណាមខេត្តសុកត្រាំង បានប្រគេនប័ណ្ណសរសើរដល់ព្រះសង្ឃ ចំនួន១០អង្គ ដែលមានស្នាដៃឆ្នើមក្នុងចលនាប្រឡងប្រណាំងការងារចលនានិងលើកកម្ពស់តួនាទីអក្នមានប្រិយភាពក្នុងតំបន់ជនជាតិភាគតិច ឆ្នាំ២០២៤។ |
នៅសន្និបាត តំណាងជាអ្នកមានប្រិយភាព មានមតិយោបល់ សំណើ ពិភាក្សាអំពីបញ្ហាសំខាន់ៗជាច្រើនដូចៈ ជីវភាពសេដ្ឋកិច្ចរបស់ប្រជាជន បញ្ហាសង្គម បំណងប្រាថ្នារបស់ប្រជាជន បញ្ហាគោលនយោបាយសុខុមាលភាពសង្គម…។
សមមិត្តលឺវវ៉ាំងសែម បានសរសើរនិងកត់សំគាល់នូវលទ្ធផលដែលសម្រេចបាន ការគប់វាល់របស់អ្នកមានប្រិយភាពក្នុងជនជាតិភាគតិច។ ស្នើថា គណៈអចិន្ត្រៃយ៍គណៈកម្មាធិការរណសិរ្សមាតុភូមិវៀតណាមគ្រប់ថ្នាក់ ត្រូវយកចិត្តទុកដាក់ក្នុងការ ពង្រីកកងកម្លាំងអ្នកមានប្រិយភាពក្នុងចលនា “អ្នកមានប្រិយភាពធ្វើច្រើនការងារល្អ”សហការជ្រើសរើសអ្នកមានប្រិយភាព ធានាត្រូវមុខសញ្ញា អនុវត្តល្អនូវគោលនយោបាយសម្រាប់អ្នកមានប្រិយភាព។ រណសិរ្សមាតុភូមិគ្រប់ថ្នាក់ ត្រូវយល់ឱ្យបានហ្មត់ចត់និងក្តាប់ច្បាស់អំពីគោលការណ៍ គោលនយោបាយរបស់បក្ស រដ្ឋ ស្តីពីអ្នកមានប្រិយភាពក្នុងជនជាតិភាគតិចនិងសាសនា បង្កើនការជួបជុំជាមួយអ្នកមានប្រិយភាព ដើម្បីឆ្លៀត លើកទឹកចិត្ត ចលនា ក្តាប់មតិ ស្ថានភាពប្រជាជនផ្តល់ព័ត៌មានចាំបាច់។ បន្តបំផុសចលនាប្រឡងប្រណាំងស្នេហាជាតិចលនាអ្នកមានប្រិយភាពឱ្យចូលរួម ឆ្លើយតបនឹងការអនុវត្តកម្មវិធីផ្សព្វផ្សាយបំបាត់ផ្ទះបណ្តោះអាសន្ន ផ្ទះទ្រុឌទ្រោមដល់ប្រជាជនដែលមានស្ថានភាពលំបាកអំពីផ្ទះនៅ…។
ក្នុងឱកាសនេះ គណៈកម្មាធិការរណសិរ្សមាតុភូមិវៀតណាមខេត្ត បានប្រគេន ប័ណ្ណសរសើរដល់ព្រះសង្ឃ ចំនួន១០អង្គ ដែលមានស្នាដៃឆ្នើមក្នុងចលនាប្រឡងប្រណាំង ការងារចលនានិងលើកកម្ពស់តួនាទីអ្នកមានប្រិយភាពក្នុងតំបន់ជនជាតិភាគតិច ឆ្នាំ២០២៤៕
ស៊ើមម៉ាយ-លីហាន់
Thông tin bạn đọc
Đóng Lưu thông tin