ព្រឹកថ្ងៃទី៤ខែ ធ្នូ នៅគណៈកម្មាធិការបក្សខេត្តសុកត្រាំង សមមិត្តឡឹមវ៉ាំងម៉ឹង-សមាជិកមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំងធ្វើជាអធិបតីពិធីប្រជុំដើម្បីស្តាប់សេចក្តីរាយការណ៍ពីការងារត្រៀមបម្រុងបូកសរុបអនុវត្តសេចក្តីសម្រេចលេខ១៨-NQ/TW ចុះថ្ងៃទី២៥ មករា ឆ្នាំ២០១៧ របស់គណៈប្រតិបត្តិការមជ្ឈិមបក្សនីតិកាលទី១២ “បញ្ហាមួយចំនួនស្តីពីបន្តផ្លាស់ថ្មី រៀបចំអង្គការក្បាលម៉ាស៊ីននៃប្រព័ន្ធនយោបាយបង្រួម សកម្មភាពមានប្រសិទ្ធភាព” (សេចក្តីសម្រេចលេខ១៨-NQ/TW)។ ចូលរួមនៅមានសមមិត្តហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត បណ្តាសមមិត្តក្នុងគណៈអចិន្ត្រៃយ៍បក្សខេត្ត គណៈប្រតិបត្តិការបក្ខភាគខេត្តជាសមាជិកគណៈចង្អុលការបូកសរុបអនុវត្តសេចក្តីសម្រេចលេខ១៨-NQ/TW ។
 |
| តំណាងទាំងឡាយចូលរួមពិធីប្រជុំស្តីពីការងារបូកសរុបអនុវត្តសេចក្តីសម្រេចលេខ១៨-NQ/TW ។ |
នៅពិធីប្រជុំ គណៈចាត់តាំងបក្សខេត្តបានអនុម័តសេចក្តីសម្រេចបង្កើតគណៈចង្អុលការបូកសរុបអនុវត្តសេចក្តីសម្រេចលេខ១៨-NQ/TW រួមមាន២៧សមមិត្ត ក្នុងនោះ សមមិត្តឡឹមវ៉ាំងម៉ឹងជាប្រធានគណៈចង្អុលការ។ គណៈចង្អុលការមានភារកិច្ចដឹកនាំ ចង្អុលការបូកសរុបអនុវត្តសេចក្តីសម្រេចលេខ១៨-NQ/TW ទន្ទឹមនោះផ្សព្វផ្សាយការរៀបចំអង្គការក្បាលម៉ាស៊ីននៃប្រព័ន្ធនយោបាយកាន់តែបង្រួម សកម្មភាពមានប្រសិទ្ធភាពតាមសំណូមពររបស់គណៈចង្អុលការមជ្ឈិម។ គណៈចាត់តាំងបក្សខេត្តជាស្ថានប័នប្រចាំការនៃគណៈចង្អុលការ មានតួនាទីធ្វើជាអធិបតី សហការជាមួយក្រុមរៀបរៀងនិងបណ្តាស្ថាប័នទាក់ទិនធ្វើសេនាធិការឱ្យគណៈចង្អុលការផ្សព្វផ្សាយអនុវត្តបណ្តាភារកិច្ចតាមសំណូមពររបស់គណៈចង្អុលការមជ្ឈិម។
គណៈចាត់តាំងបក្សខេត្តក៏បានរាយការណ៍ការងារត្រៀមបម្រុងបូកសរុបសេចក្តីសម្រេចលេខ១៨-NQ/TW។ ក្នុងនោះស្នើពេលវេលាអនុវត្តរៀបចំ សុក្រឹតអង្គការក្បាលម៉ាស៊ីននៃប្រព័ន្ធនយោបាយខេត្តសុកត្រាំង វិធីសាស្រ្ត លក្ខការណ៍អនុវត្តការរៀបចំចាត់តាំងក្បាលម៉ាស៊ីន។ ព្រមជាមួយនោះ សុំយោបល់សមាជិកគណៈចង្អុលការចំពោះសេចក្តីព្រាងលក្ខន្តិកៈធ្វើការរបស់គណៈចង្អុលការក្នុងប្រព័ន្ធនយោបាយខេត្តសុកត្រាំងកាន់តែបង្រួម សកម្មភាពមានប្រសិទ្ធភាព។
ពិគ្រោះនៅក្នុងពិធីប្រជុំ តំណាងទាំងឡាយប្រមូលផ្តុំពិគ្រោះបណ្តាបញ្ហាស្តីពីការរៀបចំប្រភពកម្លាំងដែលមានសមត្ថភាព មានទេពកោសល្យ ពេលរៀបចំចអង្គការក្បាលម៉ាស៊ីនសកម្មភាពមានប្រសិទ្ធភាព ពេលវេលារួមបញ្ចូលបណ្តាអង្គភាពតាមការកំណត់។ល។ លេខាបក្សខេត្ត ឱ្យយោបល់ពីគ្រោងការរៀបចំអង្គការបក្សចំណុះគណៈកម្មាធិការបក្សថ្នាក់ស្រុក ស្នើការបង្កើតក្រុមស្រាវជ្រាវរៀបចំបង្រួមអង្គការក្បាលម៉ាស៊ីនចំណុះប្រព័ន្ធរដ្ឋអំណាច។ល។ ដើម្បីឆ្ពោះដល់ទិសដៅបន្តផ្លាស់ថ្មី រៀបចំអង្គការក្បាលម៉ាស៊ីននៃប្រព័ន្ធនយោបាយពីខេត្តដល់មូលដ្ឋានកាន់តែបង្រួម សកម្មភាពមានប្រសិទ្ធភាពនិងសមស្របជាមួយនិន្នាការអភិវឌ្ឍ៕
ហាយហា-សុផល
Thông tin bạn đọc
Đóng Lưu thông tin