 |
| ទិដ្ឋភាពសន្និបាតគណៈប្រតិបត្តិការបក្ខភាគស្រុកមីទូ លើកទី២០។ |
ឆ្នាំ២០២៤ គណៈប្រតិបត្តិការបក្ខភាគស្រុកមីទូ ផ្តោតលើផែនការដែលបានដាក់ចេញ សម្រេចបានលទ្ធផលយ៉ាងសកម្ម។ ការងារបំប៉ន និងបញ្ចូលបក្ខជនថ្មី បានគណៈកម្មាធិការបក្សគ្រប់ថ្នាក់យកចិត្តទុកដាក់ចង្អុលការអនុវត្ត។ គិតមកដល់ថ្ងៃទី១៥ វិច្ឆិកា ឆ្នាំ២០២៤ បានបញ្ចូលបក្ខជនថ្មី១២១សមមិត្ត ផ្លោះបរិមាណភាគសេចក្តីសម្រេច ការងារគិតអានដល់អ្នកមានសគុណ គ្រួសារគោលនយោបាយ គ្រួសារក្រ គ្រួសារក្បែរក្រនិងបណ្តាមុខសញ្ញាគោលនយោបាយផ្សេងទៀតបានយកចិត្តទុកដាក់អនុវត្ត។ គណៈកម្មាធិការបក្សស្រុក បានទទួលនិងចែកអំណោយជាង១១.៧០០ចំណែក សរុបថវិកា៤,៩៣ពាន់លានដុង។
ទូទាំងស្រុកបញ្ចុះពូជស្រូវបានជាង៥៣.២០៥ហ.ត ផ្លោះ៨,៥៨%បរិមាណភាគសេចក្តីសម្រេច ទិន្នផលសម្រេច៦,៥៤តោន/ហ.ត។ ស្ថានភាពផលិត ដាំដំណាំគ្រប់ប្រភេទនិងចិញ្ចឹមជលផលមានការអភិវឌ្ឍស្ថិរភាព សម្រេចនិងផ្លោះផែនការដែលបានដាក់ចេញ។ ការងារប្រមូលថវិការដ្ឋបានផ្តោតលើការអនុវត្ត ចំណូលសរុបថវិកាបាន៦២,១២ពាន់លានដុង ផ្លោះ៥១,៥១%នៃបរិមាណភាគសេចក្តីសម្រេច កើនឡើង៥០,៧៤% បើធៀបនឹងឆ្នាំមុន។ វប្បធម៌-សង្គមអភិវឌ្ឍស្ថេរភាព។ ការងារផ្លាស់ប្តូរឌីជីថលបានបង្កើនលើគ្រប់វិស័យនៃជីវភាព។ល។ ស្ថានភាពសន្តិសុខនយោបាយ សណ្តាប់ធ្នាប់សុវត្ថិភាពសង្គមនៅលើភូមិដ្ឋានស្រុកនៅតែបន្តរក្សា ស្ថិរភាព។
ថ្លែងប្រសាសន៍សរុបសេចក្តីសន្និបាត សមមិត្តផាមទ្វឹង បានស្នើដល់គណៈប្រតិបត្តិការបក្ខភាគស្រុក ផ្តោតលើការអនុវត្តមានប្រសិទ្ធភាពនូវភារកិច្ចសំខាន់ៗចំនួន៥នៃសេចក្តីសម្រេច ឆ្នាំ២០២៥។ ផ្សព្វផ្សាយអនុវត្តផែនការផលិតកសិកម្មឆ្នាំ២០២៥ មានប្រសិទ្ធភាព ជំរុញការផ្លាស់ប្តូររចនាសម្ព័ន្ធដំណាំ សត្វចិញ្ចឹម សំខាន់ គឺការផលិតស្រូវ២រដូវ/ឆ្នាំ។ យកចិត្តទុកដាក់អនុវត្តកម្មវិធីទិសដៅជាតិចំនួន៣ ពិសេស គឺកម្មវិធីកសាងជនបទថ្មី ផ្តោតលើការវិនិយោគកសាងឃុំហ៊ឹងភូ សម្រេចបទដ្ឋានជនបទថ្មីលើកកម្ពស់។ ទន្ទឹមនឹងនោះ កសាងទីរួមស្រុកសម្រេចបទដ្ឋានទីក្រុងអរិយធម៌។ យកចិត្តទុកដាក់គិតអាន ចាត់តាំងពិធីបុណ្យចូលឆ្នាំថ្មីវៀតណាមឆ្នាំ២០២៥ តាមស្មារតី “សប្បាយរីករាយ ប្រិតសំចៃ សុវត្ថិភាព”។ល។
បង្កើនការយាមល្បាត ពិនិត្យដោះស្រាយមឺងម៉ាត់បទល្មើសនឹងសណ្តាប់ធ្នាប់ សុវត្ថិភាពចរាចរណ៍ ទប់ស្កាត់គ្រោះថ្នាក់ចរាចរណ៍តាមលក្ខឋានទាំង៣។ យកចិត្តទុកដាក់អនុវត្តសេចក្តីសម្រេចលេខ១៨-NQ/TW ចុះថ្ងៃទី២៥ តុលា ឆ្នាំ២០១៧ របស់គណៈប្រតិបត្តិការមជ្ឈិមបក្ស នីតិកាលទី១២ ស្តីពី “បញ្ហាមួយចំនួនពីការផ្លាស់ថ្មី រៀបចំប្រព័ន្ធអង្គការនយោបាយបង្រួម សកម្មភាពប្រកបដោយសុពលភាពប្រសិទ្ធភាព។សម្រេចការកសាងឯកសារមហាសន្និបាតបក្ខភាគស្រុកលើកទី១៣ អាណត្តិកាល២០២៥-២០៣០។ ដឹកនាំចាត់តាំងសម្រេចជោគជ័យមហាសន្និបាតអង្គការមូលដ្ឋានបក្សដែលចំណុះនិងមហាសន្និបាតបក្ខភាគស្រុក លើកទី១៣ ធានាតាមផែនការ៕
វិញឡឹម-លីហាន់
Thông tin bạn đọc
Đóng Lưu thông tin