ប្រសិទ្ធភាពជាក់ស្តែងពីបណ្តាកម្មវិធីទិសដៅជាតិ

ជាមួយប្រភពវិនិយោគធំ ក្របខ័ណ្ឌទូលាយ មុខសញ្ញាទទួលផលច្រើនបណ្តាកម្មវិធីទិសដៅជាតិលើភូមិដ្ឋានខេត្តសុកត្រាំងពង្រីកប្រសិទ្ធភាពជួយកែប្រែនិងលើកកម្ពស់ជីវភាពប្រជាជនជំរុញអភិវឌ្ឍសេដ្ឋកិច្ច-សង្គមបណ្តាភូមិភាគតាមទិសស្ថេរភាព។

ស្រុកចូវថាញ់(សុកត្រាំង)ជាស្រុកមានជនជាតិភាគតិចច្រើន។ មាមីងខ្មែរនៅទីនេះសំខាន់រស់នៅតំបន់ជនបទផលិតកសិកម្ម ដាំដុះ ចិញ្ចឹមសត្វ។ល។ លោកង្វៀងវ៉ាំងមី-អនុប្រធានគណៈកម្មធិការប្រជាជនស្រុកចូវថាញ់ឱ្យដឹង៖ ភូមិភាគតែងយកចិត្តទុកដាក់ផ្សព្វផ្សាយអនុវត្តល្អបណ្តាគោលនយោបាយតំបន់ជនជាតិភាគតិចឆ្លងតាមការវិនិយោគអនុវត្តបណ្តាកម្មវិធីគម្រោងឧបត្ថម្ភលើកកម្ពស់ជីវភាពសម្ភារៈស្មារតីរបស់ប្រជាជន។ ចំពោះការងារបន្ថយក្រស្រុកយកចិត្តទុកដាក់ជំនួយប្រជាជនឆ្លងតាមបណ្តាកម្មវិធី គោលនយោបាយនិងសេវាសង្គម។ ទន្ទឹមនោះពង្រីកកម្លាំងសហគមន៍ក្នុងការពង្រីកបណ្តារបៀបធ្វើពូកែទម្រេង់ប្រសិទ្ធភាពដើម្បីបន្ថយក្រស្ថេរភាព។ ឆ្លងតាមការផ្សព្វផ្សាយអនុវត្តបណ្តាដំណោះស្រាយសមស្របការងារបន្ថយក្ររបស់ស្រុកចូវថាញ់សម្រេចលទ្ធផលសកម្មជួយច្រើនគ្រួសារជនជាតិខ្មែរចាកផុតក្រឈានឡើងក្នុងជីវភាព។ ជាអាទិ៍ដូចគ្រួសារបងលឺវមិញលី នៅភូមិស្បូវ ឃុំធ្វឹងហ្វាមានជីវភាពស្ថេរភាពជាងពេលបានភូមិភាគឧបត្ថម្ភ១០លានដុងពីកម្មវិធីឧបត្ថម្ភផ្លាស់ប្តូរមុខរបរ។ បងមិញលីនិយាយ៖មុននេះគ្រួសារខ្ញុំជាគ្រួសារក្របានរដ្ឋអំណាចឃុំធ្វឹងហ្វាឧបត្ថម្ភម៉ាស៊ីនបាញ់ថ្នាំ១និងម៉ាស៊ីនកាត់ស្មៅ១ជួយគ្រួសារខ្ញុំមានការធ្វើស្ថេរភាពសព្វថ្ងៃមានប្រាក់ចំណូលលំនឹង។ មិនត្រឹមបានឧបត្ថម្ភផ្លាស់ប្តូរមុខរបរតែគ្រួសារបងលីនៅបានឧបត្ថម្ភផ្ទះមហាសាមគ្គី១ខ្នងបង្កលក្ខណៈឱ្យគ្រួសារបងមានទីលំនៅកក់ក្តៅស្ងប់ចិត្តពលកម្មផលិត។

ជនរួមជាតិខ្មែរឃុំធ្វឹងហ្វា ស្រុកចូវថាញ់ទទួលឧបករណ៍ឧបត្ថម្ភផ្លាស់ប្តូរមុខរបរពីកម្មវិធីទិសដៅជាតិ។

មិនដោយឡែកតែស្រុកចូវថាញ់ច្រើនភូមិភាគផ្សេងរបស់ខេត្តសុកត្រាំងមានវិធីធ្វើពូកែក្នុងការជួយមាមីងខ្មែរចាកផុតក្រស្ថេរភាព។ នៅស្រុកឡុងភូ(សុកត្រាំង)ដើម្បីលើកកម្ពស់ប្រសិទ្ធភាពការងារបន្ថយក្រស្រុកផ្សព្វផ្សាយច្រើនគោលនយោបាយជាក់ស្តែងច្រើនសំណង់ គម្រោងបានអនុវត្តទូលំទូលាយសំដៅបង្កលក្ខណៈជំរុញឱ្យតំបន់ជនរួមជាតិខ្មែរអភិវឌ្ឍឆាប់និងស្ថេរភាព។ជាឃុំតំបន់៣តំបន់ជនជាតិភាគតិច ឃុំឡុងភូ ស្រុកឡុងភូប៉ុន្មានឆ្នាំមុនជីវភាពមាមីងនៅជួបការលំបាកសំខាន់ពឹងលើផលិតកសិកម្មតាមទម្លាប់ចាស់ប្រសិទ្ធភាពទាប។ ថ្វីដ្បិតដូចេ្នះក្រោយ១៤ឆ្នាំអនុវត្តកម្មវិធីទិសដៅជាតិកសាងជនបទថ្មីនិងផ្សព្វផ្សាយមានប្រសិទ្ធភាពកម្មវិធីគោលនយោបាយជនជាតិទិដ្ឋភាពរបស់ឃុំនិងជីវភាពរបស់មាមីងថ្ងៃនេះមានការប្រែផ្លាស់យ៉ាងសកម្ម។ ហេដ្ឋារចនាសម្ព័ន្ធជនបទបានវិនិយោគព្រមៗគ្នា ប្រព័ន្ធគមនាគមន៍ជនបទបានកសាងសុក្រឹតពីឃុំដល់បណ្តាភូមិពីឃុំដល់មជ្ឈមណ្ឌលស្រុកនិងបណ្តាភូមិភាគផ្សេង សាលារៀន ដំណាក់សុខាភិបាល អគារវប្បធម៌បានលើកកម្ពស់កសាងខែងរ៉ែងប្រព័ន្ធអគ្គិសនីអុជបំភ្លឺធានាជាង៩៩%ប្រជាជនបានប្រើអគ្គិសនីសុវត្ថិភាព។ល។ ពូថាច់ភឿកថឹង នៅភូមិទឹកប្រៃកណ្តាល ឃុំឡុងភូរីករាយនិយាយ៖ ទិដ្ឋភាពភូមិស្រុកថ្ងៃនេះបានផ្លាស់ថ្មីច្រើនមិននៅផ្លូវភក់ល្បាប់ដូចមុនតែជំនួសផ្លូវចាក់កៅស៊ូបេតុងរាបរលូន សងខាងផ្លូវមានដាំផ្កាស្អាតបាត ការធ្វើដំណើរ ដឹកជញ្ជូនមុខទំនិញរបស់មាមីងយ៉ាងងាយស្រួលជីវភាពរបស់ប្រជាជនមួយថ្ងៃកាន់តែកើនឡើង រដ្ឋមានគោលនយោបាយឧបត្ថម្ភសមស្របទើបជីវភាពមាមីងមួយថ្ងៃកាន់តែអភិវឌ្ឍមិននៅគ្រួសារខ្វះហូបទៀតតែគ្រួសារមាន ធូរធារមួយថ្ងៃកាន់តែច្រើនជាង។ លោកហ្វិញឌឹក-ប្រធានគណៈកម្មធិការប្រជាជនស្រុកឡុងភូឱ្យដឹង៖ ប្រភពវិនិយោគពីបណ្តាកម្មវិធីទិសដៅជាតិជាគំនាស់ឱ្យការងារបន្ថយក្ររបស់ស្រុកទើបពេលផ្សព្វផ្សាយបណ្តាកម្មវិធីស្រុកឡើងផែនការបែងប្រភពទុនដើម្បីអនុវត្តតាមរាល់ឆ្នាំនិងទូទាំងដំណាក់កាល។ ចង្អុលការបណ្តាអង្គភាពជំនាញពិនិត្យតាមដានដោះស្រាយការលំបាករាំងស្ទះក្នុងអំឡុងកាលផ្សព្វផ្សាយ ធានាល្បឿនអនុវត្តបណ្តាគម្រោង អនុគម្រោងចំណុះបណ្តាកម្មវិធី។

ពីបណ្តាកម្មវិធីគោលនយោបាយរបស់រដ្ឋផ្លូវជនបទតំបន់ជនជាតិភាគតិចស្រុកឡុងភូបានវិនិយោគរឹងមាំបង្កលក្ខណៈឱ្យប្រជាជនអភិវឌ្ឍសេដ្ឋកិច្ច។

លោកត្រឹងខាក់ទ្រុង-នាយករងមន្ទីជនជាតិនិងសាសនាខេត្តសុកត្រាំងឱ្យដឹង៖ ខេត្តតែងកំណត់ការងារបន្ថយក្រក្នុងតំបន់ជនជាតិភាគតិចជាភារកិច្ចសំខាន់រួមចំណែកអនុវត្តជ័យជំនះបណ្តាភារកិច្ចអភិវឌ្ឍសេដ្ឋកិច្ច-សង្គមរបស់ភូមិភាគ។ មន្ទីជនជាតិនិងសាសនាខេត្តជាមួយភារៈរបស់ខ្លួនគិតដោយឡែកឆ្នាំ២០២៤ធ្វើមេគំនិតផ្តល់ផ្ទេរទុនកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិចគឺ២៩០,៣១៣ពាន់លានដុង។ ក្រៅពីនោះអនុវត្តកម្មវិធីទិសដៅជាតិកសាងជនបទថ្មីសរុបប្រភពទុនអនុវត្តគឺ៣៥៥.៨២៥លានដុងនិងកម្មវិធីទិសដៅជាតិបន្ថយក្រស្ថេរភាពក៏បានបែងទុនឱ្យបណ្តាភូមិភាគម្ចាស់ការផ្សព្វផ្សាយអនុវត្តបណ្តាគម្រោង អនុគម្រោងផ្តល់ផ្ទេរទុនបាន៧៩.៥៩២លានដុង/១១៤.២៧៧លានដុងសម្រេច៦៧,០២%ផែនការទុន។

ការផ្សព្វផ្សាយអនុវត្តប្រសិទ្ធភាពកម្មវិធីទិសដៅជាតិលើភូមិដ្ឋានខេត្តសុកត្រាំងបាននិងកំពុងពង្រីកប្រសិទ្ធភាពសេដ្ឋកិច្ច សង្គម អភិវឌ្ឍជីវភាពប្រជាជនបានកែប្រែ។ សព្វថ្ងៃទូទាំងខេត្តមាន១០០%ឃុំនិងប្រហែល៨៧,១%ភូមិ អនុសង្កាត់តំបន់ជនជាតិភាគតិចមានផ្លូវរថយន្តដល់មជ្ឈមណ្ឌលឃុំ។ ៨៨/៨៨ឃុំនិង៧៧៥/៧៧៥ភូមិ អនុសង្កាត់មានប្រព័ន្ធអគ្គិសនីជាតិប្រើប្រាស់ អត្រាគ្រួសារប្រជាជនជនបទនិយាយរួមនិងគ្រួសារជនជាតិភាគតិចនិយាយដោយឡែកប្រើទឹកស្របអនាម័យសម្រេច៩៩,៨% អត្រាគ្រួសារក្រជនជាតិភាគតិចក្នុងខេត្តឆ្នាំ២០២៤ថយចុះនៅ២.០៣៨គ្រួ ក្នុងនោះគ្រួសារក្រជាជនជាតិខ្មែរគឺ១.៩៦១គ្រួ ស្រូបអត្រា១,៩១% គ្រួសារក្បែរក្រ៦.៤៧២គ្រួស្រូបអត្រា៦,៣២%៕

ចន្ថា

ប្រសិទ្ធភាពជាក់ស្តែងពីបណ្តាកម្មវិធីទិសដៅជាតិ

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

ប្រសិទ្ធភាពជាក់ស្តែងពីបណ្តាកម្មវិធីទិសដៅជាតិ

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង