នាពេលកន្លង សមាគមនារីស្រុកឡុងភូតែងជំរុញមាំការងារឃោសនា លើកកម្ពស់ការយល់ដឹងរបស់កម្មាភិបាល សមាជិកានារីនិងប្រជាជនអំពីគោលការណ៍ គោលនយោបាយ វិធីសាស្រ្តដំណើរការបណ្តាសកម្មភាពចូលរួមក្នុងការកសាងជនបទថ្មី ចាត់តាំងរួមបញ្ចូលគ្នាក្នុងលើកប្រជុំសាខាសមាគមប្រចាំខែ។ ឆ្នាំ២០២៤កន្លង គណៈអចិន្ត្រៃយ៍សមាគមនារីស្រុកបានកសាងផែនការអនុវត្តចលនា “កសាងគ្រួសារ៥គ្មាន ៣ស្អាត ការពារបរិស្ថាន” កម្មវិធីទិសដៅជាតិកសាងជនបទថ្មី ជនបទថ្មីលើកកម្ពស់ និងក្រុងអរិយធម៌។ តាំងពីនោះ បងប្អូននារីបានយល់ច្បាស់អំពីគោលបំណង អត្ថន័យ និងខ្លឹមសារនៃចលនា អាស្រ័យហេតុនោះ បង្កើតជាបរិយាកាសប្រកួតប្រជែងដ៏ផុលផុស។ លទ្ធផលបានផ្សព្វផ្សាយ ណែនាំការចលនាឃោសនាឱ្យគ្រួសារសមាជិកាចំនួន១២.២៣០គ្រួ ឆ្លងតាមនោះ មានគ្រួសារសមាជិកាចំនួន១២.២៣០គ្រួស្ម័គ្រចិត្តចុះឈ្មោះបន្តអនុវត្តចលនា ។ ក្នុងឆ្នាំ សមាគមបានបង្កើតថ្មី១១ក្រុមនិងក្លឹបថ្មី “កសាងគ្រួសារស្អាត៣” ដោយមានសមាជិកា១៨៥រូបនិងរក្សាការប្រជុំជីវភាព២៧០ក្រុមនិងក្លឹបដោយមានសមាជិកា៥.៤០៤នាក់នៅបណ្តាសាខាសមាគម។
 |
| សមាគមនារីបង្ហាញមុខក្លឹបនិងហ្វឹកហាត់ចំណេះដឹងការពារបរិស្ថាន។ |
រួមជាមួយនោះ សមាគមបានសហការជាមួយសមាគមនារីខេត្តសុកត្រាំងចាត់តាំងពិធីប្រឡង “កសាងគ្រួសារ៣ស្អាត” ដោយមានគ្រួសារចំនួន៥០គ្រួចូលរួម ឆ្លងតាមនោះ ជ្រើសរើសនិងប្រគល់រង្វាន់ជូន២២គ្រួសារដែលសម្រេចលក្ខឋាន៣ស្អាត បង្កើតថ្មីទម្រង់ក្លឹប "កសាងគ្រួសារ៥គ្មាន ៣ស្អាត" ដោយមានសមាជិកា៧០នាក់ ឆ្លងតាមនោះ ឧបត្ថម្ភកន្រ្តកទៅផ្សារចំនួន៧០ កន្រ្តកដាក់សំរាមចំនួន៧០និងធុងសំរាមចំនួន៧០ជូនសមាជិកាក្នុងក្លឹប បង្កើតក្រុមថែទាំផ្កាលម្អ១ក្រុមដោយមានសមាជិកាចំនួន១៨នាក់ ថែទាំផ្កាត្រែ២០០ដើមនិងផ្កាក្រដាស១០០ដើម។
បងស្រីង្វៀងធីហុងដាង ប្រធានសមាគមនារីឃុំឡុងភូ ឱ្យដឹង៖ “សាទរចលនាកសាងជនបទថ្មី សមាគមនារីឃុំឡុងភូចាត់តាំងពិធីបង្ហាញមុខទម្រង់គំរូ “ក្លឹបគ្រួសារ៥គ្មាន ៣ស្អាត” ដោយមានសមាជិកា៣៥រូប ហើយបានសមាគមនារីខេត្តជំនួយកន្រ្តកដាក់សំរាមចំនួន៣៥ កន្រ្តក់ដាក់អីវ៉ាន់ចំនួន៣៥និងធុងសំរាមចំនួន៣៥ធុងជូនសមាជិកាក្នុងក្លឹប ជួយឱ្យគ្រួសារសមាជិកាលើកកម្ពស់ការយល់ដឹងអំពីកសាងផ្នត់រស់នៅស៊ីវិល័យ សុវត្ថិភាពនិងស្ថេរភាព។ ទន្ទឹមនឹងនោះ បងប្អូននារីនៅទាំងអនុវត្តសកម្មភាពមានអត្ថន័យជាច្រើនទៀត រួមចំណែកក្នុងការកសាងជនបទថ្មី។
ក្នុងឆ្នាំកន្លង សមាគមនារីនៅទាំងជ្រើសរើសឃុំទ្រឿងខាញ់ដើម្បីបើកថ្នាក់បណ្តុះបណ្តាលឱ្យឃោសនិកអំពីបរិស្ថាន ផលប៉ះពាល់របស់បរិស្ថានដល់សុខភាពរបស់មនុស្ស។ ដោយការខិតខំប្រឹងប្រែង ការប្តេជ្ញាចិត្តខ្ពស់ និងការរួមគំនិតរបស់កងជួរកម្មាភិបាល សមាជិកា ចលនានេះកាន់តែស៊ីជម្រៅនិងសម្រេចគុណភាពខ្ពស់។ តាំងពីនោះ បង្ហាញមុខទម្រង់ “ក្រុមការពារបរិស្ថាន" ដោយមានសមាជិកា១២រូប ឆ្លងតាមនោះ បណ្តាមូលដ្ឋានសមាគម បន្តបង្កើតនិងបង្ហាញមុខតាមផែនការ។
ក្រៅពីនេះ ដើម្បីចូលរួមខែសកម្មភាពដើម្បីបរិស្ថាន និងទិវាបរិស្ថានពិភពលោកឆ្នាំ២០២៤ បណ្តាមូលដ្ឋានរបស់សមាគមជំរុញមាំការងារឃោសនា ចូលរួមបោសសម្អាតសំរាមនៅទីសាធារណៈ បង្ហូតលូទឹក… ចាត់តាំងសកម្មភាពកាប់ឆ្ការ សម្អាតផ្លូវ ប្រមូលសំរាម ដាំផ្កាលម្អនៅតាមសងខាងផ្លូវជនបទ រួមចំណែកធ្វើឱ្យដងផ្លូវជនបទភ្លឺបៃតង ស្អាតជានិច្ច។
 |
| សមាជិកាសមាគមនារីស្រុកឡុងភូសកម្មចូលរួមបណ្តាសកម្មភាពព្រួតដៃកសាងជនបទថ្មី។ |
មីងថាច់ធីឡើយ សមាជិកាសមាគមនារីឃុំតឹងហ៊ឹងចែករំលែក៖ “បណ្តាសកម្មភាពការពារបរិស្ថាន កាប់ឆ្ការ សម្អាតអនាម័យទីសាធារណៈ ដាំផ្កា គឺជាសកម្មភាពមានអត្ថន័យមិនត្រឹមតែធ្វើឱ្យបរិស្ថាន ផ្លូវជនបទស្អាត ថែមទាំងជួយឱ្យបងប្អូននារីមានឱកាសជួបជុំ ចែករំលែកបណ្តាបញ្ហាក្នងជីវភាពរស់នៅ តាំងពីនោះរឹតបន្តឹងសាមគ្គីភាពរបស់បងប្អូននារីក្នុងសមាគម។ អាស្រ័យហេតុនោះ បងប្អូននារីតែងសកម្មចុះឈ្មោះពេលដែលថ្នាក់លើបំផុសចលនា”។
បងស្រីប៊ូយធីធូង៉ា ប្រធានសមាគមនារីស្រុកឡុងភូបានឱ្យដឹង៖ នាពេលកន្លង សមាគមនារីស្រុកតែងជំរុញមាំបណ្តាសកម្មភាព ចលនាកសាងជនបទថ្មី បានការយកចិត្តទុកដាក់របស់សមាគមនារីខេត្ត គណៈកម្មាធិការបក្សស្រុក គណៈប្រជាចលនាបក្សស្រុក ការសហការរបស់បណ្តាផ្នែក គណៈកម្មាធិការបក្ស-គណៈកម្មាធិការប្រជាជនបណ្តាឃុំ ទីរួមស្រុក តាំងពីនោះចលនាបន្តរក្សាបានខ្ជាប់ខ្ជួន អនុវត្តសម្រេចលទ្ធផលខ្ពស់ដោយបណ្តាទម្រង់ដូច៖ ក្រុមនារីប៉ិនប្រសប់កសាងជនបទថ្មី ក្រុមនារីកសាងផ្ទះរឹង៣ ក្រុម៥គ្មាន ៣ស្អាត ក្លឹបការពារបរិស្ថាន ក្លឹបស្អាត៣ ក្រុមបន្ថយប្រើប្រាស់ថង់ប្លាស្ទិក ក្រុមច្នៃសំរាមជាប្រាក់ ក្រុមដាំនិងថែទាំផ្កាលម្អ។ល។ ជាមួយវិធានការដ៏ប៉ិនប្រសប់និងមានប្រសិទ្ធភាពក្នុងបណ្តាសកម្មភាពបានរួមចំណែកសម្រេចគោលដៅកសាងជនបទថ្មី ជនបទថ្មីលើកកម្ពស់និងក្រុងអរិយធម៌របស់ស្រុក មកដល់ពេលនេះ ទូទាំងស្រុកឡុងភូមាន៩/៩ឃុំសម្រេចបទដ្ឋានជនបទថ្មី ក្នុងនោះ២ឃុំសម្រេចបទដ្ឋានជនបទថ្មីលើកកម្ពស់និងទីរួមស្រុកចំនួន២សម្រេចបទដ្ឋានក្រុងអរិយធម៌។
ហុងទើ - អិនទ្វឹង
Thông tin bạn đọc
Đóng Lưu thông tin