 |
| ពូឡឹមង្វៀង នៅភូមិព្រែកចាក ឃុំលីវទូ ស្រុកត្រឹងដេអ្នកមានប្រិយភាពធ្វើទង្វើល្អៗជាច្រើន។ |
ទោះបីអាយុកាន់តែច្រើនក្តី ប៉ុន្តែពូឡឹមង្វៀងនៅតែព្យាយាម អស់ពីចិត្តនឹងការងារសង្គម បំផុតគឺការអភិរក្សបណ្តាសំណង់ស្ថាបត្យកម្មរបស់ជនជាតិនៅវត្តព្រែកចាក ភូមិព្រែកចាក ឃុំលីវទូ។ សំណេះសំណាលជាមួយយើងខ្ញុំពូង្វៀងបានឱ្យដឹង៖ ដោយឃើញសំណង់ក្នុងវត្តមានការទ្រុឌទ្រោមយ៉ាងខ្លាំង ដូច្នេះ ឆ្នាំ១៩៨០ខ្ញុំចូលរួមការងារសង្គមនៅក្នុងវត្តដោយបំណងចង់រួមកម្លាំងមួយចំណែករបស់ខ្លួនសម្រាប់ចលនាមាមីងពុទ្ធបរិស័ទគប់វាល់ដើម្បីកសាង ជួសជុលស្ថាបត្យកម្មក្នុងវត្ត ពីព្រោះវត្តអារាមជាមជ្ឈមណ្ឌលក្នុងការប្រជុំជីវភាពសេរីជំនឿសាសនានិងពិធីបុណ្យទានប្រពៃណីរបស់ជនរួមជាតិខ្មែរ។ បានដឹង តាំងពីចូលរួមការងារសង្គមនៅក្នុងវត្តមកដល់សព្វថ្ងៃ ពូង្វៀងចលនាបានទឹកប្រាក់ចំនួន១០ពាន់លានដុងដើម្បីជួសជុលព្រះវិហារ កុដិ សាលានិងសំណង់មួយចំនួនទៀតដោយក្បូរក្បាច់រចនាយ៉ាងប្រណីត។ ក្រៅពីនោះ ក្នុងថ្ងៃបុណ្យទាន ពេញបូណ៌ ខែដាច់ ពូង្វៀងតែងផ្សព្វផ្សាយពីគោលនយោបាយរបស់បក្សនិងក្រឹត្យច្បាប់របស់រដ្ឋដល់មាមីងពុទ្ធបរិស័ទដើម្បីមាមីងក្តាប់បានច្បាស់និងអនុវត្តឱ្យបានល្អ។ ទន្ទឹមនឹងនោះ ក្រៅពីការងារក្នុងវត្ត ពូង្វៀងនៅទាំងសកម្មចលនាកសាងជនបទថ្មីនៅភូមិភាគ។ ពូង្វៀងបានឱ្យដឹង៖ ដោយឃើញដងផ្លូវភក់ល្បាប់ មាមីងធ្វើដំណើរទៅមកជួបការលំបាក ម៉្លោះហើយ ទើបខ្ញុំធ្វើទង្វើនោះដើម្បីជួយមាមីងធ្វើដំណើរទៅមកនិងដឹកជញ្ជូនកសិផលបានងាយស្រួល។ ដោយការខិតខំប្រឹងប្រែងអស់ពីចិត្តចលនាមាមីងជាមួយស្មារតី “ទ្រព្យតិចតែទឹកចិត្តធំធេង” ដើម្បីចូលរួមគប់វាល់កសាងភូមិស្រុក ពូង្វៀងចលនាបានចំនួនទឹកប្រាក់២០០លានដុង កសាងស្ពានចំនួន១ មានទទឹង២ម៉ែត្រនិង បណ្តោយ១៦ម៉ែត្រ ធ្វើផ្លូវដានប្រវែង៦០០ម៉ែត្រ ដូច្នេះ មាមីងបើកបររថយន្ត ប្អូនៗទៅសាលា បានងាយស្រួល។
ក្រៅពីទង្វើខាងលើ ពូង្វៀងនៅទាំងសកម្មផ្សព្វផ្សាយចលនាមាមីងរស់នៅនិងធ្វើការតាមច្បាប់ ចូលរួមការងារសម្រុះសម្រួលនៅភូមិភាគ។ ពិសេសក្នុងពេលអាសន្នជំងឺកូវីដ-១៩ ពូចលនាបន្លែផ្លែឈើនិងនំអន្សមជ្រូកដើម្បីជំនួយមាមីងនៅក្នុងតំបន់ផ្តាច់ដោយឡែក។
ជាភូមិភាគដែលមានជនជាតិភាគតិចរស់នៅកុះករ ការចលនាអ្នកមានប្រិយភាពធ្វើទង្វើល្អជាប្រការចាំបាច់និងមានផលប្រយោជន៍សម្រាប់ការអភិវឌ្ឍរបស់ភូមិភាគ។ ទន្ទឹមនឹងការយកចិត្តទុកដាក់ឧបត្ថម្ភរបស់រដ្ឋអំណាចគឺកងជួរអ្នកមានប្រិយភាពជាអ្នកជិតប្រជាជននិងយល់ច្បាស់ពីប្រជាជន។ តាមនោះ បណ្តាគោលការណ៍ គោលនយោបាយរបស់បក្សនិងក្រឹត្យច្បាប់របស់រដ្ឋបានប្រជាជនយល់និងអនុវត្តល្អដើម្បីព្រួតដៃកសាងភូមិស្រុកពីមួយថ្ងៃកាន់តែអភិវឌ្ឍ៕
ថាញ់វ៉ាង - សុផល
Thông tin bạn đọc
Đóng Lưu thông tin