យកចិត្តទុកដាក់កែលម្អគុណភាពជីវភាពប្រជាជន

ទន្ទឹមនឹងភារកិច្ចអភិវឌ្ឍសេដ្ឋកិច្ច ឃុំថាមដូង ស្រុកមីស្វៀង (សុកត្រាំង) តែងធានាសុខុមាលភាពសង្គមមាមីងជនជាតិភាគតិច។ ក្នុងប៉ុន្មានឆ្នាំកន្លង រដ្ឋអំណាចគ្រប់ថ្នាក់តែងប្រមូលផ្តុំជំនួយផ្ទះនៅ កសាងផ្លូវជនបទ ថែទាំសុខភាពប្រជាជន បានផ្សព្វផ្សាយមានប្រសិទ្ធភាពជាជំហានលើកកម្ពស់គុណភាពជីវភាពប្រជាជន។

គ្រួសារបងថាច់មិញតាយ នៅភូមិផ្នោរស្លា១ ឃុំថាមដូង (មីស្វៀង) បានជំនួយផ្ទះនៅ។

ជាភូមិភាគដែលមានជនជាតិភាគតិចរស់នៅកុះករ ស្រូបអត្រា៧៣% ឃុំថាមដូងតែងសកម្មជំរុញផ្តល់ផ្ទេរប្រភពទុនអនុវត្តកម្មវិធីទិសដៅជាតិអភិវឌ្ឍសេដ្ឋកិច្ចសង្គមតំបន់ជនជាតិភាគតិច។ ដូច្នេះ ជីវភាពប្រជាជនមួយថ្ងៃកាន់តែបានកែលម្អជាជំហានឈានឡើងចាកផុតក្រដោយចីរភាព។ ឆ្នាំ២០២៤ ពីប្រភពទុនកម្មវិធីបានជំនួយផ្ទះ៣ខ្នងឱ្យគ្រួសារក្បែរក្រ ជាមួយថវិកាជាង១០០លានដុង។ សព្វថ្ងៃអនុវត្តតាមសារលិខិតចង្អុលការរបស់គណៈកម្មាធិការបក្ស គណៈកម្មាធិការប្រជាជនខេត្តស្តីពីការផ្សព្វផ្សាយអនុវត្តបំបាត់ផ្ទះបណ្តោះអាសន្ន ផ្ទះទ្រុឌទ្រោមលើភូមិដ្ឋានខេត្តសុកត្រាំង តាមលទ្ធផលពិនិត្យ សព្វថ្ងៃ ឃុំនៅ១១៧គ្រួសារកំពុងជួបការលំបាកពីផ្ទះនៅ ក្នុងនោះ គ្រួសារក្បែរក្រគឺ៣២គ្រួនិងគ្រួសារមានស្ថានភាពលំបាកពិសេសគឺ៨៥គ្រួបានពិនិត្យរួចរាល់និងកំពុងក្នុងដំណាក់កាលផ្សព្វផ្សាយអនុវត្ត។

គ្រួសារបងថាច់មិញតាយ នៅភូមិផ្នោរស្លា១ ឃុំថាមដូងជាគ្រួសារមានស្ថានភាពលំបាកបានជំនួយ៥០លានដុងសម្រាប់សង់ផ្ទះ បងរីករាយឱ្យដឹង៖ ឃើញគ្រួសារខ្ញុំជួបការលំបាក ប៉ុន្តែនៅតែខិតខំបង្កលក្ខណៈឱ្យកូនៗរៀនសូត្រ។ កន្លងហើយខ្ញុំមានគ្រោះថ្នាក់ចរាចរណ៍ ធ្វើការមិនបាន ជីវភាពជួបការលំបាក ដូច្នេះ រដ្ឋអំណាចភូមិភាគសង់ផ្ទះឱ្យ ខ្ញុំរីករាយណាស់និងអរគុណឃុំដែលជួយគ្រួសារខ្ញុំមានកន្លែងនៅលំនឹង។

ព្រមជាមួយនោះ ឃុំបានចលនាភូមិនានាពង្រីកការចលនាប្រឡងប្រណាំង “សុកត្រាំងព្រួតដៃកសាងជនបទថ្មី” រួមចំណែកផ្សព្វផ្សាយប្រសិទ្ធភាពកម្មវិធីទិសដៅជាតិពីការកសាងជនបទថ្មីនៅភូមិភាគ។ ភូមិនានាសុទ្ធតែមានផ្លូវដានតភ្ជាប់ពីភូមិមួយទៅភូមិមួយ បានរឹងមាំនិងបានជួសជុលរាល់ឆ្នាំ សហការជាមួយអង្គការមហាជនឃុំចលនាសមាជិក ប្រជាជនចូលរួមបោសសម្អាតសំរាម ធ្វើស្មៅ ដាំផ្កា ។ល។ ដើម្បីព្រួតដៃកសាងនិងការពារដងផ្លូវជនបទបៃតង-ស្អាត។

លោកឡឹមវ៉ាំងផឹង អ្នកមានប្រិយភាពឃុំថាមដូងបានឱ្យដឹង៖ បើប្រៀបពីមុន ជីវភាពរបស់ជនជាតិភាគតិចពីមួយថ្ងៃកាន់តែអភិវឌ្ឍលំនឹង ពិសេសសព្វថ្ងៃ ដោយបានការយកចិត្តទុកដាក់របស់បក្សនិងរដ្ឋក្នុងការផ្សព្វផ្សាយអនុវត្តដោយប្រសិទ្ធភាពបណ្តាគោលនយោបាយជនជាតិធ្វើឱ្យទិដ្ឋភាពជនបទផ្លាស់ថ្មី ផ្ទះសម្បែងសង់បានស្អាតស្អំ ដងផ្លូវធ្វើដំណើរទៅមកងាយស្រួល ប្អូនៗកុមារបានទៅរៀនគ្រប់គ្នានិងរៀនចប់ចុងចប់ដើម។ ក្រៅពីនោះ ការងារថែទាំសុខភាពក៏បានឃុំយកចិត្តទុកដាក់ ឃុំមានដំណាក់សុខាភិបាលផ្តល់ថ្នាំនិងពិនិត្យជំងឺឱ្យប្រជាជន ជនជាតិភាគតិចទាំង១០០% បានផ្តល់ប័ណ្ណធានារ៉ាប់រងសុខាភិបាល។

លោកង្វៀងជីយុង-អនុប្រធានគណៈកម្មាធិការប្រជាជនឃុំថាមដូងបានឱ្យដឹង៖

ការចូលរួមទូទាំងប្រព័ន្ធនយោបាយនិងការខិតខំឈានឡើងរបស់ប្រជាជន អាស្រ័យហេតុនេះ ឃុំបានដឹកនាំចង្អុលការអនុវត្តល្អបណ្តាគោលនយោបាយ កម្មវិធី គម្រោងនានាសម្រេចប្រសិទ្ធភាព ទើបជីវភាពសម្ភារៈនិងស្មារតីរបស់ប្រជាជនមួយថ្ងៃកាន់តែបានកែលម្អ ជំរុញការអភិវឧ្ឍសេដ្ឋកិច្ច-សង្គមតំបន់ជនជាតិភាគតិច។ ទន្ទឹមនឹងនោះ អត្រាគ្រួសារក្រនិងគ្រួសារក្បែរក្រពីមួយថ្ងៃកាន់តែថយចុះ ឆ្នាំ២០២៣ អត្រាគ្រួសារក្រស្រូបអត្រា០,៦៩% ក្បែរក្រស្រូបអត្រា៣,៣៩% មកដល់សព្វថ្ងៃ គ្រួសារក្រថយចុះនៅត្រឹម០,៥៥% គ្រួសារក្បែរក្រនៅត្រឹមតែ២,៣៣%។

អាចនិយាយបានថា អាស្រ័យការយកចិត្តទុកដាក់កែលម្អគុណភាព ការរស់នៅរបស់ប្រជាជនឆ្លងតាមកម្មវិធី គម្រោងនានារួមចំណែកយ៉ាងសកម្មក្នុងការងារធានាសុខុមាលភាពសង្គមតំបន់ជនជាតិភាគតិចជាមួយទិសដៅដើម្បីសុភមង្គលប្រជាជនក្នុងដំណាក់កាលសព្វថ្ងៃនេះ៕

ហុងទើ-សុផល

យកចិត្តទុកដាក់កែលម្អគុណភាពជីវភាពប្រជាជន

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

យកចិត្តទុកដាក់កែលម្អគុណភាពជីវភាពប្រជាជន

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង