 |
| ដងផ្លូវផ្កាគំរូនៅភូមិទ្រឿងថ ឃុំទ្រឿងខាញ់ ស្រុកឡុងភូ។ |
បានទទួលស្គាល់សម្រេចបទដ្ឋានជនបទថ្មីក្នុងឆ្នាំ២០១៥ ទ្រឿងខាញ់សព្វថ្ងៃ“មានភាពផ្លាស់ថ្មី” ជាមួយផ្ទះថ្មីភ្លឺចិញ្ចែងសង់ជាជួរ បណ្តាដងផ្លូវផ្ការីកស្គុសស្គាយនិងមានដើមឈើជាម្លប់។ ប្រព័ន្ធផ្លូវគមនាគមន៍បានវិនិយោគកសាង បើកទូលាយ សំណង់ សាលារៀន ដំណាក់សុខាភិបាល អគារវប្បធម៌បានវិនិយោគកសាង ជួសជុលរឹងមាំ។ បងថាច់ថាញ់យ៉ាង នៅភូមិទ្រឿងថបានឱ្យដឹង៖ កាលពីមុន ខ្ញុំគ្រាន់តែដាំផ្កាជុំវិញផ្ទះ ប៉ុន្តែពេលរដ្ឋអំណាចភូមិភាគបំផុសចលនាខ្ញុំបានដាំតាមដងផ្លូវខាងមុខផ្ទះ។ មិនត្រឹមតែគ្រួសារខ្ញុំ គ្រួសារដទៃក្នុងភូមិនរណាក៏ខិតខំបោសសម្រាម ថែទាំផ្កា រួមគ្នាកសាងដងផ្លូវជនបទមួយថ្ងៃកាន់តែស្អាត-បៃតង។ សង្ឃឹមថាបណ្តាដងផ្លូវផ្កាបែបនេះនឹងបានបើកទូលាយច្រើនជាងទៀត ដើម្បីបង្កទិដ្ឋភាពឱ្យភូមិស្រុកកាន់តែស្រស់បំព្រង។ ក្រោយរយៈពេល៣ឆ្នាំបំផុសចលនា ទម្រង់ដងផ្លូវផ្កាគំរូបានប្រជាជននៅទីនេះសកម្មចូលរួម បើកទូលាយនៅតាមភូមិនានាក្នុងឃុំជនបទថ្មីទ្រឿងខាញ់។ លោកថាច់វូ-អនុប្រធានគណៈកម្មាធិការប្រជាជនឃុំទ្រឿងខាញ់ឱ្យដឹង៖ មិនត្រឹមតែដាំផ្កានៅតាមដងផ្លូវប៉ុណ្ណោះទេ រដ្ឋអំណាចនៅទាំងជួសជុលប្រព័ន្ធអគ្គិសនីតាមដងផ្លូវ ដាក់បដាផ្សព្វផ្សាយចលនាប្រជាជនកាប់ឆ្ការស្មៅ ថែទាំផ្កា បើមានគុម្ពផ្កាងាប់ដាំជួសថ្មី ម្ល៉ោះហើយ ដងផ្លូវពេលណាក៏មានផ្ការីកស្រស់បំព្រង។ បណ្តាដងផ្លូវផ្កាធ្វើការយល់ដឹងរបស់មាមីងក្នុងការពារអនាម័យបរិស្ថាន។ នៅកន្លែងដាំផ្កាគ្មានការបោះសំរាមចោលពាសពេញទៀតឡើយ នរណាក៏មានស្មារតីរក្សាអនាម័យបរិស្ថាន។
មកដល់ភូមិកគោ ឃុំតឹងហ៊ឹងដងផ្លូវស្រុកលេខ២៦ តាមដងផ្លូវគំរូនៅខាងមុខមានផ្ទះសង់ជាជួរបានដាំផ្កាស្អាតរីកស្គុសស្គាយ។ នេះជាសំណង់អាស្រ័យសាខាសមាគមអតីតយុទ្ធជន សាខាសមាគមកសិករនិងសមាជិកានារីភូមិអនុវត្តទម្រង់នេះបានជិត២ឆ្នាំមកហើយ តាមផែនការទិដ្ឋភាពបរិស្ថាន“បៃតង-ស្អាត” ក្នុងក្រមលក្ខឋានកសាងជនបទថ្មី។ លេខាសាខាបក្សភូមិកគោ សមមិត្តគីមសាយបានឱ្យដឹង៖ ក្នុងមួយខែម្តង សាខាសមាគមនិងអង្គការមហាជននានា ចាត់តាំងធ្វើអនាម័យតាមដងផ្លូវមួយថ្ងៃ នរណាក៏បានបែងការងារធ្វើ។ គ្រួសារណាមានធ្វើរបង ដាំផ្កាស្អាតនឹងបានបងប្អូននារីទៅទស្សនារៀនសូត្រនិងបើកទូលាយ។ លោកហ្វិញឌឹក-ប្រធានគណៈកម្មាធិការប្រជាជនស្រុកឡុងភូឱ្យដឹង៖ ការកសាងដងផ្លូវផ្កាបង្ហាញពីការបេ្តជ្ញាចិត្តនិងស្មារតីទទួលបន្ទុករបស់គណៈផ្នែកលើភូមិដ្ឋានស្រុក។ ប្រជាជននៅភូមិភាគក៏ស្របមតិគាំទ្រ។ ទង្វើនេះមានអត្ថន័យយ៉ាងសំខាន់ ព្រួតដៃកសាងជនបទថ្មី ក្រុងអរិយធម៌។
ការចលនាកសាង“ដងផ្លូវផ្កាគំរូ” កំពុងសាយភាយនៅតាមតំបន់ជនបទ មិនត្រឹមតែជួយឱ្យភូមិភាគសម្រេចឆាប់បណ្តាលក្ខឋានពីជនបទថ្មីនិងឆ្ពោះដល់ជនបទថ្មីលើកកម្ពស់គំរូ នៅទាំងជួយឱ្យប្រជាជនមានស្មារតីក្នុងការរក្សាបរិស្ថាន កសាងផ្នត់រស់នៅវប្បធម៌ អរិយធម៌ធ្វើឱ្យទិដ្ឋភាពភូមិស្រុកពីមួយថ្ងៃកាន់តែស្អាតស្អំ៕
ចន្ថា
Thông tin bạn đọc
Đóng Lưu thông tin