 |
| ទម្រង់ដាំដំណាំនាំមកនូវប្រសិទ្ធភាពសេដ្ឋកិច្ចខ្ពស់របស់កសិករឡុងភូ។ |
តាមប្រធានសមាគមកសិករស្រុកឡុងភូលោកង្វៀងហុងតឹម ស្រុកឡុងភូបច្ចុប្បន្ន មានសមាជិកកសិករចំនួន១២.២៣៥រូប ស្រូបអត្រា៨៣,៩៣% សរុបចំនួនគ្រួសារកសិករ។ ប៉ុន្មានឆ្នាំកន្លង សមាគមកសិករស្រុកតែងយកចិត្តទុកដាក់ចង្អុលការពង្រឹង ផ្លាស់ថ្មីនិងលើកកម្ពស់គុណភាពចលនាកសិករ ពិសេសគឺការកសាងអភិវឌ្ឍបណ្តាទម្រង់សេដ្ឋកិច្ចប្រកបដោយប្រសិទ្ធភាពបង្កលក្ខណៈងាយស្រួលឱ្យកសិករប្រឡងប្រណាំងពលកម្មផលិតអភិវឌ្ឍសេដ្ឋកិច្ច បន្ថយក្រស្ថេរភាពនិងធ្វើមានស្របច្បាប់។ លទ្ធផល សមាគមបាន សហការចាត់តាំងបើកថ្នាក់បណ្តុះបណ្តាលរបរបាន២០ថ្នាក់ឱ្យកសិករចំនួន៣៦០រូប ដោះស្រាយការងារធ្វើឱ្យសមាជិកចំនួន២.៦៧៣រូប បម្រើផលិតកសិកម្មនិងការងារធ្វើ។ ឧបត្ថម្ភប្រជាជន មានដើមទុនផលិត ធ្វើអាជីវកម្មឆ្លងតាមប្រភពមូលនិធិឧបត្ថម្ភកសិករ ចុះហត្ថលេខាជាមួយធនាគារគោលនយោបាយសង្គមដើម្បីអនុវត្តឱ្យបុលទុនចំពោះគ្រួសារក្រ។ សហការជាមួយអង្គភាពទាក់ទិនដើម្បីចាត់តាំងហ្វឹកហាត់ផ្ទេរវិទ្យាសាស្ត្រ-បច្ចេកទេស ហ្វឹកហាត់ពីការដាំបន្លែសុវត្ថិភាព ការគ្រប់គ្រងជំងឺលើដំណាំ សត្វចិញ្ចឹម មានជាង២០ថ្នាក់ ឱ្យសមាជិកកសិករជិត២.០០០រូបចូលរួម។ ឆ្លងតាមនោះ បានរួមចំណែកយ៉ាងសំខាន់ក្នុងការលើកកម្ពស់ការអភិវឌ្ឍសេដ្ឋកិច្ច-សង្គមនៅជនបទបង្កើតការងាររកស៊ីនិងកែលម្អជីវភាពឱ្យសមាជិកកសិកររួមចំណែកកសាងជនបទថ្មីទីក្រុងអរិយធម៌។
ក្នុងឆ្នាំកន្លង សមាគមកសិករគ្រប់ថ្នាក់ស្រុកឡុងភូបានឃោសនាយ៉ាងជម្រៅពីកម្មវិធីទិសដៅជាតិកសាងជនបទថ្មី ទីក្រុងអរិយធម៌និងសាទរចលនា “ទូទាំងប្រទេសរួមកម្លាំងកសាងជនបទថ្មី”។ សមាគមគ្រប់ថ្នាក់ចូលរួមអនុវត្ត៥លក្ខឋាន សមាជិកកសិករភាគច្រើនបានចូលរួមយ៉ាងសកម្ម បង្ហាញមុខ៦ទម្រង់ការពារបរិស្ថានជនបទ ឃោសនាចលនាសមាជិកកសិករចូលរួមយ៉ាងសកម្មក្នុងការការពារបរិស្ថាន ប្រើប្រាស់ទឹកស្អាត អនាម័យបរិស្ថាន ធានាសុវត្ថិភាពអនាម័យម្ហូបអាហារ ថែទាំសុខភាព ផ្ទេររចនាសម្ព័ន្ធផលិត… ឆ្លងតាមនោះរួមចំណែកលើកកម្ពស់ ប្រសិទ្ធភាពផលិត កែលម្អបរិស្ថាន។ ប្រធានសមាគមកសិករឃុំចូវខាញ់ ង្វៀងហុងភីមរីករាយឱ្យដឹង៖ រួមចំណែកជាមួយគណៈចង្អុលការឃុំដើម្បីកសាងឃុំជនបទថ្មីសម្រេចបានជោគជ័យ សមាគមកសិករឃុំបានចុះឈ្មោះអនុវត្តការ លើកកម្ពស់គុណភាព០៥/១៩លក្ខឋាន ឃុំជនបទថ្មីលើកកម្ពស់និងទទួលបន្ទុកនូវលក្ខឋាន មួយស្តីពីការផលិត។ តាមនោះ សមាគមបានចង្អុលការសាខាសមាគមចាត់ចែងសមាជិកឱ្យអនុវត្តជួសជុលផ្ទះដោយខ្លួនឯង ទន្ទឹមនឹងនោះ ត្រូវទទួលជំនួយពី០១-០៣គ្រួសារជិតខាងដើម្បីសង់ផ្ទះសម្រេចតាមស្តង់ដារគ្រួសារវប្បធម៌ជនបទថ្មី។ បំផុសចលនាសមាជិក១០០% ចុះឈ្មោះអនុវត្ត០៥លក្ខឋានដោយសមាគមទទួលបន្ទុកតាំងពីនោះជនបទរបស់ឃុំបានអភិវឌ្ឍជាបណ្តើរៗ ជីវភាពសម្ភារៈនិងស្មារតីរបស់ប្រជាជនកាន់តែបានលើកកម្ពស់។ ប្រធានសមាគមកសិករស្រុកឡុងភូ ង្វៀងហុងតឹមឱ្យដឹង៖ បណ្តាចលនាប្រឡងប្រណាំងរបស់សមាគមបន្តការអភិវឌ្ឍបានរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ច-សង្គមនៅភូមិភាគទន្ទឹមនឹងនោះ បានអះអាងថា អង្គការសមាគមពិតជាមជ្ឈមណ្ឌល ជាស្នូលក្នុងការចលនាកសិករ ក្នុងការងារកសាងជនបទថ្មី។
ជាមួយនឹងរបៀបធ្វើជាក់ស្តែង ប្រកបដោយភាពច្នៃប្រឌិត នាពេលកន្លងសមាគមកសិករស្រុកឡុងភូគ្រប់ថ្នាក់បានជំរុញនិងពង្រីកសក្តានុភាពរបស់សមាជិកកសិករក្នុងការអភិវឌ្ឍសេដ្ឋកិច្ចវប្បធម៌សង្គម រួមចំណែកក្នុងការកសាងជនបទថ្មីនៅភូមិភាគ៕
ចន្ថា
Thông tin bạn đọc
Đóng Lưu thông tin