 |
| ដងផ្លូវជនបទភូមិទ្រុងប៊ិញ ឃុំទ្វឹងទឹក ស្រុកថាញ់ទ្រីបានវិនិយោគរឹងមាំ។ |
មកទ្រុងប៊ិញ យើងខ្ញុំបានឃើញយ៉ាងច្បាស់នូវការផ្លាស់ថ្មីនៅតំបន់ជនបទ។ ប្អូនៗទៅរៀននៅសាលាថ្មីរឹងមាំ កាលពីមុនផ្លូវភក់ឥឡូវជំនួសដោយផ្លូវបេតុងរាបរលូន ស្អាត ជីវភាពមាមីងផ្លាស់ប្តូររាល់ថ្ងៃ។ នោះជាលទ្ធផលនៃការរួមកម្លាំងសាមគ្គីភាពរវាងរដ្ឋអំណាចនិងប្រជាជនភូមិភាគ។ បច្ចុប្បន្ន ទូទាំងភូមិមានគ្រួសារប្រហែល៦២៥គ្រួ ក្នុងនោះ ជនរួមជាតិខ្មែរស្រូបអត្រាជិត៩៨,២% មាមីងនៅទីនេះភាគច្រើនប្រកបរបរកសិកម្ម និងចិញ្ចឹមសត្វ លក់ដូរតូច។ល។ តាមលោកហ្វិញក្វៀង-លេខាសាខាបក្សភូមិទ្រុងប៊ិញជាភូមិលំបាក នាពេលកន្លង ខ្ញុំតែងសហការជាមួយអង្គការមហាជនភូមិ ឃុំចុះដល់គ្រួសារនីមួយៗចែករំលែកបទពិសោធន៍ ឧបត្ថម្ភទុនដើម្បីឱ្យប្រជាជនមានលក្ខណៈផលិត លើកស្ទួយជីវភាព។ តាំងពីនោះ ជីវភាពរបស់មាមីងកាន់តែបានលើកកម្ពស់ មកដល់ពេលនេះ អត្រាគ្រួសារក្រថយចុះ នៅត្រឹម៣៨គ្រួ ក្បែរក្រនៅត្រឹម៥៨គ្រួ… ពេលសួរអំពីការកៀរគរប្រជាជនបរិច្ចាគដីធ្វើផ្លូវសង់ស្ពាន។ លោកក្វៀងចែករំលែក៖ ដើម្បីព្រួតដៃក្នុងការ កសាងជនបទថ្មី នាពេលកន្លង ខ្ញុំនិងសមមិត្តក្នុងសាខាបក្សភូមិទ្រុងប៊ិញចលនាសង់ស្ពានចំនួន៥និងជួសជុលផ្លូវជនបទជាច្រើន។ ពិសេស ឆ្នាំ២០១៩ ខ្ញុំកៀរគរសប្បុរសជននិងប្រជាជនបានប្រាក់ចំនួន២០០លានដុងដើម្បីសង់ស្ពានទីនោ មានប្រវែង២៥ម៉ែត្រ ទទឹង២ម៉ែត្រ ចលនាប្រជាជនដាំផ្កានៅតាមដងផ្លូវជនបទ សង់បង្គោលទង់ សម្អាតអនាម័យ បរិស្ថាននិងគប់វាល់បង្គោលភ្លើងចំនួន៥០ ដាក់អំពូលភ្លើងចំនួន៥០សម្រាប់អុជបំភ្លឺផ្លូវជនបទ សរុបតម្លៃជាង៥០លានដុង។ ក្រៅពីនេះ រៀងរាល់ឆ្នាំ យើងខ្ញុំកៀរគរអំណោយជិត១.០០០ចំណែក ដើម្បីឧបត្ថម្ថដល់គ្រួសារក្រ ក្បែរក្រ គ្រួសារជួបការលំបាក។ សប្បាយរីករាយចំពោះការយកចិត្តទុកដាក់ គិតអានរបស់រដ្ឋចំពោះតំបន់ជនរួមជាតិ បងថាច់ថាញ់ ភូមិទ្រុងប៊ិញ ឃុំទ្វឹងទឹកឱ្យដឹង៖ បច្ចុប្បន្ន ដោយសារគោលនយោបាយឧបត្ថម្ភរបស់រដ្ឋ ដូច្នេះហើយ ផ្លូវជនបទបានចាក់បេតុងរឹងមាំ ធារាសាស្ត្រក៏បានស្តារដើម្បីបម្រើការស្រោចស្រពក្នុងផលិត ប្រជាជនយើងខ្ញុំបានស្របមតិយ៉ាងខ្លាំង សប្បាយរីករាយស្ងប់ចិត្តនិងខិតខំពលកម្មផលិត។
សាខាបក្សភូមិទ្រុងប៊ិញក៏ឆ្លៀត ប្រភពឧបត្ថម្ភរបស់ ថ្នាក់លើដើម្បីជំនួយ ដល់មាមីង ក្នុងឆ្នាំនេះបាន ឧបត្ថម្ភផ្ទះ១២ខ្នងដល់គ្រួសារក្រដែលជួបការលំបាកពីផ្ទះនៅពីប្រភពទុនជំនួយឧបត្ថម្ភរបស់ក្រសួងនគរបាលនិងកម្មវិធី ទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិច។ ដោយការយកចិត្តទុកដាក់គិតអានរបស់បក្ស រដ្ឋ ពិសេស តំបន់ជនរួមជាតិខ្មែរតែងបានវិនិយោគកសាងបណ្តាប្រព័ន្ធហេដ្ឋារចនាសម័្ពន្ធបានសម្រេចជាបណ្តើរៗ ក្រៅពីនេះ នៅទាំងជួយឧបត្ថម្ភបុលទុនពីធនាគារគោលនយោបាយសង្គម ដើម្បីមាមីងអភិវឌ្ឍសេដ្ឋកិច្ចគ្រួសារ ជីវភាពសម្ភារៈនិងស្មារតីរបស់មាមីងក្នុងភូមិកាន់តែប្រសើរឡើង គ្រួសារជាច្រើនបានចាកផុតក្រ សង់ផ្ទះរឹងមាំ ឈានឡើងធ្វើមានស្របច្បាប់។ បច្ចុប្បន្ន អត្រាមាមីងប្រើប្រាស់បង្គន់ស្របអនាម័យសម្រេច៩០% ប្រើប្រាស់អគ្គិសនីសម្រេច១០០% ប្រើប្រាស់ទឹកស្អាត១០០%។
មកទ្រុងប៊ិញងាយនឹងឃើញទិដ្ឋភាពជនបទបានប្រែថ្មី ដោយមានហេដ្ឋារចនាសម្ព័ន្ធរឹងមាំ វាលស្រែស្រូវទុំប្រកបដោយភាពសប្បាយរីករាយរបស់ប្រជាជន សមិទ្ធផលទាំងនោះរួមចំណែកជាមួយនឹងបក្ខភាគ រដ្ឋអំណាចនិងប្រជាជនឃុំទ្វឹងទឹកសម្រេចបាននូវគោលដៅកម្មវិធីកសាងជនបទថ្មីតាមផែនការដែលបានដាក់ចេញ៕
ដាលីន
Thông tin bạn đọc
Đóng Lưu thông tin