 |
| អគ្គិសនីអុជបំភ្លឺបានដាក់នៅតាមដងផ្លូវជនបទរបស់ឃុំតឹងហ៊ឹង។ |
បានរដ្ឋវិនិយោគជាង២៦ពាន់លានដុង សម្រាប់បើកទូលាយផ្លូវដានតូចទៅជាផ្លូវស្រុកលេខ២៦វិនិយោគកសាងស្ពានចាស់ជាស្ពានអក្សរY តភ្ជាប់មាត់ព្រែកហ៊ឹងថាញ់ជាប់នឹងភូមិតឹងគ្វី A និងតឹងគ្វី B។ ថ្មីៗនេះ មានប្រភពទុនចំណុះកម្មវិធីទិសដៅជាតិកសាងជនបទថ្មី គណៈចង្អុលការកម្មវិធីឃុំតឹងហ៊ឹងវិនិយោគ៤០លានដុងដាក់អំពូលភ្លើងអុជបំភ្លឺដោយអគ្គិសនីព្រះអាទិត្យ (បង្គោល២០និងអំពូលភ្លើង២០)។ ទម្រង់នេះមិនត្រឹមតែជួយឱ្យមាមីងធ្វើដំណើរទៅមកបានងាយស្រួលប៉ុណ្ណោះទេ ថែមទាំងបានធានាសន្តិសុខសណ្តាប់ធ្នាប់នៅភូមិភាគ បង្កភាពសាយភាយក្នុងមាមីងពីស្មារតីសហគមន៍ អស់ពីចិត្តចូលរួមគប់វាល់ថវិកា កម្លាំងពលកម្ម មកដល់សព្វថ្ងៃបង្កើតបាន១.០០០ម៉ែត្រ។ ដងផ្លូវភ្លឺ-បៃតង-ស្អាតជួយឱ្យមាមីងធ្វើដំណើរទៅមកនិងសិស្សានុសិស្សទៅរៀនបានងាយស្រួល បន្ថយបានអបាយមុខសង្គម គ្រោះថ្នាក់ចរាចរណ៍។ ដងផ្លូវនេះ ដំបូងរដ្ឋវិនិយោគដាក់បានត្រឹមតែបង្គោលនិងអំពូលភ្លើងចំនួន២០ បច្ចុប្បន្នមាមីងបានដាក់បន្ថែមបង្គោលចំនួន១៥ទៀតនិងភូមិភាគកំពុងចលនាសង្គមូបនីយកម្មដើម្បីដាក់អំពូលអគ្គិសនីព្រះអាទិត្យតាមដងផ្លូវដោយមានប្រវែងជាង៤.០០០ម៉ែត្រ ដោយបង្គោលនិងអំពូលនីមួយៗតម្លៃ២លានដុង។ បងឡឹមសាង នៅភូមិកគោរីករាយឱ្យដឹង៖ ពេលភូមិចលនា ខ្ញុំស្របមតិភ្លាម សព្វថ្ងៃមិនត្រឹមតែខ្ញុំទេ មាមីងក្នុងភូមិនរណាក៏សប្បាយរីករាយនិងមានក្តីមោទនភាពពេលឃើញដងផ្លូវខាងមុខផ្ទះយើងបានបើកទូលាយ ភ្លឺ។
លោកត្រាវិញឡើយ-លេខាសាខាបក្សភូមិតឹងគ្វី B ឃុំតឹងហ៊ឹងឱ្យដឹង៖
ក្រោយពីបានផ្សព្វផ្សាយចលនា មាមីងមានការផ្លាស់ប្តូរពីការយល់ដឹងសកម្មចូលរួមគប់វាល់ថវិកា កម្លាំងពលកម្មដើម្បីរួមគ្នាធ្វើ។ ចាប់ពីពេលមានដងផ្លូវអុជបំភ្លឺ មាមីងមានក្តីសប្បាយរីករាយ ការសាមគ្គីភូមិផងរបងជាមួយកាន់តែស្អិតរមួត រួមគ្នាកសាងភូមិស្រុកមួយថ្ងៃកាន់តែផ្លាស់ថ្មី។ អាស្រ័យបំពេញល្អការងារចលនា បំផុតគឺការធ្វើដោយបើកចំហ ច្បាស់លាស់ក្នុងសកម្មភាពចំណូល ចំណាយ ម៉្លោះហើយមាមីងតែងស្ងប់ចិត្តឧបត្ថម្ភថវិកាឱ្យភូមិភាគដាក់ប្រព័ន្ធអគ្គិសនីព្រះអាទិត្យ។ ប្រព័ន្ធអគ្គិសនីបានដាក់ឱ្យប្រើប្រាស់នាំមកនូវប្រសិទ្ធភាពជាក់ស្តែង ជូនដល់រាប់រយគ្រួសាររស់នៅតាមដងផ្លូវនេះ។
សមមិត្តដាំងថាញ់ញ៉ាំង-អនុប្រធានគណៈកម្មាធិការប្រជាជនឃុំតឹងហ៊ឹងឱ្យដឹង៖
ដើមឆ្នាំ២០២៣ គណៈកម្មាធិការបក្សបានចង្អុលការគណៈកម្មាធិការប្រជាជនឃុំ បណ្តាផ្នែកនានារបស់ឃុំ ភូមិនានាប្រមូលផ្តុំផ្សព្វផ្សាយអនុវត្តបណ្តាលក្ខឋានជនបទថ្មី មកដល់សព្វថ្ងៃ ឃុំអនុវត្តសម្រេច១៧/១៩លក្ខឋាន។ ទម្រង់ចលនាដាក់អំពូលភ្លើងតាមដងផ្លូវជនបទនិងធ្វើរបង បង្គោលទង់នៅតាមភូមិបានជួយឱ្យឃុំតឹងហ៊ឹងសម្រេចជាសារវ័ន្តបណ្តាលក្ខឋានពីអគ្គិសនី ដងផ្លូវជនបទ សន្តិសុខសណ្តាប់ធ្នាប់។ល។ ទម្រង់បានយើងខ្ញុំបន្តផ្សព្វផ្សាយលើដងផ្លូវដទៃទៀត នៅលើភូមិដ្ឋាន។
ទម្រង់នេះមានភាពសាយភាយដល់ភូមិជិតខាងនៅលើភូមិដ្ឋានឃុំតឹងហ៊ឹងក្នុងការប្រើប្រព័ន្ធអគ្គិសនីព្រះអាទិត្យតាមដងផ្លូវជនបទ។ អំណឹះតទៅ ដងផ្លូវជនបទតែងអុជបំភ្លឺក្នុងពេលយប់ បង្កទិដ្ឋភាពថ្មីឱ្យជនបទ រួមចំណែកលំនឹងសន្តិសុខសណ្តាប់ធ្នាប់ សុវត្ថិភាពសង្គម កសាងភូមិស្រុកប្រកបដោយអរិយធម៌ទំនើប៕
ចន្ថា
Thông tin bạn đọc
Đóng Lưu thông tin