បើធៀបនឹងស្រូវឬឈើហូបផ្លែគ្រប់ប្រភេទ បន្លែមានរយៈពេលលូតលាស់ខ្លី មានត្រឹមតែពី៣០-៦០ថ្ងៃអាចប្រមូលផលបាន។ អាស្រ័យហេតុនេះ មាមីងខ្មែរនៅទីរួមស្រុកត្រឹងដេ បានឆ្លៀតអាកាសធាតុល្អដីធ្លីនិងប្រភពទឹក ដើម្បីដាំបន្លែគ្រប់ប្រភេទដូច ពោត សាឡាត់ ស្ពៃចង្កឹះ ស្ពៃខៀវ។ល។ ដោយប្រើវិធីដាំឆ្លាស់រដូវ នាំមកនូវប្រាក់ចំណូលស្ថិរភាពជុំឆ្នាំជុំខែ។
គំរូដូចគ្រួសារបងស្រីថាច់ធីមីហៀង នៅភូមិដងក្តោង ទីរួមស្រុកត្រឹងដេ ដែលបានប្រើប្រាស់ដីជាង១កុងនៅខាងក្រោយផ្ទះ ដើម្បីដាំពោត។ តាមបងស្រីហៀង ពោតជាដំណាំងាយដាំដុះសម្របតាមប្រភេទដី អាកាសធាតុផ្សេងៗគ្នា មានរយៈពេលលូតលាស់ខ្លី សមស្របសម្រាប់ដាំវិលជុំឬដាំឆ្លាស់គ្នាជាមួយបន្លែផ្សេងៗ។ ពិសេស ពោតមិនសូវមានជំងឺ ចំណាយដើមទុនតិច ប៉ុន្តែនាំមកនូវប្រាក់ចំណេញខ្ពស់ ដោយតម្លៃលក់ពី៣.០០០-៥.០០០ដុង/ផ្លែ បច្ចុប្បន្ន ពោតជាដំណាំចម្បងដែលនាំមកប្រាក់ចំណូលដល់គ្រួសារបងស្រី។
 |
| បងស្រីថាច់ធីមីហៀង នៅភូមិដងក្តោង ទីរួមស្រុកត្រឹងដេ បង្កើនប្រាក់ចំណូលដល់គ្រួសារពីការដាំពោតជុំឆ្នាំជុំខែ។ |
ដូច្នេះ ការដាំពោតបាននាំមកប្រាក់ចំណូលស្ថិរភាពសម្រាប់គ្រួសារបងស្រីហៀងជាង១០លានដុង/ឆ្នាំ បន្ទាប់ពីគិតការចំណាយរួចរាល់។ ដូច្នេះហើយ បងស្រីបើកទូលាយផ្ទៃដីអនុវត្តទម្រង់ដាំពោតឆ្លាស់ជាមួយដំណាំផ្សេងៗដូច ពោត ជីរក្រអូបគ្រប់ប្រភេទនិងគួបផ្សំជាមួយការចិញ្ចឹមគោ ដើម្បីបង្កើតជាទម្រង់សេដ្ឋកិច្ចចម្រុះ ជួយបង្កើនប្រាក់ចំណូល លើកស្ទួយជីវភាព ឈានឡើងចាកផុតក្រស្ថេរភាព។
ខុសពីបងស្រីហៀង បងស្រីត្រឹងធីលឿង នៅភូមិដងក្តោង ទីរួមស្រុកត្រឹងដេ បានជ្រើសរើសដាំបន្លែហូបស្លឹក ដើម្បីបង្កើនប្រាក់ចំណូលដល់គ្រួសារ។ នេះជាដំណាំរយៈពេលខ្លី មានពេលប្រមូលផលពី៣០-៥០ថ្ងៃ បច្ចេកទេសគឺយ៉ាងសាមញ្ញ ការចំណាយដើមទុនតិច បន្លែសមស្របជាមួយអាកាសធាតុនិងដីធ្លី។ បងស្រីលឿងឱ្យដឹង៖ ឆ្នាំនេះ ជាមួយផ្ទៃដីជាង១កុងគ្រួសារខ្ញុំបានដាំបន្លែដូច សាឡាត់ ជីរក្រអូប ស្ពៃចង្កឹះ ស្ពៃខៀវ ជីរវ៉ាន់ស៊ុយ តម្លៃលក់ពី៨.០០០-១៥.០០០ដុង/គ.ក អាស្រ័យតាមប្រភេទ ដោយសារការដាំបន្លែច្រើនប្រភេទនៅលើផ្ទៃដីតែមួយ គ្រួសារខ្ញុំមានបន្លែសម្រាប់លក់ជារៀងរាល់ថ្ងៃ ទទួលបានប្រាក់ចំណូលមធ្យមពី៣០០.០០០-៥០០.០០០ដុង/ថ្ងៃ។
 |
| បងស្រីត្រឹងធីលឿង នៅភូមិដងក្តោង ទីរួមស្រុកត្រឹងដេ មានប្រាក់ចំណូលស្ថិរភាពដោយសារការដាំបន្លែ។ |
ដូចបងស្រីហៀងនិងបងស្រីលឿងគ្រួសារជាច្រើនទៀត នៅភូមិដងក្តោង ទីរួមស្រុកត្រឹងដេ ក៏ដាំបន្លែជុំឆ្នាំជុំខែ ដើម្បីបង្កើនប្រាក់ចំណូលដល់គ្រួសារ។ ជាមួយនឹងផ្ទៃដីដាំបន្លែ១កុង មាមីងអាចរកប្រាក់ចំណូលបានពី១០-២០លានដុង/រដូវ។ ក្នុងមួយឆ្នាំមាមីងអាចដាំបន្លែពី៤-៦ដំណាំ ដែលនាំមកនូវប្រភពចំណូលស្ថិរភាពដល់គ្រួសារ។ តាមមាមីងកសិករដើម្បីដាំបន្លែមានប្រសិទ្ធភាពទាំងផលិតនិងគុណភាព ចាំបាច់ត្រូវអនុវត្តវិធានការជាច្រើនព្រមៗគ្នា ដូចជាការជ្រើសរើសពូជ ដែលសមស្របនឹងលក្ខណៈដីនិងអាកាសធាតុនៅភូមិភាគ កែលម្អនិងរៀបចំដីឱ្យម៉ត់ចត់ដូចជាហាលដី បាចកំបោរដើម្បីសម្លាប់សត្វល្អិត អនុវត្តវិទ្យាសាស្ត្រ-បច្ចេកទេសក្នុងផលិត។ល។
សមមិត្តង្វៀងហុងក្វាង-អនុប្រធានគណៈកម្មាធិការប្រជាជនទីរួមស្រុកត្រឹងដេ ឱ្យដឹង៖ ដើម្បីជួយកសិករឈានឡើងអភិវឌ្ឍសេដ្ឋកិច្ច គណៈកម្មាធិការបក្ស រដ្ឋអំណាចទីរួមស្រុកបានឃោសនាយ៉ាងសកម្ម ចលនាកសិករផ្លាស់ប្តូររចនាសម្ព័ន្ធដំណាំ។ ដោយឡែកដើមឆ្នាំ២០២៥ ទីរួមស្រុកត្រឹងដេ បានចុះពូជដាំដំណាំជាង៨៥ហិកតា។ ទន្ទឹមនឹងការអនុវត្តវិទ្យាសាស្ត្រ-បច្ចេកទេសក្នុងផលិត បង្ការជំងឺទាន់ពេល ជួយបន្លែគ្រប់ប្រភេទលូតលាស់ អភិវឌ្ឍបានល្អ ហើយលក់បានតម្លៃខ្ពស់។
ដោយសារការដាំបន្លែប្រាក់ចំណូលរបស់គ្រួសារខ្មែរជាច្រើន នៅទីរួមស្រុកត្រឹងដេបានកើនឡើងទ្វេរដងឬបីដងបើធៀបនឹងកាលពីមុន មាមីងមានលក្ខណៈគិតអានឱ្យកូនៗរៀនសូត្រ ជួសជុលផ្ទះ។ តាំងពីនោះ ប្រជាជនមានជីវភាពកាន់តែលំនឹងនិងអភិវឌ្ឍន៍ឈានឡើងធ្វើមាននៅលើភូមិស្រុករបស់ខ្លួន៕
ហុងទើ-លីហាន់
Thông tin bạn đọc
Đóng Lưu thông tin