 |
|
គ្រួសារបងស៊ើងហៀង ភូមិកៀកថាំង ឃុំឡឹមកៀក ស្រុកថាញ់ទ្រី (សុកត្រាំង) ឈានឡើងលំនឹងជីវភាពពីប្រភពទុនធនាគារគោលនយោបាយសង្គម។ |
តាមសមមិត្តលីប៊ិញ ប្រធានសាមគមកសិករឃុំឡឹមកៀក គិតដល់សព្វថ្ងៃសមាគមគ្រប់គ្រង៦ក្រុមប្រិតសំចៃមាន២៦៨គ្រួសារបុល សរុបបំណុលជាង៩ពាន់លានដុង។ ទន្ទឹមនោះ សមាគមនៅទាំងចលនាកសិករផលិតជួញប្រែពូកែចូលរួមណែនាំឧបត្ថម្ភទុន ក៏ដូចចែករំលែកបទពិសោធន៍ផលិតបង្កើនចំណូល។ ពីការយកចិត្តទុកដាក់បង្កលក្ខណៈពីរាល់ផ្នែកទើបជីវភាពរបស់សមាជិកកសិករសន្សឹមៗបានកើនឡើង។ គំរូដូចគ្រួសារបងស៊ើងហៀង នៅភូមិកៀកថាំង ឃុំឡឹមកៀក ជាគ្រួសារឈានឡើងធូរធារពីប្រភពទុនគោលនយោបាយ។ បងហៀងឱ្យដឹង៖ មុននេះ គ្រួសារខ្ញុំសំខាន់ធ្វើស្រែចំណូលមិនស្ថេរភាព។ ឆ្នាំ២០១០ ឃើញទម្រង់ចិញ្ចឹមគោនាំមកប្រសិទ្ធភាពខ្ញុំបុល២០លានដុងវិនិយោគចិញ្ចឹមគោ។ ពីការឧស្សាហ៍ព្យាយាមក្នុងការថែទាំនិងរៀនសូត្រពីមាមីងជិតខាង ទើបហ្វូងគោរីកចម្រើនល្អ រាល់ឆ្នាំកើតបាន២ក្បាល។ បងហៀងឱ្យដឹង៖ ឆ្នាំណាខ្ញុំក៏មានគោលក់ពី១-២ក្បាល ដោយឡែកឆ្នាំ២០២៤ដោយចង់ជួសជុលទ្រុងដើម្បីបើកទូលាយទម្រង់ចិញ្ចឹមខ្ញុំលក់គោទាំងអស់១២ក្បាលបានជាង១៧០លានដុង។ កាល ឆ្នាំ២០១៥ បងហៀងបុល៥០លានដុងដើម្បីវិនិយោគចិញ្ចឹមជ្រូកនិងសង់ឡបិតស្រា២។ បងហៀងឱ្យដឹង៖ រាល់ឆ្នាំ ជ្រូកកើត២លើក ក្នុង១លើកកើតបានពី៨-១០ក្បាលនិងលក់២លើក/ឆ្នាំ រាល់លើកលក់គឺ១៤ក្បាលទម្ងន់ប្រហែល១០០គ.ក/ក្បាល មានតម្លៃពី៥៥.០០០-៦០.០០០ដុង/គ.ក។ ដោយឡែក ទម្រង់បិតស្រា រាល់ថ្ងៃគ្រួសារលក់បានប្រហែល៩០លីត្រមានតម្លៃ១៣.០០០ដុង/លីត្រ។ ជាមួយប្រភពចំណូលជាង៣០០លានដុង/ឆ្នាំ ពីទម្រង់គោនិងជ្រូកគួបផ្សំបិតស្រាក្រោយពេលទូទាត់រួចជីវភាពគ្រួសារបងហៀងបានកែប្រែ។
 |
| ទម្រង់ចិញ្ចឹមគោនាំមកប្រសិទ្ធភាពរបស់គ្រួសារបងលីហ្វាងញី ឃុំឡឹមកៀក ស្រុកថាញ់ទ្រី (សុកត្រាំង)។ |
គ្រួសារបងលីហ្វាងញី ឃុំឡឹមកៀកក៏ជាគ្រួសារអនុវត្តប្រសិទ្ធភាព ប្រភពទុនធនាគារគោលនយោបាយ។ នាំយើងខ្ញុំទស្សនាទម្រង់ចិញ្ចឹមគោរបស់គ្រួសារ បងញីឱ្យដឹង៖ ឆ្នាំ២០១០បានសមាគមកសិករឃុំបង្កលក្ខណៈជិតដិតប្រភពទុនធនាគារគោលនយោបាយបុលបាន៥០លានដុង ខ្ញុំវិនិយោគចិញ្ចឹមគោពូជ ក្រោយ១ឆ្នាំចិញ្ចឹមទម្រង់ចិញ្ចឹមគោមានប្រសិទ្ធភាពមិនបង់កម្រៃនិងមិនបង់កម្លាំងថែទាំច្រើន ទើបពេលគោកើតលើកដំបូង ខ្ញុំទុកចិញ្ចឹម។ ពី២ក្បាលគោពូជដំបូង ក្រោយពេលលក់៧លើក ឥឡូវក្នុងទ្រុងនៅ១០ក្បាល ក្នុងនោះមាន៤ក្បាលគោមេ។ បងញីឱ្យដឹង៖ រាល់ឆ្នាំ គ្រួសារខ្ញុំចំណូលជាង៤០លានដុងពីការចិញ្ចឹមគោបូករួមនឹងចំណូលប្រហែល៨០លានដុង/ឆ្នាំ ពីការផលិតស្រូវទើបជីវភាពគ្រួសារខ្ញុំបានកែប្រែធូរធារ។ សំដៅពង្រីកប្រសិទ្ធភាពសម្រេចបាន រយៈពេលខាងមុខសមាគមកសិករឃុំសកម្មជំរុញការងារឃោសនាលើកទឹកចិត្តស្មារតីបង្កើតអាជីព។ សហការបណ្តាផ្នែកជំនាញជំរុញសកម្មភាពបង្រៀនរបរ អនុវត្តល្បឿនវិទ្យាសាស្ត្របច្ចេកទេសក្នុងផលិត។ ទន្ទឹមនោះឧបត្ថម្ភទុនដើម្បីសមាជិកមានលក្ខណៈអភិវឌ្ឍសេដ្ឋកិច្ចពង្រីកទម្រង់ប្រសិទ្ធភាពបង្កើនចំណូលឈានឡើងលំនឹងជីវភាព។ សមមិត្តលីប៊ិញ ប្រធានសមាគមកសិករឃុំឡឹមកៀកឱ្យដឹងដូច្នេះ។
អាចឃើញថា ទុនបុលអាទិភាពរបស់ធនាគារគោលនយោបាយសង្គមស្រុកតែងរួមដំណើរជាមួយសមាជិកកសិករលើភូមិដ្ឋានឃុំ បង្កការធ្វើមានលក្ខណៈអភិវឌ្ឍនិងបើកទូលាយបណ្តាទម្រង់សេដ្ឋកិច្ចនាំមកប្រសិទ្ធភាព៕
ថាញ់ហ្វាង - ធូថាវ
Thông tin bạn đọc
Đóng Lưu thông tin