គ្មាននរណាម្នាក់ចាំបានច្បាស់ថា របរត្បាញនៅភូតឹងបានចាប់ផ្តើមពីពេលណានោះទេ ប៉ុន្តែគេដឹងថា ច្រើនជំនាន់មកហើយ សំឡេងឫស្សីពកបានក្លាយជាសំឡេងដែលធ្លាប់ស្គាល់របស់ប្រជាជននៅទីនេះ។ ថ្ងៃមុន ភូមិភឿកគ្វើយមានភាពអ៊ូអរដោយមានប្រជាជនរាប់រយគ្រួសារតាមរបរ ហើយផលិតផលលក់គ្រប់លើទីផ្សារសុកត្រាំង។ មីងថាច់ធីសាខន អ្នកផ្សារភ្ជាប់ជាមួយរបរជាងកន្លះសតវត្សរ៍នៅតែចាំយ៉ាងច្បាស់នូវថ្ងៃដែលប្តីប្រពន្ធខិតខំត្បាញកញ្ឆេចិញ្ចឹមកូនៗពីបណ្តាផលិតផលធ្វើដោយដៃ។ ប៉ុន្តែយូរៗទៅទីផ្សារបានផ្លាស់ប្តូរ។ ជ័រនិងអ៊ីណុកកំពុងពេញនិយម បណ្តាចង្អេរ កញ្ជើបាត់ទៅបន្តិចម្តងៗ។ មីងថាច់ធីសាខន ចែករំលែក៖ ពីមុន លក់បានណាស់ យកទៅទីផ្សារមួយជុំលក់អស់ហើយ។ ឥឡូវយឺតណាស់មិនហ៊ានធ្វើច្រើនទេខ្លាចលក់មិនអស់។
 |
| មីងទ្រឿងធីបាត់ធ្វី (ខាងឆ្វេង) ណែនាំបងប្អូនត្បាញនូវផលិតផលថ្មី។ |
ពេលដែលភូមិរបរកំពុងប្រឈមមុខនឹងហានិភ័យសាបរលាប នារីម្នាក់មានឆន្ទៈដ៏មោះមុតបានរួមចំណែកផ្លាស់ប្តូរភូមិរបរ។ សិប្បករទ្រឿងធីបាត់ធ្វី ជាអ្នកបង្កើតសហករណ៍ឫស្សីពក បានសម្រេចផ្លាស់ប្តូរពីទម្រង់អាជីវកម្មមកសហករណ៍ដើម្បីរួមជាមួយមាមីងអភិរក្សភូមិរបរតាមទិសដៅស្ថេរភាព។
មីងទ្រឿងធីបាត់ធ្វី-នាយិកាសហករណ៍ឫស្សីពកធ្វីទៀកចែករំលែក៖ ខ្ញុំចង់ធ្វើការជាមួយមាមីង ដើម្បីរក្សារបរប្រពៃណីមិនត្រឹមតែផលិតប៉ុណ្ណោះទេ នៅទាំងធ្វើបណ្តាគំរូថ្មី ដើម្បីឱ្យផលិតផលមាននៅលើទីផ្សារ។ ពេលធ្វើការជាមួយគ្នាយើងខ្ញុំអភិវឌ្ឍជាមួយគ្នាជៀសវាងស្ថានការណ៍មាមីងចាកចេញពីភូមិស្រុកទៅធ្វើការឆ្ងាយ។
ដោយមានសមាជិកចំនួន៣២រូប សហករណ៍មិនត្រឹមតែបង្ករបានការងារធ្វើប៉ុណ្ណោះទេ នៅទាំងជួយបង្កើតគំនិតផលិត។ ប្រជាជនមិនត្រឹមតែផលិត ផលិតផលប្រពៃណីប៉ុណ្ណោះទេ ថែមទាំងច្នៃប្រឌិតកន្ត្រក អំណោយអនុស្សាវរីយ៍ ការតុបតែងពីឫស្សីបង្កើនតម្លៃសេដ្ឋកិច្ច។ គិតមកដល់ពេលនេះ សហករណ៍បានធ្វើគំរូផលិតផលជាង៧០០ ក្នុងនោះ៥០%គំរូថ្មី។ ពិសេស បណ្តាផលិតផលទាំងនេះបាននាំចេញទៅកាន់ទ្វីបអឺរុប បើកផ្លូវពាណិជ្ជកម្មដ៏ជោគជ័យ។
មីងឡឹមធីភាព ភូមិភឿកគ្វើយ ឃុំភូតឹង ស្រុកចូវថាញ់ ខេត្តសុកត្រាំង ចែករំលែកយ៉ាងសប្បាយរីករាយ៖ ឥឡូវមានគំរូថ្មីជាច្រើនពីមុនគ្រាន់តែធ្វើរបស់ធំៗឥឡូវមានគ្រប់ទំហំ។ អាស្រ័យហេតុនេះ ចំណូលគ្រួសារខ្ញុំកាន់តែបានស្ថេរភាព។
មិនត្រឹមតែបារម្ភពីការនាំចេញ សហករណ៍នៅទាំងចាត់តាំងបណ្តាថ្នាក់ហ្វឹកហាត់ ឧបត្ថម្ភបច្ចេកទេសជួយប្រជាជនបង្កើនការប៉ិនប្រសប់។ បណ្តាគ្រួសារដែលគ្មានដីផលិតឬកម្លាំងខ្សោយនៅតែឆ្លៀតពេលទំនេរ ដើម្បីកែច្នៃផលិតផលរកប្រាក់ចំណូលបន្ថែមពី៤-៥លានដុង/ខែ។ មីងថាច់បាត់ធ្វី-នាយិកាសហករណ៍ឫស្សីពកធ្វីទៀកឱ្យដឹង៖ រាល់ពេលមានផលិតផលថ្មី ខ្ញុំតែងជូនដំណឹងដល់ក្រុមទាំងអស់ ដោយផ្តោតលើការណែនាំ រួចបែងចែកសម្ភារៈដើម្បីយកមកផ្ទះធ្វើ។ ពេលគ្រប់គ្នាធ្វើរួចសហករណ៍នឹងទិញវិញទាំងអស់មិនទុកឱ្យសល់ផលិតផលរបស់នរណាម្នាក់។
ពេលមានការប្រែប្រួលទីផ្សារភូមិរបរត្បាញនៅភូតឹងមិនត្រឹមតែឋិតថេរប៉ុណ្ណោះទេ នៅទាំងអភិវឌ្ឍយ៉ាងខ្លាំងក្លា។ ការប៉ិនប្រសប់របស់មាមីងនៅតែត្បាញជារៀងរាល់ថ្ងៃមិនត្រឹមតែផលិតផលប៉ុណ្ណោះទេ ប៉ុន្តែក៏មានជំនឿ ក្តីសង្ឃឹមសម្រាប់អនាគតប្រកបដោយស្ថេរភាព។ ភូមិរបរឥឡូវមិនត្រឹមតែរក្សាព្រលឹងនៃជនបទប៉ុណ្ណោះទេ ថែមទាំងចងសម្ព័ន្ធជាមួយនឹងទីផ្សារពិភពលោក ជាកន្លែងដែលកញ្ជើ កញ្ឆេ ចង្អេរ។ល។ មិនត្រឹមតែជារបស់សាមញ្ញប៉ុណ្ណោះទេ នៅទាំងជាដំណើរនៃការអភិរក្សនិងអភិវឌ្ឍន៍៕
វឌ្ឍា-លីហាន់
Thông tin bạn đọc
Đóng Lưu thông tin