 |
| ពូឡឹមថាញ់ហ៊ុង នោភូមិតាអង់បេ ឃុំធ្វឹងហ៊ឹង ស្រុកមីទូពង្រីកសេដ្ឋកិច្ចពីការដាំឪឡឹក។ |
ពូឡឹមថាញ់ហ៊ុង នៅភូមិតាអង់បេ ឃុំធ្វឹងហ៊ឹង ស្រុកមីទូជាគ្រួសារមានបទពិសោធន៍ច្រើនឆ្នាំក្នុងការដាំឪឡឹកសម្រាប់លក់ក្នុងរដូវបុណ្យតេត។ តេតឆ្នាំនេះ គ្រួសារពូហ៊ុងដាំឪឡឹក៤,៥កុង ដោយអាកាសធាតុអំណោយផលម្ល៉ោះហើយឪឡឹកលូតលាស់ល្អ។ សព្វថ្ងៃតម្លៃឪឡឹកសម្រាប់ដាក់សែនលើទីផ្សារមានភាពលំនឹងពី៩.០០០-១២.០០០ដុង/គ.ក ក្រោយពីផាត់ទាត់រួចរាល់ពូរកបានពីប្រាក់ចំណូលប្រហែល១០លានដុង/កុង។ ពូហ៊ុងរីករាយឱ្យដឹង៖ គ្រួសារខ្ញុំដាំឪឡឹកបាន៥ឆ្នាំហើយ ក្នុងមួយឆ្នាំដាំបានពី៤-៥រដូវ ពិសេសគឺរដូវតេតទីផ្សារតម្រូវការច្រើន បំផុតគឺឪឡឹកសម្រាប់ដាក់សែនដូច្នេះរដូវនេះខ្ញុំតែងម្ចាស់ការចុះពូជឪឡឹក ថែទាំបានម៉ត់ចត់ដើម្បីមានផ្លែធំមូលល្អនិងស្អាតប្រមូលផលចំពេលបុណ្យតេតអាចនឹងលក់បានថ្លៃ។
ក្នុងច្រើនឆ្នាំ្នកន្លង អាស្រ័យអនុវត្តបង្វែររចនាសម្ព័ន្ធដាំដុះ តាំងពីការធ្វើស្រែដីទួលគ្មានប្រសិទ្ធភាព ពូហ៊ុងបានបង្វែរមកដាំឪឡឹកជាដំណាំសមស្របជាមួយនឹងដីធ្លី អាកាសធាតុផងនិងតែងនាំមកនូវទិន្នផលខ្ពស់ផង។ អាស្រ័យហេតុនោះ ជីវភាពគ្រួសារពូពីមួយថ្ងៃកាន់តែរីកចម្រើន សង់បានផ្ទះស្អាតបាត ឈានឡើងធ្វើមាន។
 |
| បងស៊ើងតឹង នៅភូមិតាអង់អា១ ឃុំធ្វឹងហ៊ឹង ស្រុកមីទូកំពុងថែទាំចំការឪឡឹករបស់គ្រួសារ។ |
ក៏ដូចពូហ៊ុងដែរ បងស៊ើងតឹង នៅភូមិតាអង់អា១ ឃុំធ្វឹងហ៊ឹង ស្រុកមីទូក៏ពង្រីកសេដ្ឋកិច្ចពីការដាំឪឡឹកសម្រាប់ដាក់សែនដែរ ឆ្នាំនេះបងដាំបានចំនួន៤កុង។ តាមបងតឹងដាំឪឡឹកត្រូវតែថែទាំឱ្យបានម៉ត់ចត់ តាំងពីការព្រាចជី បាញ់ថ្នាំគឺត្រូវតាមការកំណត់ ពិសេស គឺចំពោះឪឡឹកសម្រាប់ដាក់សែន ពេលឪឡឹកចេញផ្លែត្រូវតែដើរកាត់ដៃឪឡឹកចេញខ្លះនិងដើរតម្រង់ផ្លែឱ្យឈរត្រង់ដើម្បីផ្លែឪឡឹកធំមូលល្អនិងស្អាតនិងពេលប្រមូលផលឈ្មួញនឹងចូលចិត្ត-បងតឹងបានឱ្យដឹងដូច្នេះ។
ពីការដាំឪឡឹកជុំឆ្នាំ ឪឡឹកដោយមានតម្លៃពី៩.០០០-១២.០០០/គ.ក ក្រោយពីផាត់ទាត់រួចរាល់បងតឹងរកបានប្រាក់ចំណូលពី២០-៣០លានដុង/រដូវ សព្វថ្ងៃជាប្រភពចំណូលចម្បងរបស់គ្រួសារបង។
បងលីថាញ់ហ៊ុង-ប្រធានសមាគមកសិករឃុំធ្វឹងហ៊ឹងបានឱ្យដឹង៖ ឱ្យតែដល់រដូវតេត មាមីងកសិករក្នុងឃុំធ្វឹងហ៊ឹងតែងមមាញឹកដាំបន្លែបង្ការដូច ឪឡឹក ស្ពៃក្តោប ស្ពៃផ្កា ខ្ទឹមស្លឹក។ល។ ដើម្បីលក់ក្នុងរដូវតេត។ អាស្រ័យបង្វែររចនាសម្ព័ន្ធផលិតកសិកម្ម តាមទិសពង្រីកសក្តានុភាពនៃតំបន់នីមួយៗ អនុវត្តវិទ្យាសាស្រ្តបច្ចេកទេស ចូលក្នុងការផលិតដែល កសិករនៅលើភូមិដ្ឋានឃុំដាំបន្លែសម្រេចប្រសិទ្ធភាពខ្ពស់។ ឆ្នាំនេះអាកាសធាតុអំណោយផល តម្លៃលំនឹង បុណ្យតេតឆ្នាំនេះប្រជាជនទទួលបានផលគ្រាន់បើ បង្កើនប្រាក់ចំណូលមានឱកាសទទួលបុណ្យតេតប្រកបដោយសុភមង្គល សុខដុមរមនា។
អាស្រ័យបង្វែររចនាសម្ព័ន្ធដាំដុះ ចិញ្ចឹមសត្វ មានទម្រង់ដាំដំណាំជាច្រើន ពិសេសទម្រង់ដាំឪឡឹកសម្រាប់លក់បុណ្យតេតបាននាំមកនូវប្រភពចំណូលលំនឹងដល់មាមីងកសិករលើភូមិដ្ឋានឃុំ។ ទន្ទឹមនោះប្រជាជនបង្វែរមកដាំបណ្តាប្រភេទដំណាំពីមួយថ្ងៃកាន់តែច្រើនរួមចំណែកបង្កភាពប្រៀបខ្លាំងក្នុងការផលិតកសិកម្មរបស់ភូមិភាគ៕
ហុងទើ-សុផល
Thông tin bạn đọc
Đóng Lưu thông tin