 |
| គ្រួសារបងស្រីត្រឹងធីសាវែន សមាជិកកសិករឃុំវៀងប៊ិញឈានឡើងលំនឹងជីវភាពអាស្រ័យប្រភពទុនបុលពីធនាគារគោលនយោបាយសង្គម។ |
តាមសមមិត្តឡឹមផល្លា-អនុប្រធានសមាគមកសិករឃុំវៀងប៊ិញឱ្យដឹង មកដល់សព្វថ្ងៃ សមាគមឃុំគ្រប់គ្រងក្រុមប្រិតសំចៃចំនួន៨ ដោយមានប្រជាជនបុលចំនួន៤០៧គ្រួសារ សរុបថវិកាជាង១២ពាន់លានដុង ទន្ទឹមនឹងនោះ សហការជាមួយមជ្ឈមណ្ឌលបង្រៀនរបរស្រុកបើក៦ថ្នាក់ ក្នុងនោះ មាន២ថ្នាក់ដាំស្រូវគុណភាពខ្ពស់ ២ថ្នាក់ត្បាញកន្រ្តកនិង២ថ្នាក់ចិញ្ចឹមគោស៊ីន។ អាស្រ័យការយកចិត្តទុកដាក់បង្កលក្ខណៈគ្រប់វិស័យម៉្លោះហើយជីវភាពរបស់សមាជិកជាជំហានបានលើកកម្ពស់។ គំរូដូចបងទឺភឿង បងស្រីត្រឹងធីសាវែន នៅភូមិដាវវៀង ឃុំវៀងប៊ិញជាគ្រួសារឈានឡើងចាកផុតក្រអាស្រ័យប្រភពទុនអាទិភាពពីធនាគារគោលនយោបាយ។ សំណេះសំណាលជាមួយយើងខ្ញុំ បងស្រីវែនបានឱ្យដឹង៖ ឆ្នាំ២០១៨ខ្ញុំបុលបាន៥០លានដុងទិញគោ១ក្បាលយកមកចិញ្ចឹម ក្រោយរយៈពេលចិញ្ចឹមដោយឃើញទម្រង់មានប្រសិទ្ធភាព ម៉្លោះហើយពេលគោកើតកូនខ្ញុំទុកចិញ្ចឹមបន្តទៀត។ ជាមួយការព្យាយាម ស៊ូទ្រាំលំបាករៀនសូត្ររបៀបចិញ្ចឹម ដូច្នេះ គោឆាប់ធំផ្តើមពីគោ១ក្បាលនិងលក់អស់ពីរលើក បច្ចុប្បន្ន គោរបស់បងនៅចំនួន៦ក្បាល។ បងស្រីសាវែនបានឱ្យដឹង៖ រាល់ឆ្នាំ គ្រួសារខ្ញុំរកបានប្រាក់ចំណូលចំនួន៤២លានដុងពីការចិញ្ចឹមគោនិង៩០លានដុងពីការធ្វើការឈ្នួលរបស់ប្តី ដូច្នេះទើបជីវភាពគ្រួសារខ្ញុំបានលំនឹង ឈានឡើងចាកផុតក្រ។ ចំណែកគ្រួសារបងលីស៊ូន នៅភូមិដាវវៀង ឃុំវៀងប៊ិញ ក៏ជាគ្រួសារប្រើទុនពីធនាគារគោលនយោបាយមានប្រសិទ្ធភាព។ ឆ្លងតាមការសំណេះសំណាលបានដឹង ឆ្នាំ២០១៥ បានសមាគមកសិករឃុំបង្កលក្ខណៈឱ្យបុលទុនពីធនាគារគោលនយោបាយចំនួន៥០លានដុង បងទិញគោចិញ្ចឹមដោយឃើញគោងាយចិញ្ចឹមហើយឆាប់ធំនិងលក់បានថ្លៃទៀត ដូច្នេះ គ្រួសារបងទុកចិញ្ចឹមរហូតមកដល់សព្វថ្ងៃ។ បងស៊ូនបានឱ្យដឹង៖ ក្នុងមួយលើក ខ្ញុំចិញ្ចឹម៤ក្បាលនិងលក់ដោយតម្លៃ៣០លានដុង/ក្បាល។ ដើម្បីរកបានប្រាក់ចំណូលបន្ថែមបងស៊ូនទិញត្រាក់ទ័រដាក់ធុងពីក្រោយសម្រាប់ដឹកជញ្ជូនកសិផលរបស់មាមីងក្នុងភូមិរាល់ខែអាចរកបានប្រហែល៨លានដុង។ អាស្រ័យឧស្សាហ៍ពលកម្មផលិត ប្រើចាយប្រិតសំចៃឆ្នាំ២០២១ គ្រួសារបងស៊ូនសង់បានផ្ទះមួយខ្នងតម្លៃ៣០០លានដុង។
សមមិត្តឡឹមផល្លា-អនុប្រធានសមាគមកសិករឃុំវៀងប៊ិញឱ្យដឹងបន្ថែម៖
ដើម្បីពង្រីកលទ្ធផលដែលសម្រេចបាន ពេលខាងមុខសមាគមកសិករឃុំនឹងបន្តជម្រុញការងារផ្សព្វផ្សាយ លើកទឹកចិត្តស្មារតីបង្កើតអាជីព។ សហការបណ្តាស្ថាប័នជំនាញជម្រុញការងារបង្រៀនរបរ បើកថ្នាក់ហ្វឹកហាត់វិទ្យសាស្រ្តបច្ចេកទេសពីការដាំដុះ ចិញ្ចឹមសត្វ ដើម្បីសមាជិកលើកកម្ពស់ចំណេះដឹង ជំនួយសមាជិកក្រ ក្បែរក្រទទួលបណ្តាប្រភពទុនបុលអាទិភាព សម្រាប់អភិវឌ្ឍសេដ្ឋកិច្ច បើកទូលាយទម្រង់មានប្រសិទ្ធភាពជួយឱ្យសមាជិកបង្កើនប្រាក់ចំណូលលំនឹងជីវភាព៕
ថាញ់វ៉ាង
Thông tin bạn đọc
Đóng Lưu thông tin