 |
| បងស្រីសាផនកំពុងថែទាំគោរបស់គ្រួសារ។ |
មុននេះ គ្រួសារបងស្រីសុខធីមីលេ សមាជិកាសាខាសមាគមនារីភូមិភូឌឹក ឃុំឡុងភូ ស្រុកឡុងភូ ជាគ្រួសារក្រគ្មានដីផលិត ម៉្លោះហើយទើបជីវភាពមានភាពខ្វះខាត។ អាស្រ័យទទួលបានពីប្រភពទុនបុលអាទិភាពរបស់ធនាគារគោលនយោបាយសង្គម មួយលើក៣០លានដុង មួយលើក៥០លានដុងនិងឆ្នាំទៅមិញគ្រួសារបងស្រីលេបុលបាន១០០លានដុងដើម្បីវិនិយោគការផលិត ធ្វើអាជីវកម្ម ដោះស្រាយការងារធ្វើ បងស្រីលេបានជម្រើសទម្រង់ដាំឈូក គួបផ្សំនឹងចិញ្ចឹមគោដើម្បីពង្រីកសេដ្ឋកិច្ចគ្រួសារ។ ក្រោយមួយរយៈប្រឹងប្រែងព្រមទាំងការជំនួយលើកទឹកចិត្តរបស់សមាគមនារីនៅភូមិភាគ បងស្រីទទួលលទ្ធផលបានគ្រាន់បើ។ សព្វថ្ងៃ បងស្រីលេមានគោមេ២ក្បាលនិងគោសាច់៣ក្បាល។ ដោយឡែកទម្រង់ដាំឈូកបងស្រីបានជួលដីគេចំនួន១០កុងសម្រាប់ដាំហើយចែកជា២លើក សម្រាប់ដាំឆ្លាស់គ្នាដើម្បីប្រមូលបានជុំឆ្នាំនិងបណ្តុះពូជឈូកសម្រាប់ដាំរដូវបន្ទាប់។ គម្លាត៣ថ្ងៃគឺប្រមូលផលម្តង ក្នុងមួយលើកអាចប្រមូលផលមើមឈូកបានពី២៥-៤០គីឡូក្រាម ឈ្មួញមកទិញដល់កន្លែងដោយតម្លៃពី២២.០០០ដុង/គីឡូក្រាមឡើងទៅ មានពេលខ្លះមើមឈូកមានតម្លៃពី៦០.០០០ដុង-៨០.០០០ដុង/គីឡូក្រាម និងប្រាក់ចំណូលនេះជួយឱ្យជីវភាពគ្រួសារខ្ញុំបានធូរធារ បងស្រីលេបានឱ្យដឹងដូច្នោះ។
គ្រួសារបងស្រីថាច់ធីសាផន មុននេះជាគ្រួសារក្រគ្មានឧបករណ៍ផលិត។ ដោយពិនិត្យឃើញជីវភាពគ្រួសារជួបការលំបាក ប៉ុន្តែឧស្សាហ៍ធ្វើការបង្កបង្កើនផលនិងចង់ឈានឡើងចាកផុតក្រ បងស្រីផនបានសាខាសមាគមនារីភូមិឧទ្ទេសនាមឱ្យបុលទុនពីធនាគារគោលនយោបាយសង្គមស្រុកចំនួន៤០លានដុងដើម្បីចិញ្ចឹមគោនិងលោះដី២កុងដែលបញ្ចាំពីមុន។ សព្វថ្ងៃ គ្រួសារបងស្រីផនមានគោចំនួន១០ក្បាល ក្នុងនោះគោមេចំនួន៥ក្បាល។ រាល់ថ្ងៃបងស្រីកាត់ស្មៅនិងសម្អាតទ្រុងគោ ឯចម្ការ២កុងដាំឆ្លាស់គ្នាបន្លែគ្រប់ប្រភេទដើម្បីរកប្រាក់ចំណូលបន្ថែម ចុងឆ្នាំលក់គោពី២-៣ក្បាលសម្រាប់ផ្គត់ផ្គង់ជីវភាពគ្រួសារ ចាប់ពីចិញ្ចឹមគោមកដល់សព្វថ្ងៃជីវភាពគ្រួសារបងស្រីមានភាពធូរធារគ្រាន់បើ។ បងស្រីសាផនឱ្យដឹង៖ អាស្រ័យបានជំនួយទុន ទើបខ្ញុំមានលក្ខណៈពង្រីកសេដ្ឋកិច្ច ឈានឡើងចាកផុតក្រ។ ក្រៅពីការងារថែទាំគោ ដាំចម្ការ ខ្ញុំនៅទាំងចូលរួមបណ្តាការងាររបស់សាខាសមាគមដូច ដាំផ្កានិងការចលនាដទៃទៀតអាស្រ័យឃុំបំផុសចលនា។ បងស្រីង្វៀងធីហុងដាង-ប្រធានសមាគមនារីឃុំឡុងភូឱ្យដឹង៖ ដើម្បីអនុវត្តល្អដោះស្រាយការងារធ្វើបន្ថយក្រដោយចីរភាពរួមចំណែកធានាសុខុមាលភាពសង្គម យើងខ្ញុំយកចិត្តទុកដាក់ពិនិត្យត្រូវមុខសញ្ញាសម្រាប់ជំនួយទុនបុលនិងគ្រប់គ្រងបានល្អប្រភពទុនបុល។ អាស្រ័យហេតុនោះ បណ្តាគ្រួសារបុលទុនសុទ្ធតែប្រើប្រាស់ទុនចំទិសដៅ ម្ចាស់ការបង្កការងារធ្វើជាជំហានលំនឹងជីវភាព។
ការផ្សព្វផ្សាយទាន់ពេលប្រភពទុនបុលពីធនាគារគោលនយោបាយបានរួមចំណែកយ៉ាងសំខាន់ដោះស្រាយការខ្វះទុនវិនិយោគដើម្បីអភិវឌ្ឍការផលិតនៃគ្រួសារទាំងឡាយ។ នេះជាទុនបុលជំនួយកម្លាំងដល់គ្រួសារក្រ ក្បែរក្រមានលក្ខណៈឈានឡើង អភិវឌ្ឍសេដ្ឋកិច្ចលំនឹងជីវភាពគ្រួសារ៕
ចន្ថា
Thông tin bạn đọc
Đóng Lưu thông tin