 |
| ពូថាច់យ៉ឹងគំរូឆ្នើមពីអ្នកវ័យចាស់ធ្វើសេដ្ឋកិច្ចពូកែនៅឃុំធ្វឹងហ៊ឹង ស្រុកមីទូ (សុកត្រាំង) |
ទោះបីអាយុ៦០ឆ្នាំប្លាយ ប៉ុន្តែពូថាច់យ៉ឹងនៅតែពង្រីកស្មារតី “អាយុច្រើន-គំរូភ្លឺស្វាង”។ ប៉ុន្មាន ឆ្នាំកន្លង ពូតែងធ្វើគំរូក្នុងការអភិវឌ្ឍសេដ្ឋកិច្ចក៏ដូចជាការចូលរួមបណ្តាសកម្មភាពនៅភូមិភាគ។ សំណេះសំណាលជាមួយយើងខ្ញុំពូយ៉ឹងឱ្យដឹង៖ ខ្ញុំបង្កើតរបរដំបូងដោយមានដីស្រែ៧កុង ពេលនោះដោយមិនទាន់មានបទពិសោធន៍ មិនទាន់ចេះអនុវត្តវិទ្យាសាស្រ្តបច្ចេកទេសចូលក្នុងការផលិត ម៉្លោះហើយប្រសិទ្ធភាពមិនខ្ពស់។ ក្នុងប៉ុន្មានឆ្នាំជិតៗនេះ ខ្ញុំបានស្វែងយល់បណ្តារបៀបធ្វើល្អៗមានប្រសិទ្ធភាពតាមរយៈកាសែត វិទ្យុ ទូរទស្សន៍ ដើម្បីរៀនសូត្របណ្តាទម្រង់ថ្មីសមស្របជាមួយលក្ខណៈដីធ្លីរបស់ភូមិភាគ ដើម្បីអនុវត្តបណ្តាវិធានការថែទាំបង្ការជំងឺសម្រេចប្រសិទ្ធភាព។ តាមនោះ ពូអនុវត្តសម្រេចជោគជ័យក្នុងការធ្វើស្រែរបស់គ្រួសារ ម៉្លោះហើយប៉ុន្មានឆ្នាំជិតៗនេះ ជីវភាពគ្រួសារពូបានធូរធារ រាល់ឆ្នាំពូទិញបានដីស្រែពី១០-២០កុង សព្វថ្ងៃពូធ្វើស្រែផងនិងចិញ្ចឹមគោផង។ ពូយ៉ឹងឱ្យដឹង៖ ក្រៅពីធ្វើស្រែ ខ្ញុំនៅទាំងចិញ្ចឹមគោចំនួន៥៦ក្បាល ក្នុងនោះគោស៊ីនចំនួន៣៤ក្បាលនិងគោទឹកដោះ២២ក្បាល ក្នុងនោះមាន៧ក្បាលកំពុងផ្តល់ទឹកដោះ រាល់ថ្ងៃទទួលបានទឹកដោះចំនួន៨០គីឡូក្រាមដោយតម្លៃពី១៣.៥០០-១៥.០០០ដុង/គីឡូក្រាម។ ដើម្បីការផលិតសម្រេចបានប្រសិទ្ធភាពខ្ពស់ ពូវិនិយោគទិញបន្ថែមម៉ាស៊ីនមូរចម្បើង២គ្រឿងទៀត ឆ្លៀតយកចម្បើងក្នុងវាលស្រែសម្រាប់ធ្វើចំណីឱ្យគោ។ អាស្រ័យហេតុ នោះជួយទម្រង់សេដ្ឋកិច្ចគ្រួសារកាន់តែចីរភាពនិងប្រសិទ្ធភាព។ មកដល់សព្វថ្ងៃពូថាច់យ៉ឹងមានដីស្រែចំនួន២៥ហិកតានិងម៉ាស៊ីនមូរចម្បើង២គ្រឿង។ ចាប់ពីទម្រង់ផលិតស្រូវគួបផ្សំនឹងទម្រង់ចិញ្ចឹមគោស៊ីននិងគោទឹកដោះ រាល់ឆ្នាំគ្រួសារពូរកបានប្រាក់ចំណូលជាង១ពាន់លានដុង ទន្ទឹមនោះ ដោះស្រាយការងារធ្វើឱ្យពលករនៅភូមិភាគរាប់សិបនាក់តាមរដូវកាល។ ពូយ៉ឹងបានឱ្យដឹងដូច្នេះ។
មិនត្រឹមតែធ្វើសេដ្ឋកិច្ចពូកែប៉ុណ្ណោះទេ ក្នុងជីវភាពប្រចាំថ្ងៃ ពូនៅទាំងជាគំរូឆ្នើមក្នុងការងារសុខុមាលភាពសង្គមនៅភូមិភាគ ពូបានគប់វាល់ក្នុងការចលនាអាស្រ័យភូមិភាគ អង្គការមហាជនបំផុសចលនា ជំនួយកសាងបណ្តាសំណង់សាធារណៈនៅភូមិភាគ ជាក់ស្តែង ដំណាក់កាលឆ្នាំ២០១៨-២០២៣ ពូបានជូនថវិកានិងទេយ្យវត្ថុសម្រាប់ជំនួយដល់អ្នកអនាថា អ្នកវ័យចាស់មានជីវភាពជួបការលំបាកក្នុងបណ្តាថ្ងៃបុណ្យទាន តេតជាមួយទឹកប្រាក់៦០លានដុង ជំនួយ២០លានដុងនិងកម្លាំងពលកម្មសម្រាប់កសាងស្ពានជនបទចំនួន៣ ចលនាមាមីងដាំផ្កាតាមដងផ្លូវ ធ្វើរបង បង្គោលទង់។ល។ ទង្វើជាក់ស្តែងរបស់ពូថាច់យ៉ឹងបានរួមចំណែកយ៉ាងសកម្មក្នុងសម្រេចលក្ខឋានគមនាគមន៍ ធ្វើឱ្យតិដ្ឋភាពជនបទមួយថ្ងៃកាន់តែអភិវឌ្ឍន៍។
វាយតម្លៃពីពូថាច់យ៉ឹង សមមិត្តឡឹមស្វឹង-ប្រធានគណៈតំណាងសមាគមអ្នកវ័យចាស់ឃុំធ្វឹងហ៊ឹងឱ្យដឹង៖ មិនត្រឹមតែធ្វើមានឱ្យគ្រួសារ បងយ៉ឹងនៅទាំងជំនួយដល់សមាជិកដើម្បីអភិវឌ្ឍសេដ្ឋកិច្ចចែករំលែកបទពិសោធន៍ក្នុងការផលិត ដើម្បីរួមគ្នាឈានឡើងធ្វើមានដោយស្របច្បាប់។ បងនៅទាំងគប់វាល់ទឹកប្រាក់និងកម្លាំងពលកម្មសម្រាប់កសាងសំណង់សាធារណៈចូលរួមបណ្តាសកម្មភាពសប្បុរសសង្គម បង្កភាពសាយភាយស្មារតីជួយគ្នាក្នុងសហគមន៍ រួមចំណែកក្នុងការបំបាត់អត់បន្ថយក្រអភិវឌ្ឍសេដ្ឋកិច្ចនៅភូមិភាគ៕
ថាញ់វ៉ាង
Thông tin bạn đọc
Đóng Lưu thông tin