 |
| ទម្រង់ចិញ្ចឹមគោរបស់គ្រួសារពូលីវវ៉ាំងយេន នៅភូមិដាវវៀង ឃុំវៀងប៊ិញ ស្រុកត្រឹងដេ (សុកត្រាំង) |
មកជួបគ្រួសារពូលីវវ៉ាំងយេន នៅភូមិដាវវៀង ឃុំវៀងប៊ិញជាគ្រួសារឈានឡើងចាកផុតក្រអាស្រ័យទម្រង់ចិញ្ចឹមគោនិងជ្រូក។ នាំយើងខ្ញុំទស្សនាទម្រង់របស់គ្រួសារ ពូយេនបានឱ្យដឹង៖ កាលពីមុន គ្រួសារខ្ញុំធ្វើស្រែ ឆ្នាំ២០១៦ ដោយឃើញទម្រង់ចិញ្ចឹមគោសាច់របស់មាមីងនៅភូមិភាគនាំមកនូវប្រសិទ្ធភាពទើបខ្ញុំពិគ្រោះជាមួយគ្រួសារនិងសម្រេចចិត្តទិញគោពូជ២ក្បាលដើម្បីពង្រីកសេ្ឋកិច្ច។ ក្រោយពីមួយឆ្នាំព្យាយាមថែទាំបានល្អទើបគោឆាប់ធំនិងកើតកូនគោដំបូង។ ដោយឃើញមានប្រសិទ្ធភាព ចំណាយតិច ថែទាំតិច ដូច្នេះ ឆ្នាំ២០១៨ ខ្ញុំបុលបាន៦០លានដុងពីធនាគារគោលនយោបាយសង្គមស្រុកដើម្បីទិញគោចិញ្ចឹមបន្ថែម។ អាស្រ័យចេះធ្វើការបង្កបង្កើនផល រៀនសូត្ររបៀបថែទាំ ម៉្លោះហើយ គោឆាប់ធំ ក្នុងមួយឆ្នាំកើតបានពី៣-៤ក្បាល អស់រយៈកាលលក់ច្រើនលើកសព្វថ្ងៃនៅចំនួន១០ក្បាល។ ពូយេនបានឱ្យដឹង៖ ដើម្បីបង្កើនចំណូលឆ្នាំ២០១៩ ពូទិញជ្រូកមេ២ក្បាលមកចិញ្ចឹម ក្នុងមួយឆ្នាំកើតបាន២លើក មួយលើកបានពី៩-១០ក្បាលនិងចិញ្ចឹមប្រហែល៤ខែអាចនឹងលក់បានដោយទម្ងន់១០០គីឡូក្រាម/ក្បាល តម្លៃលក់ពី៥៥.០០០-៦០.០០០ដុង/គីឡូក្រាម។ ជាមួយប្រភពចំណូល១០០លានដុងពីការលក់ជ្រូកនិង៥០លានដុងពីការលក់គោ ជួយឱ្យគ្រួសារពូបានលំនឹងនិងឈានឡើងធូរធារ។ ចំណែកគ្រួសារបងស្រីយឿងថាញ់ធ្វី នៅភូមិតាអ៊ុងជាគ្រួសារឈានឡើងធូរធារពីទម្រង់ចិញ្ចឹមជ្រូក។ បានដឹង ឆ្នាំ១៩៩៦ បងស្រីមានគ្រួសារនៅដោយឡែកដោយបាតដៃទទេ ប្រភពចំណូលពឹងលើរបរកាត់ដេរ។ ឆ្នាំ២០០៦ ដោយបានសមាគមកសិករឃុំបង្កលក្ខណៈឱ្យបុលទុនពីធនាគារគោលនយោបាយសង្គមស្រុកបាន៣០លានដុង បងស្រីទិញជ្រូកមកចិញ្ចឹម។ បងធ្វីឱ្យដឹង៖ ដំបូងដោយមិនទាន់មានបទពិសោធន៍ដូច្នេះ ខ្ញុំចិញ្ចឹមជ្រូកមេបានត្រឹមតែ២ក្បាល ក្រោយមកដោយស្វែងយល់ពីរបៀបចិញ្ចឹមទម្រង់បាននាំមកនូវប្រសិទ្ធភាពនិងពង្រីកការចិញ្ចឹម។ សព្វថ្ងៃ នៅក្នុងទ្រុងមានជ្រូកមេ៩ក្បាលនិងជ្រូកសាច់៦០ក្បាល។ តាមបងធ្វីក្នុងមួយឆ្នាំជ្រូកកើតបាន២លើក កើតមួយលើកពី៨-១០ក្បាលនិងចិញ្ចឹមប្រហែល៤ខែអាចនឹងលក់បាន ដោយទម្ងន់១០០គីឡូក្រាម/ក្បាល តម្លៃលក់ពី៥៥.០០០-៦០.០០០ដុង/គីឡូក្រាម។ ចិញ្ចឹមជ្រូកតែងនាំមកនូវប្រាក់ចំណូលឱ្យគ្រួសារបងធ្វីជាង២០០លានដុង/ឆ្នាំ តាមនោះ សេដ្ឋកិច្ចគ្រួសារបានកែលម្អនិងមានប្រាក់គិតអានឱ្យកូនរៀនសូត្រ។
ជាមួយការខិតខំពលកម្មផលិតដោយទម្រង់ផលិតមានប្រសិទ្ធភាពរបស់គ្រួសារពូលីវវ៉ាំងយេននិងគ្រួសារបងស្រីយឿងថាញ់ធ្វីជាដំណោះស្រាយលើកកម្ពស់ប្រសិទ្ធភាពសេដ្ឋកិច្ចគ្រួសារ រួមចំណែកជំរុញការអភិវឌ្ឍសេដ្ឋកិច្ចរបស់ភូមិភាគ។ សព្វថ្ងៃ មានគ្រួសារជាច្រើននៅលើភូមិដ្ឋានឃុំបានរៀនសូត្រនិងអភិវឌ្ឍទម្រង់ចិញ្ចឹមគោនិងជ្រូកដើម្បីបង្កើនប្រាក់ចំណូលឈានឡើងធ្វើមាននៅភូមិស្រុក បងស៊ើងសាលា-ប្រធានសមាគមកសិករឃុំវៀងប៊ិញបានឱ្យដឹងដូច្នេះ៕
ថាញ់វ៉ាង-សុផល
Thông tin bạn đọc
Đóng Lưu thông tin