តាមរបាយការណ៍លទ្ធផលអនុវត្តកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិចនិងតំបន់ភ្នំដំណាក់កាល១(២០២១-២០២៥) លើភូមិដ្ឋានឃុំតាយវ៉ាំង ផែនការបែងប្រភពទុនដើម្បីអនុវត្តគម្រោង“អភិរក្ស ពង្រីកតម្លៃវប្បធម៌ប្រពៃណីរបស់បណ្តាជនជាតិភាគតិចផ្សារភ្ជាប់អភិវឌ្ឍទេសចរណ៍” គឺជាង២ពាន់លានដុង។ អាស្រ័យហេតុនោះ ក្លឹបរបាំនៅឃុំតាយវ៉ាំងតែងយកចិត្តទុកដាក់វិនិយោគ ពីឆាក សំលៀកបំពាក់ ឧបករណ៍ភ្លេង ពន្លឺ។ល។ តែងបានវិនិយោគសព្វគ្រប់ដើម្បីធានាក្លឹបសកម្មភាពសម្រេចប្រសិទ្ធភាព។
ទោះបីក្លឹបទើបតែបង្កើតកាលឆ្នាំ២០២៣ ប៉ុន្តែមានសកម្មភាពជាច្រើនជាក់ស្តែងរួមចំណែកអភិរក្សនិងពង្រីកអត្តសញ្ញាណវប្បធម៌ជនរួមជាតិខ្មែរនៅភូមិភាគ។ សកម្មភាពជាប្រចាំ ក្លឹបបានរៀបចំការហ្វឹកហាត់របាំ។ អាស្រ័យក្លឹបមានភាពងាយស្រួលភាគច្រើនគឺសមាជិកចូលរួមសុទ្ធតែជាយុវវ័យដូច្នេះការបង្ហាត់របាំមានភាពងាយស្រួលនិងឆាប់រហ័ស។
 |
| ក្លឹបរបាំចូលរួមជំនួបមុខអំណរបុណ្យចូលឆ្នាំថ្មី។ |
ប្អូនហ្វិញហុងគុក- អនុប្រធានក្លឹប នៅភូមិតាយកុង ឃុំតាយវ៉ាំង មិនត្រឹមដាស់ស្មារតីការជក់ចិត្តជាមួយចង្វាក់រាំ ស្នេហាជាមួយវប្បធម៌ប្រពៃណីប្អូនគុកនៅទាំងជួយប្អូនៗជំនាន់ក្រោយយល់ច្បាស់ពីតួនាទីរបស់ខ្លួនក្នុងការអភិរក្ស ពង្រីកអត្តសញ្ញាណវប្បធម៌របស់ជនជាតិ។ ប្អូនគុកបានឱ្យដឹង៖ ក្លឹបរបាំនៅឃុំតាយវ៉ាំងមានសមាជិកចំនួន២០រូប បានចែកជា៤ក្រុម គឺក្រុមរាំរបាំឈូឆាយ ក្រុមរាំយក្ស ក្រុមរាំស្វា ក្រុមភ្លេង។ ដោយការជក់អារម្មណ៍ ស្មារតីស្នេហាវប្បធម៌ជនជាតិនៃសមាជិកក្នុងក្រុមមិនខ្លាចហត់នឿយ សកម្មចូលរួមសម្តែង ហ្វឹកហាត់ជានិច្ចកាល។
ក្រោយពីសម្រេចការងាររៀនសូត្រក៏ដូចជាការងារគ្រួសារ បណ្តាសមាជិកក្នុងក្រុមតែងទៅសាលាទាន ឃុំតាយវ៉ាំងដើម្បីហ្វឹកហាត់។ក្នុងបណ្តាពិធីបុណ្យប្រពៃណីរបស់ជនជាតិដូចបុណ្យចូលឆ្នាំ សែនដូនតា អកអំបុក កឋិនទាន ប្អូនៗតែងបានចូលរួមហ្វឹកហាត់ដើម្បីសម្រេចភារៈរបស់ខ្លួន។ ប្អូនឡឹមធីបៃយីវ លេខាសាខាសម្ព័ន្ធយុវជនភូមិព្រែកដូង ជាសមាជិកក្លឹបរីករាយឱ្យដឹង៖ ប្អូនរីករាយណាស់ពេលបានរួមចំណែកក្នុងការអភិរក្សនិងពង្រីកអត្តសញ្ញាណវប្បធម៌ជនជាតិ រាល់ថ្ងៃប្អូនតែងចូលរួមហ្វឹកហាត់គ្មានខានតាមការណែនាំរបស់អ្នកគ្រូ។
 |
| ក្លឹបចូលរួមដោះដូរសិល្បៈជាមួយមហាវិទ្យាល័យកឹងធើ។ |
ក្រៅពីចូលរួមរាំរបាំសម្រាប់ពិធីបុណ្យទានក្នុងវត្ត ពេលឃុំ ស្រុកចាត់តាំងព្រឹត្តិការណ៍ឬសកម្មភាពអ្វីមួយតែងអញ្ជើញក្លឹបបានសមាជិកក្នុងក្លឹបចូលរួមជានិច្ច។ ក្នុងនោះមានព្រឹត្តិការណ៍ដូច មហាសន្និបាត ជំនួបមុខ តាំងពិព័រណ៍ ផ្សាយពាណិជ្ជកម្មផលិតផល OCOPនិងចូលរួមដោះដូរសិល្បៈជាមួយបណ្តាសាលាមហាវិទ្យាល័យតាមកិច្ចចង្អុលការរបស់ថ្នាក់លើ។ តាមនោះ បានរួមចំណែកអភិរក្ស ពង្រីកនិងផ្សព្វផ្សាយបេតិកភណ្ឌវប្បធម៌អរូបីរបស់ជនជាតិដល់ភ្ញៀវទេសចរជិតឆ្ងាយ ឧទ្ទេសនាមចង្វាក់រាំរបាំទុកដូចនេះជាធនធានទេសចរណ៍ដែលមានភាពជក់អារម្មណ៍ខ្លាំង ជាកម្លាំងលើកទឹកចិត្តដើម្បីទាក់ទាញភ្ញៀវទេសចរបានមកទស្សនាកម្សាន្ត។
លោកថាច់ក្វុកថាយ-ប្រធានគណៈកម្មាធិការប្រជាជនឃុំតាយវ៉ាំងបានឱ្យដឹង៖ ដោយការស្របមតិរដ្ឋអំណាចគ្រប់ថ្នាក់ ឃុំតាយវ៉ាំងបានបង្កើតក្លឹបរបាំដើម្បីអភិរក្សនិងពង្រីកអត្តសញ្ញាណវប្បធម៌ជនជាតិ ទន្ទឹមនោះ បានបង្កលក្ខណៈដើម្បីសមាជិកមានឱកាសកម្សាន្តក្រោយពីការរៀនសូត្រ ពលកម្មហត់នឿយ។ ក្លឹបនេះមានអត្ថន័យយ៉ាងសំខាន់ក្នុងការអនុវត្តប្រសិទ្ធភាពគម្រោង“អភិរក្សនិងពង្រីកតម្លៃវប្បធម៌ប្រពៃណីល្អប្រសើររបស់បណ្តាជនជាតិភាគតិចផ្សារភ្ជាប់នឹងអភិឌ្ឍទេសចរណ៍” ចាប់ពីមានក្លឹបរាំរបាំ ឃុំតាយវ៉ាំងបានសម្រេចបទដ្ឋាន OCOP ផ្កាយ៣បានរួមចំណែកយ៉ាងធំធេងក្នុងការងារសម្រេចលក្ខឋានជនបទថ្មីរបស់ឃុំ៕
ហុងទើ-សុផល
Thông tin bạn đọc
Đóng Lưu thông tin