រាល់ពេលមកឡុងឌឹក យើងខ្ញុំមានអារម្មណ៍ថានៅទីនេះមានការផ្លាស់ប្តូរជារៀងរាល់ថ្ងៃ។ បណ្តាដងផ្លូវចូលភូមិមិនត្រឹមតែជាផ្លូវចាក់កៅស៊ូប៉ុណ្ណោះទេ នៅទាំងសងខាងផ្លូវក៏មានលម្អដោយបៃតង ផ្កាចម្រុះពណ៌។ អនុវត្តកម្មវិធីទិសដៅជាតិកសាងជនបទថ្មី ប្រព័ន្ធហេដ្ឋារចនាសម្ព័ន្ធនៅឡុងឌឹកមានភាពសុក្រឹត។ បណ្តាផ្លូវជនបទ ប្រព័ន្ធបណ្តាញអគ្គិសនីជាតិ អុជបំភ្លឺ សាលារៀន ដំណាក់សុខាភិបាលបានវិនិយោគកសាងកែលម្អក្នុងប៉ុន្មានឆ្នាំកន្លង ដើម្បីបំពេញតម្រូវការជាមូលដ្ឋានរបស់ប្រជាជនក្នុងឃុំ។ អាចនិយាយបានថា តំបន់ជនបទថ្មីពិតជាមាននៅទីនេះ។ ការកសាងឃុំសម្រេចបទដ្ឋានឃុំវប្បធម៌ជនបទថ្មី គឺជាគោលនយោបាយស្របមតិប្រជាជន ដូច្នេះ ប្រជាជនក្នុងភូមិភាគស្របមតិសាទរ លេចធ្លោគឺឆ្លងតាមចលនា “ទូទាំងប្រជាជនសាមគ្គីកសាងជីវភាពវប្បធម៌”។ លោកផាងវ៉ាំងញ៉ា-ប្រធានគណៈកម្មាធិការប្រជាជនឃុំឡុងឌឹក ឱ្យដឹង៖ ក្នុងការចលនានេះ យើងខ្ញុំសង្កត់លើការងារកសាងគ្រួសារវប្បធម៌ ភូមិវប្បធម៌និងឃុំវប្បធម៌ជនបទថ្មី ទន្ទឹមនឹងនោះ ប្រមូលផ្តុំទូទាំងប្រព័ន្ធនយោបាយផ្តោតលើការអនុវត្តចលនា”។ អនុវត្តរាល់ខ្លឹមសារ រៀងរាល់ឆ្នាំ ភូមិភាគបំផុសចលនាគ្រួសារចុះឈ្មោះកសាងគ្រួសារវប្បធម៌ មាន២.២៨៦គ្រួសារដែលសម្រេចលក្ខឋានគ្រួសារវប្បធម៌ជនបទថ្មី ស្រូបអត្រា៩៥,៣៣% មាន៥/៥ភូមិបានទទួលស្គាល់ជាភូមិវប្បធម៌ជនបទថ្មី សម្រេច១០០%។ ជាង៩០%គ្រួសារមានរបងបៃតង បរិវេណផ្ទះនៅសម្រេច បៃតង-ស្អាត។ ពីការកសាងបែបបទវប្បធម៌ៈ អគារវប្បធម៌ឃុំឡុងឌឹក បានកសាងសម្រេចនិងដាក់ឱ្យដំណើរការប្រកបដោយស្ថិរភាព ទន្ទឹមនឹងនោះ ក៏រក្សាបាននូវសកម្មភាពវប្បធម៌ សិល្បៈ កីឡាជាប្រចាំ ៥/៥ភូមិតែងមានអគារវប្បធម៌។
 |
| ភូមិទាំងអស់ក្នុងឃុំឡុងឌឹក បានទទួលស្គាល់សម្រេចលក្ខឋានជាភូមិវប្បធម៌ជនបទថ្មី។ |
អំពីការកសាងនិងអនុវត្តល្អផ្នត់រស់នៅអរិយធម៌ បរិស្ថានវប្បធម៌ជនបទ។ បច្ចុប្បន្ន ឡុងឌឹក មាន៥ក្រុមចលនាប្រមូលសម្រាម ការងារអនាម័យបរិស្ថានបានធានាមួយជំហានម្តងៗ ភូមិទាំងអស់តែងមានខ្លោងទ្វារ បដាផ្សព្វផ្សាយអំពីការកសាងជីវភាពវប្បធម៌ដែលផ្សារភ្ជាប់ជាមួយនឹងការកសាងជនបទថ្មី ការបង្ការ ទប់ស្កាត់បទលើ្មស សន្តិសុខសណ្តាប់ធ្នាប់បានរក្សារឹងមាំ ស្ថិរភាព។ សំណេះសំណាលជាមួយយើងខ្ញុំ មីងង្វៀងធីថឹម នៅភូមិ អាងហ៊ឹង ឃុំឡុងឌឹកចែករំលែក៖ កាលពីមុន អ្នករាល់គ្នាយកសម្រាមដាក់ក្នុងថង់នីឡុង ហើយបោះចោលទៅក្នុងព្រែកប្រឡាយមុខផ្ទះឬទុកចោល សម្រាមនៅតាមដងផ្លូវជនបទ បង្កឱ្យកខ្វក់បរិស្ថាន។ ពេលមានក្រុមប្រមូលសម្រាមប្រជាជនមានការយល់ដឹងយកសម្រាមទៅដាក់ក្នុងធុងសម្រាម ២ថ្ងៃមានឡានមកដឹកយកទៅកន្លែងចាក់សម្រាម បរិស្ថានរស់នៅរបស់ប្រជាជននៅជនបទបានធានា។ លោកត្រឹងវ៉ាំងឃឿង-ប្រធានគណៈការងាររណសិរ្សភូមិអាងហ៊ឹង ឃុំឡុងឌឹក ឱ្យដឹង៖ កសាងគ្រួសារវប្បធម៌ជនបទថ្មី គឺជាការធ្វើល្អដែលធ្លាប់មាននិងកំពុងមានស្រាប់ ធ្វើឱ្យចលនាដើម្បីកាន់តែស៊ីជម្រៅ ជំរុញស្មារតី ការភ្ញាក់រលឹកចូលរួមរបស់ប្រជាជន។ នេះគឺជាដំណើរការរយៈពេលវែង ផ្តើមចេញពីការយល់ដឹងផ្ទាល់ខ្លួន ទន្ទឹមនឹងនោះ ដោយមានការយកចិត្តទុកដាក់របស់ផ្នែក អង្គការមហាជន សំដៅលើផលប្រយោជន៍របស់គ្រួសារនីមួយៗជាមួយនឹងអត្ថប្រយោជន៍សហគមន៍ អត្ថប្រយោជន៍សង្គម ការប្តេជ្ញាជាឯកច្ឆ័ន្ទនោះ នឹងជួយឱ្យចលនាគ្រួសារវប្បធម៌កាន់តែអនុវត្តជាក់ស្តែងនិងមានប្រសិទ្ធភាព។ លោកផាងវ៉ាំងញ៉ា ចែករំលែកបន្ថែម៖ បណ្តាសមិទ្ធផលដែលឃុំសម្រេចបាន គឺជាលទ្ធផលនៃការសាមគ្គី ការប្តេជ្ញារបស់បក្ខភាគ រដ្ឋអំណាចនិងប្រជាជន។ ការឯកភាពនោះ គឺជាមូលដ្ឋានគ្រឹះដែលជួយចលនាកសាងជីវភាពវប្បធម៌និងអភិវឌ្ឍសេដ្ឋកិច្ចកាន់តែប្រសិទ្ធភាព។
 |
| ផ្លូវជនបទនៅឃុំឡុងឌឹក បានចាក់កៅស៊ូនិងសម្រេចបាននូវលក្ខឋានភ្លឺ-បៃតង-ស្អាតនិងសុវត្ថិភាព។ |
ជាមួយនឹងសមិទ្ធផលលេចធ្លោនាពេលកន្លង ឡុងឌឹក កាន់តែខិតជិតដល់ទិសដៅ ក្លាយជា “ឃុំសម្រេចលក្ខឋានវប្បធម៌ជនបទថ្មី”។ ភូមិភាគកំពុងខិតខំប្រឹងប្រែងឥតឈប់ឈរ ដើម្បីសម្រេចលក្ខឋានពីការកសាងឃុំជនបទថ្មីលើកកម្ពស់និងជនបទថ្មីគំរូ៕
ចន្ថា
Thông tin bạn đọc
Đóng Lưu thông tin