មាន៦០ក្រុមចាប់ឆ្នោតចូលរួមប្រណាំងទូកង តំបន់វាលរាបទន្លេគឺវឡុង

15:36, 13/11/2024

ព្រឹកថ្ងៃទី១៣ ខែវិច្ឆិកា នៅសាលាមធ្យមសិក្សាបាលីណាមបូ គណៈចាត់តាំងពិធីបុណ្យអកអំបុក-ប្រណាំងទូកងសុកត្រាំងតំ បន់វាលរាបទន្លេគឺវឡុង លើកទី៦ (ហៅកាត់ថាកម្មវិធីបុណ្យ) និងសប្តាហ៍វប្បធម៌កីឡានិងទេសចរណ៍សុកត្រាំង លើកទី១ ឆ្នាំ២០២៤ ចាត់តាំងចាប់ឆ្នោតចែកជាតារាងសម្រាប់ក្រុមទូកងបុរសនិងទូកងនារីចូលរួមប្រកួត។ និមន្តចូលរួមមានព្រះឧបជ្ឈាយ៍តាំងណោ-សុធម្មាធិបតីរង ក្រុមប្រឹក្សាវិន័យធរនៃសមាគមពុទ្ធសាសនាវៀតណាម គណៈអភិបាលសមាគមពុទ្ធសាសនាវៀតណាមខេត្តសុកត្រាំង ប្រធានសមាគមព្រះសង្ឃសាមគ្គីស្នេហាជាតិខេត្ត ព្រះចៅអធិការវត្តឃ្លាំង ថ្នាក់ដឹកនាំ គណៈជនជាតិនិងមន្ទីរវប្បធម៌ កីឡានិងទេសចរណ៍ខេត្ត។

រង្វាន់ប្រណាំងលើកនេះ មាន៦០ក្រុមទូកង (បុរសមាន៥៣ទូកនិងនារីមាន៧ទូក) ចូលរួមប្រកួត ក្នុងនោះ ក្នុងខេត្តមាន៤៨ក្រុម (បុរស៤៥ក្រុមនិងនារីមាន៣ក្រុម) ក្រៅខេត្ត (បាកលីវ កាម៉ាវ កឹងធើ ហូវយ៉ាង គៀងយ៉ាង) មាន១២ក្រុម (បុរស៨ក្រុមនិងនារី៤ក្រុម)។

តំណាងក្រុមទូកងចាប់ឆ្នោតសម្រាប់ចែកជាតារាង។

ចំពោះខ្លឹមសារផ្នែកបុរសមាន៥៣ក្រុម ចែកចេញជា១៣តារាងប្រកួត។ អាស្រ័យហេតុដូច្នេះ គណៈចាត់តាំងផ្អែកលើលទ្ធផលប្រកួត ឆ្លងតាមលើកប្រណាំងនៃក្រុមនីមួយៗ ហើយជម្រើសក្រុមទូកឈរចំណាត់ថ្នាក់ខ្ពស់ចំនួន៤ក្រុមដែលស្ថិតក្នុងបណ្តាតារាងផ្សេងគ្នា រួមមានបណ្តាក្រុមៈ ទំនប់២(ស្រុកចូវថាញ់) អុងខ(ស្រុកថាញ់ទ្រី) ស្រឡូង១(ស្រុកមីស្វៀង) និងពងទឹកចាស់(ស្រុកថាញ់ទ្រី)។ ក្នុងចំនួន១៣តារាងប្រកួត មាន១២តារាង ក្នុងតារាងនីមួយៗចែកចេញជា៤ក្រុមនិង១តារាងមាន៥ក្រុម។ បណ្តាក្រុមទូកបុរសប្រកួតចម្ងាយ១.២០០ម៉ែត្រ។

បណ្តាក្រុមទូកនារីមាន៧ក្រុម ចែកចេញជា២តារាង(១តារាងមាន៤ក្រុមនិង១តារាងមាន៣ក្រុម) ប្រកួតរង្វង់មូលសម្រាប់ជម្រើសយកក្រុមលេខ១ លេខ២នៃតារាង ដើម្បីឈានចូលប្រកួតពាក់កណ្តាលផ្តាច់ព្រ័ត្រនិងផ្តាច់ព្រ័ត្រ។ បណ្តាក្រុមទូកនារីប្រកួតចំងា១.០០០មែត្រ។ពិធីបើកវគ្គប្រណាំងទូកងនឹងចាត់តាំងឡើងថ្ងៃ១៤កើតនិងថ្ងៃពេញបូណ៌មី ខែកត្តិកនៅដងព្រែក Maspero ទីក្រុងសុកត្រាំង។

ថ្លែងថេរដីកា ព្រះឧបជ្ឈាយ៍តាំងណោ បានលើកទឹកចិត្តដល់ក្រុមទូកង ត្រូវរួបរួមការសាមគ្គី គោរពតាមលក្ខន្តិកៈនៃការប្រកួត ឃោសនាដល់ប្រជាជនដែលមកទស្សនា ដើម្បីលើកទឹកចិត្តដល់ក្រុមទូក រួមគ្នាការពារបរិស្ថាន កុំបោះសម្រាមចោលនៅដងព្រែក…៕

ថាច់ពេជ្រ-លីហាន

មាន៦០ក្រុមចាប់ឆ្នោតចូលរួមប្រណាំងទូកង តំបន់វាលរាបទន្លេគឺវឡុង

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

មាន៦០ក្រុមចាប់ឆ្នោតចូលរួមប្រណាំងទូកង តំបន់វាលរាបទន្លេគឺវឡុង

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង