 |
| តំណាងចូលរួមសន្និបាតបូកសរុប១០ឆ្នាំនៃការអនុវត្តបទបញ្ជាលេខ០៥-CT/TW ចុះថ្ងៃទី១៥ ឧសភា ឆ្នាំ២០១៦ របស់ការិយាល័យនយោបាយស្តីពី “ជំរុញការរៀនសូត្រនិងធ្វើតាមសតិអារម្មណ៍ សីលធម៌ ឥរិយាបថហូជីមិញ” របស់គណៈកម្មាធិការបក្សនៃគណៈកម្មាធិការប្រជាជនខេត្តសុកត្រាំង។ |
ក្នុង១០ឆ្នាំនៃការអនុវត្តបទបញ្ជាលេខ០៥-CT/TW កម្មាភិបាលបក្ខជនបានបំប៉នលត់ដំសមត្ថភាពជាប្រចាំចរិយាសីលធម៌ របៀបរស់នៅ ពង្រឹងស្មារតីទទួលខុសត្រូវដែលបានប្រគល់។ គណៈកម្មាធិការបក្ស បានធ្វើឲ្យជាក់ច្បាស់ពីខ្លឹមសារនៃការអនុវត្តទៅក្នុងកម្មវិធីផែនការការងារ ក្នុងនោះ ផ្តោតលើការផ្លាស់ថ្មីខ្លឹមសារ វិធីសាស្ត្រដឹកនាំ ការអនុវត្តប្រជាធិបតេយ្យក្នុងការពិភាក្សា មតិសង្គមនិងការទទួលមតិយោបល់ពីមូលដ្ឋាន។ ខ្លឹមសារលោតផ្លោះមួយចំនួនបានជ្រើសរើសនិងចង្អុលការយ៉ាងប្តូរផ្តាច់ដូចជា ការជំរុញកែទម្រង់រដ្ឋបាល លើកកម្ពស់ស្មារតីទទួលខុសត្រូវ វិន័យ សណ្តាប់ធ្នាប់ក្នុងកម្មាភិបាលបក្ខជននិយោជិតបុគ្គលិកនិងអ្នកពលកម្ម លើកកម្ពស់តួនាទីគំរូរបស់អ្នកដឹកនាំ លើកកម្ពស់គុណភាពនៃការអប់រំនយោបាយ សតិអារម្មណ៍ ការងារប្រជុំសាខាបក្ស ការងារត្រួតពិនិត្យ ផ្លាស់ប្តូររបៀបធ្វើការ អនុវត្តការប្រិតសំចៃ បង្ការខ្ជះខ្ជាយ អសកម្ម។
 |
| សមមិត្តហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្តសុកត្រាំង ជូនលិខិតសរសើរដល់សមូហភាព បុគ្គល។ |
ដើម្បីលើកកម្ពស់ប្រសិទ្ធភាពនៃការរៀនសូត្រនិងធ្វើតាមសតិអារម្មណ៍ សីលធម៌ ឥរិយាបថហូជីមិញ អង្គការមូលដ្ឋានបក្សជាច្រើនបានជ្រើសរើស ដើម្បីចាត់តាំងសកម្មភាពបើកទូលាយទម្រង់ជាង៣.០០០ ដែលផ្សារភ្ជាប់ជាមួយនឹងភារកិច្ច។ ជាក់ស្តែងដូច “និយោជិតអធិការកិច្ច លើកកម្ពស់ការយល់ដឹងនិយាយទន្ទឹមនិងធ្វើ” របស់គណៈកម្មាធិការបក្ស អធិការកិច្ចខេត្ត “អ្នកជំងឺមកទទួលយ៉ាងរាក់ទាក់ អ្នកជំងឺស្នាក់នៅថែទាំដោយអស់ពីចិត្ត អ្នកជំងឺចុះពីពេទ្យណែនាំដោយហ្មត់ចត់” របស់គណៈកម្មាធិការបក្ស មន្ទីរពេទ្យជំនាញ២៧ កុម្ភៈ “៤គ្មាន ៣មាន” របស់សាខាសាលាមធ្យមសិក្សាបាលីណាមបូ “កសាងផ្នត់រស់នៅវប្បធម៌នៅកន្លែងធ្វើការ” របស់គណៈកម្មាធិការបក្សនៃក្រុមហ៊ុនភាគហ៊ុនផ្គត់ផ្គង់ទឹកស្អាតសុកត្រាំង “ជំនួយអ្នកជំងឺ” របស់គណៈកម្មាធិការបក្សនៃមន្ទីរពេទ្យពហុជំនាញខេត្ត។ល។
ក្នុងសន្និបាត គណៈកម្មាធិការបក្សនៃគណៈកម្មាធិការបក្សខេត្ត ជូនលិខិតសរសើរដល់សមូហភាពចំនួន៣១រូបនិងបុគ្គលចំនួន៥០រូប ដែលមានស្នាដៃឆ្នើមក្នុងការអនុវត្តបទបញ្ជាលេខ០៥-CT/TW។
 |
| សមមិត្តហ្វិញង៉ុកញ៉ា-សមាជិកបក្សខេត្ត អនុលេខាទទួលបន្ទុកគណៈកម្មាធិការបក្សនៃគណៈកម្មាធិការប្រជាជនខេត្តសុកត្រាំង ជូនលិខិតសរសើរដល់សមូហភាព បុគ្គលឆ្នើម។ |
ថ្លែងប្រសាសន៍ចង្អុលការក្នុងសន្និបាត សមមិត្តហូធីកឹមដាវ បានស្នើគណៈកម្មាធិការបក្សនៃគណៈកម្មាធិការប្រជាជនខេត្ត បន្តចង្អុលការអនុវត្តបទបញ្ជាលេខ០៥ឲ្យកាន់តែមានប្រសិទ្ធភាព ផ្សារភ្ជាប់ជាមួយការកសាងកែទម្រង់បក្សនិងប្រព័ន្ធនយោបាយ កសាងស្តង់ដារសីលធម៌បដិវត្តន៍របស់កម្មាភិបាលក្នុងស្ថានភាពថ្មី និងការកំណត់ស្តីពីការទទួលខុសត្រូវគំរូ។ ផ្តោតលើការស្រាវជ្រាវកសាង បណ្តាទម្រង់ល្អៗ វិធីសាស្ត្រប្រកបដោយប្រសិទ្ធភាព ច្នៃប្រឌិតលើគ្រប់វិស័យ បង្កភាពសាយភាយក្នុងសង្គម។ ផ្លាស់ថ្មីថែមទៀតនូវខ្លឹមសារ វិធីសាស្ត្រ ទម្រង់សិក្សា ការឃោសនាអំពីសតិអារម្មណ៍សីលធម៌ ឥរិយាបថហូជីមិញក្នុងកម្មាភិបាល បក្ខជន ពិសេស យុវជនជំនាន់ក្រោយ។ លើកកម្ពស់ស្មារតី “និយាយទន្ទឹមនឹងធ្វើ” “លត់ដំអស់មួយជីវិត” ជាទៀងទាត់ “រិះគន់ ស្វ័យរិះគន់” ប្តេជ្ញាការដោះស្រាយយ៉ាងម៉ឺងម៉ាត់ចំពោះកម្មាភិបាល បក្ខជនដែលខ្វះការយល់ដឹងអំពីការបំប៉ន លត់ដំ បំពានចរិយាសីលធម៌ ផ្នត់រស់នៅ ការកំណត់របស់បក្សនិងក្រឹត្យច្បាស់របស់រដ្ឋ៕
សុងឡេ-លីហាន់
Thông tin bạn đọc
Đóng Lưu thông tin