សុកត្រាំង:ព័ត៌មានប្រធានបទអំពីស្ថានភាពពិភពលោកនិងសកម្មភាពការបរទេសរបស់វៀតណាមដល់កម្មាភិបាលស្នូលជាង៧.០០០រូប គ្រប់លំដាប់ថ្នាក់ក្នុងខេត្ត

14:27, 08/05/2025

ព្រឹកថ្ងៃទី៨ ឧសភា នៅមជ្ឈមណ្ឌលវប្បធម៌និងសន្និបាតខេត្តសុកត្រាំង បានចាត់តាំងសន្និបាតព័ត៌មានប្រធានបទអំពីស្ថានភាពពិភពលោកនាពេលថ្មីៗនេះ និងសកម្មភាពការបរទេសរបស់វៀតណាម។ សន្និបាតបានបន្តផ្ទាល់ដល់១២៣កន្លែងក្នុងទូទាំងខេត្ត។ អញ្ជើញចូលរួមនៅមជ្ឈមណ្ឌលបន្តផ្ទាល់មានបណ្តាសមមិត្ត៖ ហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត ត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្ត វ៉ជីកុង-សមាជិកបម្រុងគណៈប្រតិបត្តិការមជ្ឈិមបក្ស សមាជិកគណៈអចិន្ត្រៃយ៍បក្សខេត្ត ប្រធានគណៈចាត់តាំងបក្សខេត្ត បណ្តាសមមិត្តសមាជិកគណៈអចិន្ត្រៃយ៍បក្សខេត្ត សមាជិកគណៈប្រតិបត្តិការបក្ខភាគខេត្ត បណ្តាសមមិត្តអតីតថ្នាក់ដឹកនាំខេត្តនិងតំណាងជាង៧.០០០រូប ដែលជាកម្មាភិបាលស្នូលគ្រប់ថ្នាក់ក្នុងខេត្តបានចូលរួម។

តំណាងទាំងឡាយចូលរួមសន្និបាតនៅកន្លែងបន្តផ្ទាល់មជ្ឈមណ្ឌល។

សន្និបាតបានស្តាប់សាស្ត្រាចារ្យរង បណ្ឌិតដាំងឌិញគ្វី-អតីតអនុរដ្ឋមន្ត្រីក្រសួងការបរទេស ព័ត៌មានអំពីបញ្ហាសំខាន់ៗរបស់ពិភពលោកនាពេលថ្មីៗនេះ ដូចជា៖ លោកដូណាល់ត្រាំ បានជាប់ឆ្នោតជាប្រធានាធិបតីសហរដ្ឋអាមេរិកទី៤៧និងគោលនយោបាយរបស់សហរដ្ឋអាមេរិក ចាប់តាំងពីប្រធានាធិបតី ដូណាល់ត្រាំឡើងកាន់តំណែង ស្ថានភាពជម្លោះមជ្ឈិមបូព៌ា ការប្រកួតប្រជែងសេដ្ឋកិច្ច-សង្គ្រាមពាណិជ្ជកម្មនាពេលថ្មីៗនេះ ស្ថានភាពនៅតំបន់ព្រំដែនសមុទ្រ បណ្តាគោលនយោបាយ ការបរទេសរបស់វៀតណាមក្នុងយុគសម័យថ្មី។

ឆ្លងតាមសន្និបាត គោលបំណងគឺដើម្បីផ្តល់ជូនកម្មាភិបាល បក្ខជននូវព័ត៌មានចាំបាច់អំពីស្ថានភាពអន្តរជាតិ ក្នុងប្រទេស ការបរទេសរបស់បក្សនិងរដ្ឋរបស់យើង។ សន្និបាតក៏បានរួមចំណែកលើកកម្ពស់ការយល់ដឹងអំពីព្រឹត្តិការណ៍បច្ចុប្បន្ន សមិទ្ធផលនានា ក្នុងគោលនយោបាយការបរទេសរបស់ប្រទេសយើង ដោយហេតុនេះ បង្ហាញពីតួនាទីនិងការទទួលខុសត្រូវរបស់កម្មាភិបាល បក្ខជនម្នាក់ៗក្នុងការអនុវត្តព័ត៌មានឃោសនា ដើម្បីផ្សព្វផ្សាយនិងអនុវត្តល្អនូវភារកិច្ចដែលបានប្រគល់៕

ជីបាវ-លីហាន់

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង