 |
| គណៈអចិន្ត្រៃយ៍បក្សខេត្តសុកត្រាំង ធ្វើការជាមួយគណៈអចិន្ត្រៃយ៍បក្សទីរួមខេត្តនិងគណៈចាត់តាំងទីរួមខេត្តង៉ាណាំ។ |
អនុវត្ដសេចក្តីណែនាំលេខ៣១-HD/BTCTW ចុះថ្ងៃទី២៣ ខែមេសា ឆ្នាំ២០២៥ នៃគណៈចាត់តាំងមជ្ឈិម ស្តីពីការបង្កើតអង្គការបក្សដែលស្មើរនឹងអង្គភាពរដ្ឋបាលនៅភូមិភាគនិងរៀបចំប្រព័ន្ធគ្រប់គ្រងស្ថាប័នរណសិរ្សមាតុភូមិវៀតណាម អង្គការមហាជនថ្នាក់ខេត្តនិងឃុំ គណៈអចិន្ត្រៃយ៍បក្សខេត្ត សំណូមពរគណៈកម្មាធិការបក្ស ស្ថាប័ន អង្គភាព ភូមិភាគក្នុងខេត្តប្រមូលផ្តុំចង្អុលការនិងអនុវត្តយ៉ាងម៉ឺងម៉ាត់នូវខ្លឹមសារនៃសេចក្តីណែនាំដល់អង្គការបក្សនិងបក្ខជន។ ចំពោះការបង្កើតបក្ខភាគឃុំ សង្កាត់និងតំបន់ពិសេស (ថ្នាក់ឃុំថ្មី) ក្រោយពីការរួមបញ្ចូលនិងរៀបចំអង្គភាពរដ្ឋបាលនៅថ្នាក់ឃុំ គណៈអចិន្ត្រៃយ៍បក្សខេត្ត សំណូមពរគណៈចាត់តាំងបក្សខេត្ត ធ្វើសេនាធិការ ណែនាំ ពិនិត្យកសាងគម្រោងបញ្ចប់សកម្មភាពនៃបក្ខភាគថ្នាក់ស្រុក ឃុំចាស់ បង្កើតបក្ខភាគឃុំថ្មី។
ក្នុងអង្គប្រជុំនេះ ថ្នាក់ដឹកនាំគណៈកម្មាធិការបក្សស្រុក ទីរួមខេត្ត ក្រុងបានរាយការណ៍ពីគម្រោងបញ្ចប់សកម្មភាពនៃបក្ខភាគស្រុក ឃុំ (ចាស់) និងបង្កើតបក្ខភាគឃុំ សង្កាត់ថ្មី។ គណៈចាត់តាំងបក្សខេត្ត រាយការណ៍ពីការពិនិត្យគម្រោង បញ្ហាមួយចំនួននៅមានការលំបាកនៅតាមភូមិភាគនីមួយៗដូច ចំនួនកម្មាភិបាលនិងបុគ្គលិកដែលរៀបចំខ្ពស់ជាងក្របខណ្ឌដែលបានប្រគល់។ មិនទាន់មានគោលនយោបាយជាក់ស្តែង ដើម្បីជំនួយដល់អ្នកដែលធ្វើការមិនទទួលបន្ទុកថ្នាក់ឃុំក្រោយពីបញ្ចប់ភារកិច្ច មានសមមិត្តខ្លះមិនទាន់ចូលជាសមាជិកអតីតយុទ្ធជន ប៉ុន្តែស្ថិតក្នុងក្របខណ្ឌត្រូវបានរៀបចំ។
បណ្តាសមមិត្តក្នុងគណៈអចិន្ត្រៃយ៍បក្សខេត្ត មានច្រើនមតិគប់វាល់និងបានឯកភាពជាមូលដ្ឋានចំពោះគម្រោងនានារបស់ភូមិភាគ។ ទន្ទឹមនឹងនោះ ក៏សំណូមពរក្រោយពីបញ្ចប់សកម្មភាពថ្នាក់ស្រុក គប្បីពិនិត្យ បង្កើតមជ្ឈមណ្ឌលសេវាសាធារណៈដូចជា មជ្ឈមណ្ឌលវប្បធម៌ កីឡានិងប្រព័ន្ធផ្សព្វផ្សាយ គណៈគ្រប់គ្រងគម្រោង មជ្ឈមណ្ឌលជំរុញកសិកម្មនិងនេសាទកម្ម គណៈគ្រប់គ្រងផ្សារ ចំណតឡានក្រុងជាដើម ដើម្បីបម្រើប្រជាជនបណ្តាឃុំនិងសង្កាត់ ក្រោយពីការរួមបញ្ចូល សមស្របនិងឯកភាពជាមួយទម្រង់របស់ខេត្ត ក្រោយពីការរួមបញ្ចូល។
ថ្លែងការណ៍ក្នុងអង្គប្រជុំ សមមិត្តឡឹមវ៉ាំងម៉ឹង បានវាយតម្លៃខ្ពស់ចំពោះការងារម្ចាស់ការសហការនៃភូមិភាគជាមួយបណ្តាស្ថាប័នជំនាញធ្វើសេនាធិការ ជំនួយការគណៈកម្មាធិការបក្ស បណ្តាស្ថាប័ន អង្គភាពពាក់ព័ន្ធផ្សព្វផ្សាយអនុវត្តល្អបណ្តាភារកិច្ចពីការរៀបចំប្រព័ន្ធគ្រប់គ្រងរដ្ឋ បញ្ចប់អង្គភាពរដ្ឋបាលថ្នាក់ស្រុក រៀបចំអង្គភាពរដ្ឋបាលថ្នាក់ឃុំ។ ក្រោយពីមានសេចក្តីសម្រេចបង្កើតបក្ខភាគថ្នាក់ឃុំថ្មី គណៈអចិន្ត្រៃយ៍បក្ខភាគថ្នាក់ឃុំចេញសេចក្តីសម្រេចបង្កើតស្ថាប័នធ្វើសេនាធិការ ជំនួយការនិងអង្គភាពបុព្វហេតុនៃគណៈកម្មាធិការបក្សថ្នាក់ឃុំតាមសេចក្តីកំណត់។
លេខាបក្សខេត្តឡឹមវ៉ាំងម៉ឹង បានឯកភាពជាមួយគម្រោង បញ្ចប់សកម្មភាពរបស់គណៈកម្មាធិការបក្សស្រុក ឃុំចាស់និងបង្កើតគណៈកម្មាធិការបក្សឃុំ សង្កាត់ថ្មី។ ទន្ទឹមនឹងនោះ ស្នើបណ្តាភូមិភាគពីការរៀបចំអង្គការនយោបាយ-សង្គម បណ្តាសមាគមមហាជនបក្ស រដ្ឋដែលប្រគល់ចំណុះរណសិរ្សមាតុភូមិវៀតណាមថ្នាក់ឃុំត្រូវព្រមគ្នាជាមួយការរៀបចំរដ្ឋបាលតាមផែនការរបស់គណៈអចិន្ត្រៃយ៍បក្សខេត្តអនុវត្តរៀបចំ រួមបញ្ចូលអង្គភាពរដ្ឋបាលថ្នាក់ខេត្ត ថ្នាក់ឃុំនិងចាត់តាំងប្រព័ន្ធរដ្ឋអំណាច២ថ្នាក់តាមកិច្ចចង្អុលការរបស់មជ្ឈិម។ ទន្ទឹមនោះ យកចិត្តទុកដាក់ការងាររៀបចំកម្មាភិបាល ដោយម៉ឺងម៉ាត់ សមស្របនិងការស្របមតិខ្ពស់៕
ជីបាវ-សុផល
Thông tin bạn đọc
Đóng Lưu thông tin