ក្នុងពិធីសន្ទនា ពូង្វៀងវៀតហុង បានស្នើសុំប្រគល់ដី៤៧,៨កុង (២៥កុងចំណុះកសិដ្ឋានចិញ្ចឹមសត្វ បួនជ្រុងស្មើរ៣០និង២២,៨កុងចំណុះតំបន់ទី៥) ក្នុងនោះ ពូហុង ស្នើសុំទទួលបានទឹកប្រាក់ចំនួន១៧,៨កុង នៅសល់៣០កុងទទួលជាដីផលិត។ ពូហុងបន្តថា គ្រួសារពូបានរួមចំណែកសហការក្នុងការកាប់ឆ្ការតាមការអំពាវនាវរបស់កសិដ្ឋាន៣០ មេសា (ចាស់) ដូច្នេះហើយ បានចាត់ទុកថា គ្រួសារបានចូលរួមចំណែកកាប់ឆ្ការធ្វើដី។ ដូច្នេះ ពូហុង ជាមុខសញ្ញាដែលបានប្រគល់ដីយោងតាមសេចក្តីជូនដំណឹងលេខ១៣៨/VPCP ចុះថ្ងៃទី១៦ ខែតុលា ឆ្នាំ២០០០ របស់ខុទ្ទការិយាល័យរដ្ឋាភិបាល។ ទន្ទឹមនឹងនោះ ពូហុង ក៏បានស្នើឱ្យពិនិត្យចុងការលើភាពខុសគ្នានៃចំណូលពីកិច្ចសន្យាមុនជាមួយកសិដ្ឋាន៣០ មេសា។ ក្រៅពីនេះ ពូហុង នៅទាំងឆ្លុះបញ្ជាំង គណៈកម្មាធិការប្រជាជនស្រុកគូឡាវយុង បានទុកដីនៅទំនេរ ទុកចោល ដែលបណ្តាលឱ្យមានការខ្ជះខ្ជាយដី។
 |
| សមមិត្តត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្តសុកត្រាំង ថ្លែងប្រសាសន៍ក្នុងពិធីសន្ទនាជាមួយប្រជាជន។ |
ថ្លែងប្រសាសន៍ក្នុងពិធីសន្ទនា សមមិត្តត្រឹងវ៉ាំងឡូវ បានសង្កត់ធ្ងន់ថា ពូហុងបានស្ថាប័នសមត្ថកិច្ចប្រគល់ដីផលិត១៧.០៦៩,៧ម៉ែត្រការ៉េ តាមគម្រោងលេខ០២/DA-UBND របស់គណៈកម្មាធិការប្រជាជនស្រុកគូឡាវយុងនិងបានគណៈកម្មាធិការប្រជាជនស្រុកគូឡាវយុង ផ្តល់លិខិតបញ្ជាក់សិទ្ធិប្រើប្រាស់ដី។ ចំពោះខ្លឹមសារឆ្លុះបញ្ជាំងថា គណៈកម្មាធិការប្រជាជនស្រុកគូឡាវយុង ទុកដីទំនេរ ទុកចោល ដែលបណ្តាលឱ្យមានការខ្ជះខ្ជាយ គណៈកម្មាធិការប្រជាជនខេត្ត បានចង្អុលការគណៈកម្មាធិការប្រជាជនស្រុកគូឡាវយុងពិនិត្យ បញ្ចូលទៅក្នុងផែនការប្រើប្រាស់ដីប្រចាំឆ្នាំសម្រាប់អនុវត្ត។ ទាក់ទងការឆ្លុះបញ្ជាំងរបស់ពូហុង ដែលថាគ្រួសារមួយចំនួនបានផ្តល់ដីមិនត្រូវមុខសញ្ញា គណៈកម្មាធិការប្រជាជនខេត្តសុកត្រាំងបន្តចង្អុលការស្ថាប័នដែលមានសមត្ថកិច្ចពិនិត្យឡើងវិញ។
នាថ្ងៃនេះដែរនៅគណៈកម្មាធិការប្រជាជនខេត្តប្រធានគណៈកម្មាធិការប្រជាជនខេត្តត្រឹងវ៉ាំងឡូវក៏បានធ្វើជាអធិបតីពិធីសន្ទនាបន្តផ្ទាល់ជាមួយពូផាមវ៉ាំងបែនៅឃុំអាងថាញ់ណាម ស្រុកគូឡាវយុង (សុកត្រាំង)។ ក្នុងពិធីសន្ទនា ពូផាមវ៉ាំងបែ បានស្នើដល់ស្ថាប័នមានសមត្ថកិច្ចពិនិត្យនូវខ្លឹមសារដូចខាងក្រោម៖ សាលក្រមរដ្ឋប្បវេណីលេខ៤៤/DSSTនិងសាលក្រមដីកាលេខ៤៥/DSST ចុះថ្ងៃទី២៧ ខែមីនា ឆ្នាំ២០០០ របស់តុលាការប្រជាជនស្រុកឡុងភូ លើការកាត់ក្តីលើកិច្ចសន្យាលក់ដូររវាងដើមចោទ ពូយឿងវ៉ាំងក្វាង ពូហូវ៉ាំងហ៊ើយនិងជនជាប់ចោទ ពូផាមវ៉ាំបែ។ ពូបែបានឱ្យដឹងសាលក្រមទាំងពីរខាងលើ បង្ខំឱ្យពូបង់ប្រាក់ចំនួន៣០.៦៥០.០០០ដុង ឱ្យពូយឿងវ៉ាំងក្វាង ការបង់ប្រាក់១២.០៥៨.០០០ដុង ឱ្យហូវ៉ាំងហ៊ើយគឺជាការមិនត្រឹមត្រូវ ដោយសារការទិញលក់អំពៅ គឺអាស្រ័យកសិដ្ឋាន៣០ មេសា (ចាស់) មិនមែនធ្វើដោយឯកជនផ្ទាល់ខ្លួនទេ។ តំណាងគ្រួសារមួយចំនួនដែលស្នើសុំការប្រគល់ដីកសិដ្ឋាន៣០ មេសា ដោយមូលហេតុដែលគ្រួសារបានចូលរួមចំណែកក្នុងការកាប់ឆ្ការជាមួយនឹងកសិដ្ឋាន៣០មេសា ពីមុនមក។ ទន្ទឹមនឹងនោះ ស្នើឱ្យគិតចុងការលើភាពខុសគ្នានៃចំណូលកិច្ចសន្យាជាមួយកសិដ្ឋាន។ល។
ថ្លែងប្រសាសន៍ក្នុងពិធីសន្ទនា សមមិត្តត្រឹងវ៉ាំងឡូវ បានសង្កត់ធ្ងន់ថា ខ្លឹមសារនៃសំណើរបស់ពូបែ ស្នើសុំឱ្យស្ថាប័នមានសមត្ថកិច្ចពិនិត្យមើលសាលក្រមរដ្ឋប្បវេណីចំនួនពីររបស់តុលាការប្រជាជនស្រុកឡុងភូ៖ គណៈកម្មាធិការប្រជាជនខេត្ត បានចង្អុលការអធិការកិច្ចខេត្ត សហការជាមួយផ្នែកសមត្ថកិច្ចទាក់ទង ជួប ពិភាក្សាដើម្បីណែនាំ ពន្យល់ដល់ពូផាមវ៉ាំងបែ អំពីសំណុំរឿងរបស់ពូ ដែលក្រោមសិទ្ធិរបស់ស្ថាប័នតុលាការ។ទាក់ទងនឹងដីធ្លីភាពខុសគ្នានៃកិច្ចសន្យាជាមួយកសិដ្ឋាន៣០ មេសាពីមុននេះ នាយករដ្ឋមន្ត្រីបានចង្អុលការក្រសួង ផ្នែកអធិការកិច្ចរដ្ឋាភិបាលចាត់តាំងពិនិត្យនិងចង្អុលការដោះស្រាយ។ បន្ទាប់ពីទទួលបានឯកសាររបស់មជ្ឈិម គណៈកម្មាធិការប្រជាជនខេត្ត បានចេញច្រើនឯកសារណែនាំនិងផ្សព្វផ្សាយអនុវត្តការបង់ប្រាក់ភាពខុសគ្នានៃកិច្ចសន្យាជូនប្រជាជន ក្នុងនោះ មានពូបែ។ ទាក់ទងនឹងការឆ្លុះបញ្ជាំងរបស់ពូបែ ដែលថាគ្រួសារមួយចំនួនបានផ្តល់ដីកម្មសិទ្ធិខុសនោះ គណៈកម្មាធិការប្រជាជនខេត្តសុកត្រាំង បន្តចង្អុលការស្ថាប័នមានសមត្ថកិច្ចពិនិត្យឡើងវិញ៕
គីមង៉ុក-លីហាន់
Thông tin bạn đọc
Đóng Lưu thông tin