នាឱកាសរំលឹកខួបទី១៣៥ឆ្នាំនៃទិវាខួបកំណើតលោកប្រធានហូជីមិញ (ថ្ងៃទី១៩ ឧសភា ឆ្នាំ១៨៩០ដល់ថ្ងៃទី១៩ ឧសភា ឆ្នាំ២០២៥) ព្រឹកថ្ងៃទី១៩ ឧសភា គណៈកម្មាធិការបក្សស្រុក ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមស្រុកគូឡាវយុង (សុកត្រាំង) បានប្រារព្ធពិធីអុជធូបរំលឹកវិញ្ញាណក្ខន្ធបូជនីយដ្ឋានអ៊ំហូនៅឃុំអាងថាញ់ដុង។ ចូលរួមមានបណ្តាសមមិត្តង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្ត ង្វៀងធីហ្វេជី-សមាជិកបក្សខេត្ត អនុប្រធានប្រចាំការគណៈកម្មាធិការរណសិរ្សមាតុភូមិវៀតណាមខេត្ត យឿងធីគីមធ្វី-សមាជិកបក្សខេត្ត អនុប្រធានគណៈប្រចាំការនៃគណៈឃោសនាអប់រំនិងប្រជាចលនាបក្សខេត្ត។ លោកង្វៀងថាញ់កុង-អនុប្រធានគណៈកម្មាធិការត្រួតពិនិត្យបក្សខេត្ត។ ចំណែកស្រុកគូឡាវយុង មានសមមិត្តលេត្រុងង្វៀង-សមាជិកបក្សខេត្ត លេខាបក្សស្រុកគូឡាវយុង ថ្នាក់ដឹកនាំបណ្តាស្ថាប័ន អង្គភាពនិងអង្គការមហាជននានា កម្មាភិបាលចូលនិវត្តន៍ សិស្សានុសិស្សនិងប្រជាជនក្នុងស្រុក។
 |
| ពិធីកិច្ចគោរពវិញ្ញាណក្ខន្ធអ៊ំហូនៅបូជនីយដ្ឋាន។ |
ក្នុងពិធីនេះ សមមិត្តហ្វិញថាញ់អាង-អនុប្រធានប្រចាំការគណៈកម្មាធិការប្រជាជនស្រុកគូឡាវយុង ថ្លែងសុន្ទរកថាពីស្នាដៃជូនអ៊ំ អះអាងដោយមោទនភាពថា៖ ជ្រួតជ្រាបសតិអារម្មណ៍របស់អ៊ំ បក្ខភាគ រដ្ឋអំណាច ប្រជាជននិងកងទ័ពស្រុកគូឡាវយុង តែងសាមគ្គីចិត្តមួយថ្លើមមួយព្រួតដៃជំរុញអភិវឌ្ឍសេដ្ឋកិច្ច-សង្គម ដើម្បីគិតអានជីវភាពនិងស្មារតីជូនប្រជាជនពីមួយថ្ងៃកាន់តែបានល្អនិងកសាងភូមិស្រុកពីមួយថ្ងៃកាន់តែល្អប្រសើរ។
នៅឆ្នាំ២០២៤ ស្រុកអនុវត្តសម្រេចផ្លោះ២០/២០បរិមាណភាគនៃសេចក្តីសម្រេចដែលបានដាក់ចេញ ស្រុកគូឡាវយុងបាននាយករដ្ឋមន្ត្រីនៃរដ្ឋាភិបាលទទួលស្គាល់ជាស្រុកសម្រេចជនបទថ្មី។ គម្រោងនិងសំណង់សំខាន់ៗជាច្រើនត្រូវបាននិងកំពុងអនុវត្ត រួមចំណែកលើកកម្ពស់ការអភិវឌ្ឍសេដ្ឋកិច្ច-សង្គមរបស់ស្រុក។ គំរូដូចគម្រោងស្ពានដាយង៉ាយតភ្ជាប់ផ្លូវជាតិលេខ៦០ គម្រោងនឹងបើកទូលាយផ្លូវស្រុក១២A ១៣ ១៤ គម្រោងសំណង់វប្បធម៌-កីឡាស្រុក គម្រោងវិនិយោគកសាងបើកទូលាយផ្លូវខេត្តលេខ៩៣៣B ឆ្លងកាត់ទីរួមស្រុកគូវឡាវយុង... ពេលសាងសង់រួចរាល់និងដាក់ឱ្យប្រើប្រាស់នឹងរួមចំណែកធ្វើឱ្យស្រុកក្លាយជាកន្លែងវិនិយោគដ៏ទាក់ទាញ បង្កកម្លាំងលើកទឹកចិត្តសម្រាប់អភិវឌ្ឍសេដ្ឋកិច្ច-សង្គម។
 |
| តំណាងទាំងឡាយស្មិងស្មាធិ៍មួយនាទីនៅបូជនីយដ្ឋានអ៊ំហូ។ |
ចាប់ពីដើមឆ្នាំ២០២៥ រហូតមកដល់បច្ចុប្បន្ន ដោយការសាមគ្គីភាព ការប្តេជ្ញាចិត្តនិងការឯកភាពនៃទូទាំងប្រព័ន្ធនយោបាយនិងប្រជាជន ស្រុកគូឡាវយុងបានខិតខំរក្សាផលិតនិងអភិវឌ្ឍសេដ្ឋកិច្ច-សង្គម។ គិតអាន ការពារសុខភាពនិងលំនឹងជីវភាពប្រជាជន។ បណ្តាបរិមាណភាគអភិវឌ្ឍសេដ្ឋកិច្ច-សង្គមសម្រេចនិងផ្លោះពីផែនការដែលបានដាក់ចេញ កម្មវិធីបំបាត់ផ្ទះបណ្ដោះអាសន្ននិងផ្ទះទ្រុឌទ្រោម ត្រូវបានសម្រេចមុនពេលកំណត់ (ចាប់ផ្តើមសាងសង់និងបានសម្រេចដាក់ឱ្យប្រើប្រាស់៣៨២/៣៨២ខ្នង)។
ក្នុងវេលាដ៏ត្រចះត្រចង់នេះ តំណាងគណៈកម្មាធិការបក្ស រដ្ឋអំណាចនិងប្រជាជនស្រុកគូឡាវយុង សមមិត្តហ្វិញថាញ់អាង បានសន្យានឹងចងចាំនូវការប្រៀនប្រដៅរបស់អ៊ំ ហើយតែងភ្ជាប់ទំនាក់ទំនងយ៉ាងជិតស្និទ្ធជាមួយប្រជាជន។ នៅចំពោះវិញ្ញាណក្ខន្ធរបស់អ៊ំគណៈកម្មាធិការបក្ស រដ្ឋអំណាចនិងប្រជាជនស្រុកគូឡាវយុង ប្តេជ្ញាបន្តជំរុញការរៀនសូត្រនិងធ្វើតាមសតិអារម្មណ៍ សីលធម៌និងឥរិយាបថរបស់អ៊ំ។ សាមគ្គីដោយចិត្តមួយថ្លើមមួយ ជឿជាក់លើការដឹកនាំរបស់បក្ស ហើយដើរតាមមាគ៌ាដែលបក្ស អ៊ំនិងប្រជាជនយើងបានជម្រើស។ កសាងបក្ខភាគស្រុកគូវឡាយុងឱ្យកាន់តែស្អាតស្អំនិងរឹងមាំ ប្តេជ្ញាអនុវត្តប្រកបដោយជោគជ័យនូវគោលដៅសេដ្ឋកិច្ច-សង្គមឆ្នាំ២០២៥។ អនុវត្តសម្រេចជោគជ័យបណ្តាទិសដៅនៃសេចក្តីសម្រេចមហាសន្និបាតលើកទី១៣របស់បក្ខភាគស្រុកដែលបានដាក់ចេញ។ ប្តេជ្ញាកសាងភូមិស្រុកគូឡាវយុងជាទីស្រឡាញ់ពីមួយថ្ងៃកាន់តែល្អប្រសើរ សក្តិសមជាមួយគុណសម្បត្តិរបស់អ៊ំជាទីស្រឡាញ់។
ក្នុងពិធីនេះ គណៈអចិន្ត្រៃយ៍គណៈកម្មាធិការបក្សស្រុក ក៏បានជូនសញ្ញាលក្ខណ៍អាយុបក្ស ៦០ឆ្នាំនិងសញ្ញាលក្ខណ៍អាយុបក្ស៤០ឆ្នាំ ជូនដល់សមមិត្តចំនួន២រូប។
 |
| ស្រុកគូឡាវយុងស្ងើចសរសើរចំពោះសមូហភាពនិងបុគ្គលឆ្នើមក្នុងការអនុវត្តបទបញ្ជាលេខ ០៥-CT/TW របស់ការិយាល័យនយោបាយ។ |
ក្នុងការអនុវត្តបទបញ្ជាលេខ05-CT/TW របស់ការិយាល័យនយោបាយ ស្តីពី “ការជំរុញការរៀនសូត្រនិងធ្វើតាមសតិអារម្មណ៍ សីលធម៌និងឥរិយាបថហូជីមិញ” ដំណាក់កាល២០១៥-២០២៥ ស្រុកគូឡាវយុង មានគំរូឆ្នើមជាច្រើន។ នៅទីនេះ គណៈកម្មាធិការប្រជាជនស្រុក បានស្ងើចសរសើរនិងជូនរង្វាន់ដល់សមូហភាពចំនួន៩រូបនិងបុគ្គលចំនួន៣០រូប ដែលមានស្នាដៃឆ្នើមក្នុងការអនុវត្តបទបញ្ជាលេខ០៥-CT/TW របស់ការិយាល័យនយោបាយ។ នេះគឺជាស្នាដៃជាក់ស្តែង ដែលស្រុកគូឡាយុងរាយការណ៍ស្នាដៃជូនអ៊ំ។
ក្នុងបរិយាកាសដ៏ឪឡារឺក តំណាងទាំងឡាយបានរក្សាភាពស្មិងស្មាធិ៍មួយនាទី ដើម្បីរំលឹកដល់ស្នាដៃដ៏ធំធេងរបស់ប្រធានហូជីមិញដ៏មហិមា-ដែលលះបង់អស់មួយជីវិតរបស់ខ្លួនក្នុងការបម្រើបក្ស រដ្ឋនិងប្រជាជន។ ទន្ទឹមនឹងនោះ ប្រារព្វពិធីកិច្ចបូជាផ្កានិងធូបដោយក្តីគោរពនៅបូជនីយដ្ឋានអ៊ំហូ ដើម្បីថ្លែងអំណរគុណយ៉ាងជ្រាលជ្រៅចំពោះបិតាជាតិជាទីគោរពនិងជាទីស្រឡាញ់របស់ជនជាតិ។
បន្ទាប់ពីពិធីនេះ តំណាងទាំងឡាយ ក៏បានទៅទស្សនាការតាំងពិព័រណ៍រូបថតសិល្បៈអំពីឆាកជីវិតនិងបុព្វហេតុសកម្មភាពបដិវត្តន៍របស់អ៊ំហូនិងសមិទ្ធផលសេដ្ឋកិច្ច-សង្គមរបស់ខេត្តសុកត្រាំង (អាស្រ័យស្រុកគូឡាវយុងចាត់តាំង)៕
ស៊ើមម៉ាយ-សុផល
Thông tin bạn đọc
Đóng Lưu thông tin