 |
| ក្រុមប្រតិភូខេត្តសុកត្រាំង បានសួរសុខទុក្ខ ប្រគេនពរបុណ្យចូលឆ្នាំថ្មីដល់វត្តកំពង់ជុំ។ |
សួរសុខទុក្ខ ប្រគេនពរបុណ្យចូលឆ្នាំថ្មីឆ្នាំ២០២៥ ដល់វត្តពោធិផ្តោក ឃុំកេថាញ់ វត្តពោធិខ្សាច់ ទីរួមស្រុកកេសាច់និងវត្តកំពង់ជុំ ឃុំអាងមី សមមិត្តងោហ៊ុង បានកត់សំគាល់និងស្ងើចសរសើរចំពោះការគប់វាល់ដ៏ជាក់ស្តែងរបស់ព្រះសង្ឃ អាចារ្យ គណៈកម្មការវត្ត ក្នុងការចលនាប្រឡងប្រណាំងនៅភូមិភាគ សហការយ៉ាងជិតស្និទ្ធជាមួយរដ្ឋអំណាចក្នុងការឃោសនា ចលនាមាមីងពុទ្ធបរិស័ទអនុវត្តល្អនូវគោលការណ៍ គោលយោបាយរបស់បក្ស ក្រឹត្យច្បាប់របស់រដ្ឋ។ ទន្ទឹមនឹងនោះ សង្ឃឹមថា ព្រះសង្ឃគ្រប់ព្រះអង្គ អាចារ្យ គណៈកម្មការនិងពុទ្ធបរិស័ទខ្មែរ នឹងបន្តពង្រីកស្មារតីសាមគ្គីប្រឡងប្រណាំងពលកម្មផលិត អភិរក្សអត្តសញ្ញាណវប្បធម៌ល្អស្អាតរបស់ជនជាតិ រួមជាមួយរដ្ឋអំណាចភូមិភាគអនុវត្តប្រកបដោយប្រសិទ្ធភាពអំពីការចលនាកម្មវិធីទិសដៅជាតិអភិវឌ្ឍសេដ្ឋកិច្ច-សង្គម រួមចំណែកកសាងភូមិស្រុកកាន់តែរីកចម្រើននិងសម្បូរសប្បាយ។ នាឱកាសបុណ្យចូលឆ្នាំថ្មី ជំនួសមុខគណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តសុកត្រាំង សមមិត្តងោហ៊ុង ប្រគេនពរដល់ព្រះឧបជ្ឈាយ៍ ព្រះតេជគុណ ព្រះសង្ឃគ្រប់ព្រះអង្គ គណៈកម្មការវត្តនិងជនរួមជាតិខ្មែរនៅភូមិភាគ ទទួលបុណ្យចូលឆ្នាំ ជួបតែសេចក្តីសុខ សេចក្តីចម្រើននិងសុភមង្គល។
ទទួលអំណោយនិងវាចាសួរសុខទុក្ខដ៏ល្អប្រសើរបំផុតពីក្រុមប្រតិភូ ព្រះសង្ឃ ព្រមទាំងគណៈកម្មការវត្តទក្ខិណនិកាយខ្មែរ បានថ្លែងអំណរគុណដល់ថ្នាក់ដឹកនាំខេត្ត ដែលបានយកចិត្តទុកដាក់ ទន្ទឹមនឹងនោះ សម្តែងនូវក្តីរំភើប ដោយសន្យាថានឹងបន្តការចលនាពុទ្ធបរិស័ទ ពង្រឹងស្មារតីសាមគ្គី ពលកម្មផលិតយ៉ាងសកម្ម បង្កើនការប្រុងប្រយ័ត្នចំពោះឧបាយកលបំផ្លិចបំផ្លាញរបស់បច្ចាមិត្ត រួមកម្លាំងជាមួយរដ្ឋអំណាចភូមិភាគកសាងភូមិស្រុកមួយថ្ងៃកាន់តែរីកចម្រើន៕
ថាញ់វ៉ាង-លីហាន់
Thông tin bạn đọc
Đóng Lưu thông tin