ព្រឹកថ្ងៃទី២៩ ខែមេសា គណៈកម្មាធិការបក្សខេត្ត ក្រុមប្រឹក្សាប្រជាជន គណះកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តសុកត្រាំង បានអធិកអធមចាត់តាំងពិធីគោរពវិញ្ញាណក្ខ័ន្ធយុទ្ធជនពលីនៅបូជនីយដ្ឋានខេត្ត (នៅត្រាមាំងនិងមីស្វៀង) នាឱកាសអនុស្សាវរីយ៍៥០ឆ្នាំទិវារំដោះភាគខាងត្បូង ឯកភាពទឹកដី (ថ្ងៃទី៣០ ខែមេសា ឆ្នាំ១៩៧៥ - ថ្ងៃទី៣០ ខែមេសា ឆ្នាំ២០២៥)។ អញ្ជើញចូលរួមមានបណ្តាសមមិត្ត៖ ឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំង សមមិត្តហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត សមមិត្តវ៉ជីកុង-សមាជិកបម្រុងគណៈប្រតិបត្តិការមជ្ឈិមបក្ស សមាជិកគណៈអចិន្ត្រៃយ៍បក្សខេត្ត ប្រធានគណៈចាត់តាំងបក្សខេត្ត សមមិត្តងោហ៊ុង-សមាជិកគណៈអចិន្ត្រៃយ៍បក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្ត បណ្តាសមមិត្តជាសមាជិកគណៈអចិន្ត្រៃយ៍បក្សខេត្ត សមាជិកគណៈប្រតិបត្តិការបក្ខខេត្ត ថ្នាក់ដឹកនាំបណ្តាមន្ទីរ គណៈ ផ្នែក អង្គការមហាជន កងកម្លាំងប្រដាប់អាវុធរបស់ខេត្ត។
ក្នុងបរិយាកាសដ៏ឧដុង្គឧត្តមនៃខែមេសាប្រវត្តិសាស្រ្ត សមមិត្តង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្តបានថ្លែងការណ៍រំលឹកអនុស្សាវរីយ៍៥០ឆ្នាំទិវារំដោះភាគខាងត្បូង ឯកភាពទឹកដី (ថ្ងៃទី៣០ ខែមេសា ឆ្នាំ១៩៧៥ - ថ្ងៃទី៣០ ខែមេសា ឆ្នាំ២០២៥) ដើម្បីសម្តែងនូវការដឹងគុណចំពោះអ្នកបដិវត្តន៍ជំនាន់មុន សមមិត្ត ជនរួមជាតិនិងវីរយុទ្ធជនពលីគ្រប់រូបដែលជាកុលបុត្រឆ្នើមរបស់ខេត្តសុកត្រាំង បានហានក្លាពលីជីវិតដើម្បីឯករាជ្យ សេរីភាពរបស់មាតុភូមិ ដើម្បីសុភមង្គលរបស់ប្រជាជន។
 |
| បណ្តាសមមិត្តស្មឹងស្មាធិ៍១នាទីដើម្បីសម្តែងនូវការដឹងគុណចំពោះការលះបង់របស់យុទ្ធជនពលីគ្រប់រូប។ |
៥០ឆ្នាំបានកន្លងផុតទៅចាប់តាំងពីឯកភាពទឹកដី តែសូរសៀងនៃមហាជ័យជម្នះនិទាឃរដូវឆ្នាំ១៩៧៥នៅតែលាន់រំពង ដិតជាប់ក្នុងអារម្មណ៍របស់ប្រជាជនវៀតណាមគ្រប់រូប។ ជ័យជម្នះនោះគឺជាលទ្ធផលនៃការដឹកនាំដ៏ឈ្លាសវៃរបស់បក្សនិងស្មារតីប្រយុទ្ធដ៏អង់អាច មិនរាថយរបស់យុទ្ធជនបដិវត្តន៍គ្រប់ជំនាន់និងរបស់ជនរួមជាតិនៅគ្រប់ទីកន្លែងលើមាតុភូមិ។
ឆ្លងកាត់២លើកតស៊ូប្រឆាំងអាណានិគមបារាំងនិងចក្រពត្តិអាមេរិក ដណ្តើមឯករាជ្យជាតិ ឯកភាពទឹកដី ក៏ដូចជាការតស៊ូការពារព្រំដែន មានកុលបុត្ររាប់សិបម៉ឺននាក់របស់ខេត្តសុកត្រាំង តាមការអំពាវនាវរបស់មាតុភូមិ មិនស្តាយជីវិតបានឈានមុខទៅសមរភូមិ។
ដើម្បីសក្តិសមនឹងការលះបង់នោះ បក្ខភាគ រដ្ឋអំណាចនិងប្រជាជនខេត្តសុកត្រាំង ក្រោមការប្តេជ្ញាចិត្តខ្ពស់ ផ្តុំកម្លាំងអនុវត្តមានប្រសិទ្ធភាពបណ្តាទិសដៅអភិវឌ្ឍសេដ្ឋកិច្ច-សង្គម ប្រមូលផ្តុំផ្សព្វផ្សាយអនុវត្តគ្រាប់គ្រាន់និងទាន់ពេលបណ្តាគោលនយោបាយសុខុមាលភាពសង្គម បន្តរក្សាសន្តិសុខនយោបាយ សណ្តាប់ធ្នាប់សុវត្ថិភាពសង្គម ជីវភាពរបស់ប្រជាជនបានកែលម្អ ខិតខំដើម្បីជីវភាពគ្រួសារគោលនយោបាយបានលើកកម្ពស់មួយជំហានម្តង ធានាកម្រិតជីវភាពស្មើឬខ្ពស់ជាងកម្រិតជីវភាពរបស់ប្រជាជននៅក្នុងតំបន់។
ក្រោយពេលដាក់កម្រងផ្កានិងអុជធូបរំលឹកវិញ្ញាណក្ខ័ន្ធនៅមុខស្តូបមាតុភូមិរំលឹកគុណ បណ្តាសមមិត្តបានទៅអុជធូបនៅផ្នូររបស់យុទ្ធជនពលី រំលឹកគុណវីរយុទ្ធជនគ្រប់រូបបានពលីជីវិតដើម្បីមាតុភូមិ។
គីមង៉ុក - អិនទ្វឹង
Thông tin bạn đọc
Đóng Lưu thông tin