 |
| គណៈប្រតិបត្តិការបក្ខភាគទីរួមខេត្តវិញចូវ (សុកត្រាំង) ចាត់តាំងសន្និបាតលើកទី២០។ |
តាមការវាយតម្លៃរបស់គណៈប្រតិបត្តិការបក្ខភាគទីរួមខេត្ត ក្នុងត្រីមាសទី១ឆ្នាំ២០២៥ សេដ្ឋកិច្ច-សង្គមមានការវិវត្តន៍យ៉ាងសកម្ម។ ផលិតកសិកម្មបន្តរក្សានិងលំនឹង ឧស្សាហកម្ម ពាណិជ្ជកម្ម សេវាកម្មមានការអភិវឌ្ឍ វិស័យទេសចរណ៍រក្សាលំនឹងនិងមានភាពកើនឡើង។ បណ្តាគោលនយោបាយសុខុមាលភាពសង្គមតែងបានយកចិត្តទុកដាក់ទាន់ពេល គ្រប់គ្រាន់ ត្រូវមុខសញ្ញា។ ភារកិច្ចអប់រំ បណ្តុះបណ្តាលនិងថែទាំសុខភាពប្រជាជនតែងបានយកចិត្តទុកដាក់ អត្រាប្រជាជនចូលរួមធានារ៉ាប់រងសុខាភិបាលមានភាពកើនឡើង បើប្រៀបនឹងឆ្នាំកន្លង។ ការងារបង្វែរឌីជីថល កសាងរដ្ឋអំណាចឌីជីថល សេដ្ឋកិច្ចឌីជីថល សង្គមឌីជីថលសម្រេចលទ្ធផលគួរកត់សំគាល់។
ស្ថានភាពសន្តិសុខនយោបាយ សណ្តាប់ធ្នាប់ សុវត្ថិភាពសង្គមតែងរក្សាបានលំនឹង។ ផ្សព្វផ្សាយល្អបណ្តាការងារបង្រ្កាបជនល្មើស ធានាសន្តិសុខ នយោបាយ សណ្តាប់ធ្នាប់ សុវត្ថិភាពបណ្តាថ្ងៃបុណ្យទាន បុណ្យតេតលើភូមិដ្ឋាន។ គ្រោះថ្នាក់ចរាចរណ៍ថយចុះបើប្រៀបនឹងឆ្នាំកន្លង ទាំង៣លក្ខឋានគឺចំនួនករណី ចំនួនអ្នកស្លាប់ ចំនួនអ្នករងរបួស។ សម្រេចបរិមាណភាគការងារជម្រើសនិងកោះហៅពលរដ្ឋចូលក្នុងកងជួរទ័ព។
អង្គការគ្រប់គ្រងរដ្ឋនៃប្រព័ន្ធនយោបាយតែងបានពង្រឹងតាមទិសបំព្រួញ សកម្មភាពមានសុពលភាព ប្រសិទ្ធភាព។ សមត្ថភាពថ្នាក់នាំ កម្លាំងតស៊ូនៃអង្គការមូលដ្ឋានបក្សនិងគុណភាពកងជួរកម្មាភិបាលបានកើនឡើង។ ការងារពិនិត្យនិងការពិន័យរបស់បក្សតែងបានពង្រឹង ការងារបង្ការ ទប់ស្កាត់ពុករលួយ ខ្ជះខ្ជាយបានជំរុញយ៉ាងសកម្ម។
គណៈប្រតិបត្តិការបក្ខភាគទីរួមខេត្ត ក៏ទទួលការអន់ថយក្នុងការដឹកនាំអនុវត្តភារកិច្ច គឺអនុវត្តបរិមាណភាគកសាងជនបទថ្មីលើកកម្ពស់ឆ្នាំ២០២៥ នៅយឺតបើប្រៀបនឹងផែនការ ស្ថានភាពសន្តិសុខនយោបាយ សណ្តាប់ធ្នាប់សុវត្ថិភាពសង្គមមានពេលខ្លះនៅស្មុគស្មាញ ចំនួនករណីបំពានច្បាប់ពីសណ្តាប់ធ្នាប់សង្គមមានការកើនបើប្រៀបនឹងឆ្នាំកន្លង បញ្ចូលបក្ខជនថ្មីមិនទាន់សម្រេចតាមសំណូមពរដាក់ចេញ។
ថ្លែងការណ៍ក្នុងសន្និបាត សមមិត្តហូធីកឹមដាវ ស្នើគណៈប្រតិបត្តិការបក្ខភាគទីរួមខេត្ត ប្រមូលផ្តុំចង្អុលការអនុវត្តបណ្តាទិសដៅ បរិមាណភាគនៃសេចក្តីសម្រេចរបស់ឆ្នាំ២០២៥ និងទូទាំងអាណត្តិកាល២០២០-២០២៥។ បន្តស្រាវជ្រាវស្នើការរៀបចំអង្គការគ្រប់គ្រងរដ្ឋបាលនៃប្រព័ន្ធនយោបាយ ធ្វើសេនាធិការកសាងគម្រោងបង្រួមអង្គភាពរដ្ឋបាលថ្នាក់ឃុំនិងគម្រោងរៀបចំកម្មាភិបាល។ កៀរគរទូទាំងប្រព័ន្ធនយោបាយពីទីរួមខេត្តដល់មូលដ្ឋានព្រួតដៃបំបាត់ផ្ទះបណ្តោះអាសន្ន ផ្ទះទ្រុឌទ្រោមលើភូមិដ្ឋានទីរួមខេត្ត ខិតខំសម្រេចកម្មវិធីមុនថ្ងៃទី៣០ មិថុនា ឆ្នាំ២០២៥។ ទន្ទឹមនោះ ចង្អុលការអភិវឌ្ឍសេដ្ឋកិច្ច វប្បធម៌-សង្គម ការពារប្រទេស សន្តិសុខ កសាងបក្សនិងប្រព័ន្ធនយោបាយរឹងមាំគ្រប់វិស័យ៕
សុងលេ-សុផល
Thông tin bạn đọc
Đóng Lưu thông tin