ព្រឹក្សថ្ងៃទី៥ មីនា នៅការិយាល័យគណៈកម្មាធិការប្រជាជនខេត្តសុកត្រាំង សមមិត្តង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្ត បានធ្វើការនិងទទួលគណៈប្រតិភូនៃមូលធិនិកុមារអង្គការសហប្រជាជាតិប្រចាំនៅវៀតណាម (UNICEF) ដោយលោកស្រី Silvia Danailov-ប្រធានតំណាង UNICEF ប្រចាំនៅវៀតណាម ដើម្បីពិភាក្សាអំពីកិច្ចសហការនាពេលបច្ចុប្បន្ននិងនាពេលខាងមុខ ទាក់ទងនឹងសិទ្ធិកុមារ។ អញ្ជើញចូលរួមពិធីជួបជុំ មានតំណាងថ្នាក់ដឹកនាំបណ្តាមន្ទីរ គណៈផ្នែកពាក់ព័ន្ធ។
 |
| តំណាងទាំងឡាយចូលរួមពិធីធ្វើការ ទទួលគណៈប្រតិភូមូលនិធិកុមារអង្គការសហប្រជាជាតិប្រចាំនៅវៀតណាម (UNICEF)។ |
នាពេលកន្លង ខេត្តសុកត្រាំង បានទទួលការឧបត្ថម្ភយ៉ាងសកម្មពីអង្គការ UNICEF ក្នុងរាល់សកម្មភាពលើកកម្ពស់គុណភាពជីវភាពរបស់កុមារ ទន្ទឹមនឹងនោះ កសាងនូវកម្មវិធីអភិវឌ្ឍស្ថេរភាពដល់សហគមន៍ រួមចំណែកក្នុងបុព្វហេតុអភិវឌ្ឍរួមរបស់ខេត្ត។
នៅពិធីជួបតំណាងទាំងឡាយ បានព័ត៌មានយ៉ាងខ្លីអំពីស្ថានភាពសេដ្ឋកិច្ច-សង្គមរបស់ខេត្តសុកត្រាំង ក៏ដូចជាការងារថែទាំនិងការពារសិទ្ធិកុមារ។ តំណាងទាំងឡាយក៏បានដោះដូរ ពិភាក្សាលើបញ្ហាសហការ ពិសេស ក្នុងវិស័យឧបត្ថម្ភកុមារនិងការអភិវឌ្ឍសហគមន៍។
លោកស្រី Silvia Danailov បានកត់សំគាល់នូវការខិតខំប្រឹងប្រែងរបស់ខេត្ត ក្នុងការផ្សព្វផ្សាយបណ្តាកម្មវិធី គម្រោងប្រកបដោយប្រសិទ្ធភាព ជួយកុមារបានទទួលផល។ លោកស្រីបានសន្យាបន្តបង្កើនកិច្ចសហការជាមួយសុកត្រាំង ឆ្ពោះដល់ការអនុវត្តកម្មវិធីដែលនាំមកនូវផលប្រយោជន៍ជាក់ស្តែងដល់សហគមន៍ ពិសេស គឺកុមារ។
 |
| សមមិត្តង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្តសុកត្រាំង ជូនអំណោយដល់តំណាងUNICEF។ |
សមមិត្តង្វៀងវ៉ាំងខើយ បានថ្លែងអំណរគុណយ៉ាងស្មោះស្ម័គ្រចំពោះលោកស្រី Silvia Danailov និងគណៈប្រតិភូ ទន្ទឹមនឹងនោះ បានសម្តែងនូវបំណងចង់បន្តរក្សានិងពង្រឹងទំនាក់ទំនងកិច្ចសហការដ៏ល្អរវាងខេត្តសុកត្រាំងនិងUNICEF។ អនុប្រធានគណៈកម្មាធិការប្រជាជនខេត្ត បានសង្កត់ធ្ងន់ថា ខេត្តសុកត្រាំងនឹងបន្តការខិតខំប្រឹងប្រែងអនុវត្តកម្មវិធី គម្រោងឧបត្ថម្ភកុមារ លើកកម្ពស់គុណភាពជីវភាពនិងកសាងបណ្តាកម្មវិធីអភិវឌ្ឍស្ថិរភាព រួមចំណែកក្នុងបុព្វអភិវឌ្ឍន៍រួមរបស់ខេត្ត៕
ហ្វាងភុក-លីហាន់
Thông tin bạn đọc
Đóng Lưu thông tin