 |
| បណ្តាតំណាងចូលរួមក្នុងសម័យប្រជុំនៅខេត្តសុកត្រាំង។ |
នៅខេត្តសុកត្រាំង ចូលរួមមានបណ្តាសមមិត្តឡឹមវ៉ាំងម៉ឹង-សមាជិកមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំង ហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត ត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្ត បណ្តាសមមិត្តជាសមាជិកគណៈចង្អុលការបំបាត់ផ្ទះបណ្តោះអាសន្នផ្ទះទ្រុឌទ្រោមលើភូមិដ្ឋានខេត្ត។
តាមស្ថិតិរបាយការណ៍នៃបណ្តាភូមិភាគគិតមកដល់ថ្ងៃទី៦មីនាឆ្នាំ២០២៥ទូទាំងប្រទេសជំនួយបំបាត់ផ្ទះបណ្តោះអាសន្នផ្ទះទ្រុឌទ្រោមបានចំនួន១២១.៦៣៨/២២៣.១៤៦ខ្នងក្នុងនោះមាន៦៥.៥៦៤ខ្នងបានកសាងសម្រេចនិងចាប់ផ្តើមកសាងថ្មីចំនួន៥៦.០៧៤ខ្នង។ជាក់ស្តែងឧបត្ថម្ភផ្ទះនៅចំពោះអ្នកមានសគុណជាមួយបដិវត្តគឺ១០.៣៨៨ខ្នងឧបត្ថម្ភផ្ទះនៅចំណុះ២កម្មវិធីទិសដៅជាតិគឺ៥៧.៦៦៤ខ្នងនិងឧបត្ថម្ភផ្ទះនៅចំណុះកម្មវិធីបំបាត់ផ្ទះបណ្តោះអាសន្នផ្ទះទ្រុឌទ្រោមគឺ៥៣.៦៣៦ខ្នង។
ទន្ទឹមនោះក្នុងដំណាក់កាលផ្សព្វផ្សាយកម្មវិធី បណ្តាស្ថាប័ន អង្គភាព ធនាគារ អគ្គក្រុមហ៊ុននិងអាជីវកម្មបានផ្ទេរប្រាក់២.២៣០/៣.៤៤៦៤ពាន់លានដុងតាមគម្រោងកៀរគរប្រភពកម្លាំងនៅកម្មវិធីបំផុសចលនាថ្ងៃទី៥តុលាឆ្នាំ២០២៤។ ទន្ទឹមនោះអង្គភាពមួយចំនួនក៏ផ្សព្វផ្សាយចលនាដោយស្មារតីជួយគ្នាទៅមកដូច ក្រសួងការរពារប្រទេសជំនួយបន្ថែម១៦៦ពាន់លានដុង ផ្នែកធនាគារចលនាបំពេញបន្ថែមសម្រាប់ជំនួយជិត៩១ពាន់លានដុង ចលនាកម្មាភិបាល បុគ្គលិក សមាជិក ពលករទូទាំងផ្នែកឧបត្ថម្ភប្រាក់ខែ១ថ្ងៃដើម្បីចូលរួមបំបាត់ផ្ទះ១.០០០ខ្នង។ លទ្ធផល គិតមកដល់ថ្ងៃទី២៨កុម្ភៈឆ្នាំ២០២៥ មូលនិធិអ្នកក្រមជ្ឈិមបានទទួលថវិកាជំនួយជាង៨០,១៥៩ពាន់លានដុងសម្រាប់ជំនួយបំបាត់ផ្ទះបណ្តោះអាសន្នផ្ទះទ្រុឌទ្រោម។
នៅខេត្តសុកត្រាំងគិតមកដល់ថ្ងៃទី៧មីនាឆ្នាំ២០២៥បណ្តាភូមិភាគបានផ្តើមកសាងបាន៥.២៣១/៨.៥៨៦ខ្នង ក្នុងនោះកសាងសម្រេច២.៨៣៣ខ្នង ជាមួយថវិកាអនុវត្តជាង១៥៤ពាន់លានដុង។ ក្រៅពីនោះមូលនិធិដើម្បីអ្នកក្រខេត្តបានទទួលថវិកាសម្រាប់កម្មវិធីជាង២៤៨ពាន់លានដុង តាមនោះគណៈកម្មាធិការរណសិរ្សមាតុភូមិវៀតណាមខេត្តអនុវត្តបែងប្រភពទុនកសាង ជួសជុលផ្ទះនៅឱ្យមុខសញ្ញាពីមូលនិធិដើម្បីអ្នកក្រថ្នាក់ស្រុក បណ្តាមន្ទីរគណៈផ្នែកខេត្តផ្សព្វផ្សាយអនុវត្តតាមផែនការដាក់ចេញ។
 |
| សមមិត្តឡឹមវ៉ាំងម៉ឹង-សមាជិកមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំងថ្លែងការណ៍ក្នុងសម័យប្រជុំ។ |
ថ្លែងប្រសាសន៍ក្នុងពិធីប្រជុំ សមមិត្តផាមមិញជិនសង្កត់ធ្ងន់ កម្មវិធីបំបាត់ផ្ទះបណ្តោះអាសន្នផ្ទះទ្រុឌទ្រោមក្នុងទូទាំងប្រទេសជាកម្មវិធីមានអត្ថន័យមនុស្សសាស្រ្តយ៉ាងជ្រាលជ្រៅរបស់បក្សនិងរដ្ឋ បង្ហាញពីស្មារតីតបស្នងសងគុណ ជួយគ្នាទៅមករបស់ជនជាតិ។ នាយករដ្ឋមន្ត្រីនៃរដ្ឋាភិបាលស្ងើចសរសើរស្មារតីទទួលខុសត្រូវនៃក្រសួង គណៈផ្នែកមជ្ឈិមនិងបណ្តាភូមិភាគ ការគប់វាល់នៃបណ្តាអង្គការនិងប្រជាជនគ្រប់ជាន់ថ្នាក់ក្នុងការផ្សព្វផ្សាយអនុវត្តបំបាត់ផ្ទះបណ្តោះអាសន្នផ្ទះទ្រុឌទ្រោមក្នុងទូទាំងប្រទេសពេលកន្លង។
ពេលខាងមុខ នាយកដ្ឋមន្រ្តីផាមមិញជិនសំណូមពរបណ្តាក្រសួងគណៈផ្នែកមជ្ឈិមនិងបណ្តាភូមិភាគគប្បីជ្រួតជ្រាប ផ្សព្វផ្សាយអនុវត្តដោយម៉ឹងម៉ាត់ មានប្រសិទ្ធភាពនៃគោលការណ៍របស់បក្ស រដ្ឋ បណ្តាភារកិច្ចដែលបានប្រគល់ដើម្បីសម្រេចទិសដៅបំបាត់ផ្ទះបណ្តោះអាសន្នផ្ទះទ្រុឌទ្រោមក្នុងទូទាំងប្រទេសតាមផែនការដាក់ចេញ ខិតខំដល់ថ្ងៃទី៣១តុលាឆ្នាំ២០២៥ នឹងសម្រេចទិសដៅបំបាត់ផ្ទះបណ្តោះអាសន្នផ្ទះទ្រុឌទ្រោមនៅបណ្តាភូមិភាគ យកចិត្តទុកដាក់យ៉ាងខ្លាំងបណ្តាប្រភពកម្លាំងពីមជ្ឈិម ភូមិភាគដល់សហគមន៍ អាជីវកម្មនិងបុគ្គល កៀរគររាល់កងកម្លាំងដើម្បីជំនួយបំបាត់ផ្ទះបណ្តោះអាសន្នផ្ទះទ្រុឌទ្រោម។ ជម្រុញការងារឃោសនាបង្កការស្របមតិ សកម្មចូលរួមនៃទូទាំងប្រព័ន្ធនយោបាយនិងប្រជាជនគ្រប់ជាន់ថ្នាក់។ ទន្ទឹមនោះពង្រឹងការងារពិនិត្យ ក្រើនរំលឹក ក្តាប់ស្ថានភាពពីការលំបាកនៅបណ្តាភូមិភាគដើម្បីដោះស្រាយការលំបាកបានទាន់ពេល ជៀសវាងការខាតបង់ ខ្ជះខ្ជាយ អកម្មក្នុងដំណាក់កាលផ្សព្វផ្សាយកម្មវិធី។ ស្ងើចសរសើរ ជូនរង្វាន់ចំពោះបណ្តាបុគ្គលគំរូឈានមុខដែលមានច្រើនការគប់វាល់ក្នុងការផ្សព្វផ្សាយអនុវត្តកម្មវធី៕
តឹងផាក-សុផល
Thông tin bạn đọc
Đóng Lưu thông tin