ព្រឹកថ្ងៃទី៣ មីនា នៅកងវរសេនាធំជើងគោកលេខ៨៩៧ គណៈកម្មាធិការបក្ស-អគ្គមេបញ្ជាការយោធាខេត្តសុកត្រាំង បានចាត់តាំងពិធីបើកការហ្វឹកហាត់ឆ្នាំ២០២៥។ អញ្ជើញចូលរួមមានបណ្តាសមមិត្ត ឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្ត ហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត ត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្ត វរសេនីយ៍ឯកត្រឹងក្វុកខើយ-សមាជិកគណៈអចិន្ត្រៃយ៍បក្សខេត្ត មេបញ្ជាការនៃអគ្គមេបញ្ជាការយោធាខេត្ត ថ្នាក់ដឹកនាំបណ្តាមន្ទីរ គណៈផ្នែក ថ្នាក់ដឹកនាំបណ្តាស្រុក ទីរួមខេត្ត ក្រុងកងកម្លាំងប្រដាប់អាវុធនិងកងទ័ពការពារព្រំដែនសុកត្រាំង។
![]() |
បណ្តាសមមិត្តថ្នាក់ដឹកនាំ ចូលរួមពិធីបើកការហ្វឹកហាត់។ |
ឆ្នាំ២០២៤ កងកម្លាំងប្រដាប់អាវុធខេត្ត បានចាត់តាំងយ៉ាងហ្មត់ចត់និងផ្សព្វផ្សាយអនុវត្តភារកិច្ចហ្វឹកហាត់ ដោយទទួលបានលទ្ធផលលេចធ្លោជាច្រើន។ ចាត់តាំងហ្វឹកហាត់ លត់ដំដល់កងកម្លាំងអចិន្ត្រៃយ៍ សម្រេចជាង៩៨,៥% ហ្វឹកហាត់ត្រួតពិនិត្យត្រៀមខ្លួនប្រយុទ្ធរបស់ទាហានបម្រុង ហ្វឹកហាត់ លត់ដំដល់ទាហានបម្រុង សម្រេចជាង៩៧% បំប៉នចំណេះដឹងសន្តិសុខការពារជាតិដល់សិស្សវិទ្យាល័យ និស្សិតឧត្តមសិក្សា មហាវិទ្យាល័យនៅលើភូមិដ្ឋាន សម្រេច១០០%។
![]() |
កងកម្លាំងប្រដាប់អាវុធ ចូលរួមពិធីបើកការហ្វឹកហាត់។ |
ចាប់ពីដើមឆ្នាំមក គណៈកម្មាធិការបក្ស-អគ្គមេបញ្ជាការយោធាខេត្ត ជំនួយការយ៉ាងសកម្មដល់គណៈកម្មាធិការបក្សខេត្ត ផ្សព្វផ្សាយបង្កើតគណៈចង្អុលការ ស្ថាប័នគណៈចង្អុលការសម្រាប់សមយុទ្ធតំបន់ការពារស្រុកថាញ់ទ្រី ស្រុកមីទូ (សុកត្រាំង) សហការជាមួយនគរបាលខេត្ត រៀបចំផែនការហ្វឹកហាត់ ដើម្បីអនុម័តផ្សព្វផ្សាយត្រឹមត្រូវតាមការកំណត់។ ទន្ទឹមនឹងនោះ ត្រួតពិនិត្យណែនាំបណ្តាស្រុកកសាងប្រព័ន្ធឯកសារចង្អុលការ ឯកសារហ្វឹកហាត់ស្ថាប័នបក្ស រដ្ឋអំណាច រណសិរ្សមាតុភូមិនិងអង្គការមហាជន កសាងមូលដ្ឋានប្រយុទ្ធ ដើម្បីហ្វឹកហាត់ទាហានពិតប្រាកដ។ បណ្តាភូមិភាគបានចាត់តាំងការអនុវត្តសមយុទ្ធតាមលំដាប់លំដោយត្រឹមត្រូវតាមគោលបំណងរបស់សមយុទ្ធដែលបានដាក់ចេញ ធានាបាននូវសុវត្ថិភាពចំពោះមនុស្ស សព្វាវុធ។
![]() |
ការសម្តែងក្បាច់គុន។ |
ឆ្នាំ២០២៤ កងកម្លាំងប្រដាប់អាវុធខេត្ត បានចូលរួមការប្រកួតកីឡាដែលយោធភូមិភាគទី៩និងក្រសួងការពារជាតិ ចាត់តាំងទទួលបានលទ្ធផលសំខាន់ៗ។ ក្នុងនោះ ទទួលបានរង្វាន់លេខ១វិញ្ញាសាវាយសី មេដាយមាស១ មេដាយប្រាក់១ មេដាយសំរឹទ្ធចំនួន៣វិញ្ញាសាក្បាច់គុនប្រយុទ្ធដៃទទេកម្រិតយោធភូមិភាគ មេដាយប្រាក់១វិញ្ញាសាបាល់ទះ។ មេដាយសំរឹទ្ធ១វិញ្ញាសាក្បាច់គុនប្រយុទ្ធដៃទទេក្នុងទូទាំងកងទ័ព។ ចាត់តាំងពិធីប្រឡងច្នៃប្រឌិតទម្រង់ឧបករណ៍ហ្វឹកហាត់មាន៩ផលិតផលទទួលបានរង្វាន់ បានអនុវត្តបម្រើក្នុងការងារហ្វឹកហាត់។
ឆ្នាំ២០២៥ កងកម្លាំងប្រដាប់អាវុធខេត្ត នឹងបន្តផ្លាស់ថ្មីលោតផ្លោះភារកិច្ចហ្វឹកហាត់តាមសេចក្តីសម្រេចរបស់គណៈកម្មាធិការមជ្ឈិម ពីការលើកកម្ពស់គុណភាពការងារហ្វឹកហាត់ ក្នុងដំណាក់កាល២០២៣-២០៣០និងប៉ុន្មានឆ្នាំបន្តបន្ទាប់ទៀត។ ចាត់តាំងហ្វឹកហាត់សមយុទ្ធដល់មុខសញ្ញាត្រឹមត្រូវ ខ្លឹមសារកម្មវិធីគ្រប់គ្រាន់តាមការកំណត់ រៀបចំពិធីប្រឡង ការប្រកួតកីឡាបានពិនិត្យតាមផែនការ ដើម្បីធានាសុវត្ថិភាពសម្រេចបានលទ្ធផលខ្ពស់។
![]() |
តំណាងទាំងឡាយទស្សនាការច្នៃប្រឌិត កែលម្អទម្រង់ជំនួយទម្រង់សិក្ខូបករណ៍។ |
ថ្លែងប្រសាសន៍ក្នុងពិធីបើកការហ្វឹកហាត់ វរសេនីយឯកត្រឹងក្វុកខើយ បានស្នើឱ្យអង្គភាពចូលរួមហ្វឹកហាត់ត្រូវជ្រួតជ្រាបនិងអនុវត្តល្អពាក្យស្លោក “មូលដ្ឋាន-ជាក់ស្តែង-រឹងមាំ” ៣ទស្សនះ ៨គោលការណ៍ ៦គួបផ្សំក្នុងការហ្វឹកហាត់។ ផ្តោតលើការហ្វឹកហាត់ព្រមៗគ្នាប្រកបដោយភាពជម្រៅ យកការអនុវត្តធ្វើជាសំខាន់ មានជំនាញក្នុងការប្រើប្រាស់ឧបត្ថម្ភបច្ចេកទេស ពិសេស ការផ្លាស់ប្តូរក្របខណ្ឌនិងបំពាក់អាវុធថ្មីៗ។ គួបផ្សំយ៉ាងជិតស្និទ្ធនូវការហ្វឹកហាត់យោធាជាមួយនឹងការអប់រំនយោបាយ កសាងរៀបរយ គ្រប់គ្រងការហ្វឹកហាត់រវាងវិន័យនិងធានាបាននូវភ័ស្តុភាបច្ចេកទេសល្អសម្រាប់ភារកិច្ចហ្វឹកហាត់។ ការហាត់ច្បាមជាប់ភារកិច្ចមុខសញ្ញា តំបន់និងផែនការប្រយុទ្ធ។ រក្សាកងកម្លាំងប្រដាប់អាវុធខេត្ត ត្រៀមខ្លួនប្រយុទ្ធនិងវាយដណ្តើមយកជ័យជម្នះគ្រប់ស្ថានភាព។ ហ្វឹកហាត់គួបផ្សំជាមួយនឹងការផ្តោតលើការកសាងអង្គភាពរឹងមាំទូទាំងគ្រប់វិស័យ គំរូ ឆ្នើម។ មេបញ្ជាការគ្រប់ថ្នាក់បង្កើនការត្រួតពិនិត្យនិងធានាប្រសិទ្ធភាព ការរកឃើញទាន់ពេល ទប់ស្កាត់ការបំពានគោលការណ៍ គោលនយោបាយ សេចក្តីសម្រេចរបស់បក្ស ក្រឹត្យច្បាប់របស់រដ្ឋ វិន័យយោធានិងធានាសុវត្ថិភាពដាច់ខាតក្នុងគ្រប់សកម្មភាព។
ពេលវេលាហ្វឹកហាត់បានចែកចេញជាពីរដំណាក់កាល គឺដំណាក់កាលទី១ ចាប់ពីថ្ងៃទី១ ខែមីនាដល់ថ្ងៃទី១៥ ខែកក្កដា ឆ្នាំ២០២៥ ដំណាក់កាលទី២ ចាប់ថ្ងៃទី១ ខែសីហាដល់ថ្ងៃទី១៥ ខែធ្នូ ឆ្នាំ២០២៥៕
សុងឡេ-លីហាន់
Thông tin bạn đọc
Đóng Lưu thông tin