រសៀលថ្ងៃទី៥ មីនា នៅអគ្គមេបញ្ជាការយោធាខេត្តសុកត្រាំង គណៈចង្អុលការបុណ្យតេតប្រជា-យោធាខេត្ត បានចាត់តាំងសន្និបាតបូកសរុបនិងផ្សព្វផ្សាយផែនការសកម្មភាពបុណ្យតេតប្រជា-យោធាអំណរបុណ្យចូលឆ្នាំថ្មី ឆ្នាំ២០២៥។ អញ្ជើញចូលរួមមានសមមិត្តង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្ត ប្រធានគណៈចង្អុលការបុណ្យតេតប្រជា-យោធាខេត្ត សមមិត្តឡឹមហ្វាងម៉ូវ-នាយកមន្ទីរជនជាតិ-សាសនា ព្រមទាំងតំណាងថ្នាក់ដឹកនាំ គណៈកម្មាធិការបក្សស្រុក គណៈកម្មាធិការប្រជាជនស្រុកថាញ់ទ្រី គណៈមេបញ្ជាការយោធាស្រុកគូឡាវយុងនិងថាញ់ទ្រី។
 |
| សមមិត្តង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្ត ប្រធានគណៈចង្អុលការបុណ្យតេតប្រជា-យោធាខេត្តសុកត្រាំង ថ្លែងប្រសាសន៍នៅសន្និបាតបូកសរុបនិងផ្សព្វផ្សាយផែនការសកម្មភាពបុណ្យតេតប្រជា-យោធាអំណរបុណ្យចូលឆ្នាំថ្មី ឆ្នាំ២០២៥។ |
សកម្មភាពបុណ្យតេតប្រជា-យោធា មានប្រធានបទ “យោធា-ប្រជាជនសុកត្រាំង អំណរបុណ្យចូលឆ្នាំថ្មី ឆ្នាំ២០២៥” បម្រុងនឹងចាត់តាំងក្នុងរយៈពេល៣ថ្ងៃ (ចាប់ពីថ្ងៃទី១០ដល់ថ្ងៃទី១២ មេសា ឆ្នាំ២០២៥) នៅវត្តទក្ខិណនិកាយខ្មែរលើភូមិដ្ឋានស្រុកថាញ់ទ្រី។ សកម្មភាពនេះបង្ហាញពីការយកចិត្តទុកដាក់ គិតអានរបស់គណៈកម្មាធិការបក្សខេត្ត គណៈកម្មាធិការប្រជាជនខេត្ត មន្ទីរ គណៈផ្នែក អង្គការមហាជននិងកងកម្លាំងប្រដាប់អាវុធចំពោះជនរួមជាតិខ្មែរ។ ឆ្លងតាមការឃោសនា អប់រំ ពង្រីកស្មារតីសាមគ្គី ស្នេហាជាតិ ពង្រឹងទំនាក់ទំនងរវាងកងទ័ពនិងប្រជាជនក្នុងការអនុវត្តភារកិច្ចយុទ្ធសាស្ត្រទាំងពីរ កសាងនិងការពារមាតុភូមិប្រកបដោយជោគជ័យ រួមចំណែកជាមួយភូមិភាគ ដើម្បីអនុវត្តជោគជ័យការងារបន្ថយក្រ កសាងជនបទថ្មី គោលនយោបាយសមរភូមិក្រោយកងទ័ព សុខុមាលភាពសង្គម បង្កើនផែនមហាសាមគ្គីទូទាំងជនជាតិ។
បុណ្យតេតប្រជា-យោធាអំណរបុណ្យចូលឆ្នាំថ្មី ឆ្នាំនេះ នឹងបង្ហាញនូវសកម្មភាពដ៏មានអត្ថន័យជាច្រើនដូចជា កសាង ជួសជុលបណ្តាសំណង់សុខុមាលភាពសង្គម ការសាងសង់ផ្ទះ “មហាសាមគ្គី” ជួយភូមិភាគរួមកម្លាំងបំបាត់ផ្ទះបណ្តោះអាសន្ន ផ្ទះទ្រុឌទ្រោមនៅលើភូមិដ្ឋាន ពិនិត្យសុខភាព ផ្តល់ថ្នាំ ជូនអំណោយ ជូនអាហារូបករណ៍ កង់ដល់សិស្សក្រលំបាកសង្វាតរៀន ចាត់តាំងពិព័រណ៍ នាំទំនិញវៀតណាមទៅដល់ជនបទ ដើម្បីបម្រើការទិញដូររបស់របរប្រើប្រាស់របស់ប្រជាជន…។
នៅសន្និបាត តំណាងទាំងឡាយចូលរួមពិភាក្សា ផ្តល់យោបល់ ចង្អុលបង្ហាញពីការលំបាកក្នុងដំណើរការ ចាត់តាំងដាក់ចេញនូវទិសដៅដោះស្រាយទាន់ពេល ដើម្បីអនុវត្តផែនការប្រកបដោយប្រសិទ្ធភាពខ្ពស់។
ថ្លែងប្រសាសន៍នៅសន្និបាត សមមិត្តង្វៀងវ៉ាំខើយ បានសង្កត់ធ្ងន់ថា ការចាត់តាំងបុណ្យតេតប្រជា-យោធាអំណរបុណ្យចូលឆ្នាំថ្មី ជាភារកិច្ចនយោបាយពិសេសដែលបង្ហាញស្មារតីសាមគ្គីភាព ពង្រឹងទំនាក់ទំនងរវាងយោធា-ប្រជាជន។ ដើម្បីអនុវត្តសកម្មភាពប្រកបដោយប្រសិទ្ធភាព អនុប្រធានគណៈកម្មាធិការប្រជាជនខេត្ត បានស្នើដល់គណៈចង្អុលការបុណ្យតេតប្រជា-យោធាខេត្ត បន្តពង្រីកស្មារតីទទួលខុសត្រូវ ច្បាមជាប់ បំពេញផែនការអនុវត្ត ពិសេសឯកភាពទីតាំងអនុវត្ត បណ្តាមន្ទីរ គណៈផ្នែកតាមផែនការចាត់ចែងការងារយ៉ាងសកម្ម សកម្មនូវផែនការអនុវត្ត ដើម្បីនាំមកនូវបុណ្យតេតដ៏កក់ក្តៅ រីករាយដល់ជនរួមជាតិខ្មែរ៕
ហុងទើ-លីហាន់
Thông tin bạn đọc
Đóng Lưu thông tin